شبكه اخوي سا عدوني

ال سلام عليكم ورحمة الله وبركاته
والله حبيبتي اتمنى من كل قلبي اني افيدك وراح اعطيك تجربتي وهي جدا جدا بسيطه واتمنى تعجبك
1-حددت لونين رئيسيين للحفل مثلا(اورنج&خربزي)-وجهزت الباقي على نفس اللونين
2- جهزت للديكور طاقتين تل كل وحده لون من الالوان الاساسيه:26:
وشرايط ستان صغيييره على نفس اللونين وشريطة ستان كبيره شوي
3- الورود جبت نوعيين من الورود ورد طبيعي و ورد صناعي
4-المفارش راعي اناه تكون متناسقه مع الديكور العام من ناحية الالوان سواء مفارش الطاولات اوالخدمه
5-حتى الشوكلاة نسقي مع نفس المحل ان لون تغليفها او شرايطها مناسب
اول شيء الطاقتيين هي لديكور (الدربزين) او للحديد اللي يزين الدرج
مسكتها واخذت منها لزوم تغليف ما بعد العشا <<ما اعرف اسمه اللي نحط فيه العلك والمستكه وغيره المهم قصصت التل على شكل مربعات من كل لون وحطيت لها الشرايط الستان الصغيره فمثلا دانتيل اورنج مع ستان خربزي والعكس
اما بالنسبه للدربزين فاخذته وجهزت التل على شكل طبقتين وثبته من جوا خليته منسدل او طالع على برا وثبت ورد مجفف على كل الطبقتين بشكل منثور
وبعظ الورود ثبتها على شكل زم بسيط كانها ماسكه شيء بسيط من القماش
وهذي الحركه على طول الدربزين وحتى النهايه لكن النهايه عندنا لها بروز كبير كانه راس ادمي :) المهم جبت شوي من الورد الطبيعي وسويته على شكل اكليل وطاالع منه شريطة ستان كبيره على شكل فيونكه المهم الشكل النهائي طلع كذا :26: ويمكنك تنثرين شوي من الورد على الدرج
:27:
نجي للطاولات انا نسقت مع المتعهد للحفلات انها تكون نظيييفه واحذرك من هالشيء لا تاكل مقلب معتبر يوم الحفل تطلع وسخه نبهي عليهم المهم انا ما تعبت على الزينه كثير لاني رحت لمحل الشكولاة واستاجرت من شكل حلو للشكولا وللفطاير وللمعمول وترامز للشاهي والقهوه من نفس متعهد الحفل ورحت قبل الحفل بكم يوم اشيك عليهم واخترت الشكل اللي ابغاه وبالنسبه للفناجيل والبيالات فوالله اشتريتها وبسعر مو رخيص لانها راح تجلس عندي فما حبيت احط شي خايس للمعازيم
واما السكريات فنس الشيء لكن والله مو غالياات لقيت اشكال تحفه عند ابو ريالين والله واشتري منه كميه على حسب الطاولات والكل اعجبته وما احد توقع انها بهذا الرخص :) لييش لان الفناجيل والبيالات غاليه فاعطو احساس بان كل اللي على الطاوله غالي :) واخر شيء العصير كا سات العصير افضل انها تكون شكل واحد وفيه حركه جدا روعه لتقديم الكاسات هي : تسكبين شوي من العصير في صحن مسطح صغير وتقلبين الكاس وتغمسينه بمقدار ربع سانتي وتطلعينه وتغمسينه في سكر عادي السكر راح يثبت على الحواف حطيه في الثلاجه شوي بعدين اسكبي العصير وقدميه والله منظره رووعه
واتنمى انك فهمتي علي
اختك رياح السلوى:24:

الله يعطيك العا فيه اختي ما قصرتي لكن انا قصدي ان اللاغراض اللي ابا خذها معنا من ذهب وش تقترحين ناخذ معنا هدايا بعد وشلون اقدمها وطريقه تزيينها مثلا وهذي لك عيوني علي ردك ما حد عبرني الا انت :26: :26: