شبكة اخوي الفزعه يااهل النخوه

مرااحب كيفك ان شا ء الله بخير

كم لي مشتركه في هالمنتدى واول مره اشارك فيه

حابه استشيركم وتكفون اعطوني وجه والله الله بالزين

السالفه ان اخوي خطب عقبال عندكم والي خطبها تصير بنت عمي وبنت اخو زوجي بنفس الوقت يعني الدعوه

مشربكه مني ومناك

عاد انا بقوم بدور الاخت الكبيره والام في نفس الوقت:icon28:



واهل العروس بيسوون شبكه المفروض انا الي راح البس العروس شبكتها :26:

عاد انا حابه اخذ رايكم في طريقة تقديم الشبكه اذا في افكار لديكم لا تبخلون واختكم اول مره تمر في هيك موقف وش ممكن نجيب لها شبكه غير الذهب

يعني ميح


ثانيا ابي استشيركم في اطلالتي البهيه حابه اكون متميزه

انا من الرياض متزوجه وعندي عوال جسمي مو نحيفه ولا سمينه حليو بس مشكلتي كروشه شوي

حنطيه لون شعري اسود طبيعي

ابي فستان يكون بسيط لانها شبكه وش رايكم في اللون المناسب والميك اب والاكسسورات والشوز

انا دائما البس الوان غامقه مره لبست سكري حابه اجرب الوان جديده وش رايكم

على حسب مواصفاتي ابي رايكم الله يسعد ويوفق ويعطيها كل الي تتمناه الي بترد علي وتفيدني تكفون

الشبكه قربت ويادوب اجمع افكاري الله لا يحرمكم اجر

ابي كوفيره تخليني طبيعيه انا ماحب الميك اب اوفر والوان قوس قزح بوجهي <:icon33: