السلام عليكم ورحمة الله وبركاته
انا متابعه هذا المنتدى الرائع من 3 سنين او اكثر
ولكن توي سجلت عشان اطرح مشكلتي الي ماني عارفه وش اتصرف فيها
رجاءا بدون تجريح او استهتار
انا عمري 25 سنه طالبه جامعيه منتسبه
قبل سنه ونص انخطبت من صديق اخوي(صداقه من 5 سنين )
وكان اخوي يمدحه لي دائم ويقولي بيوديك تدرسين تسافرين برا( لانه هذا طموحي)
وهو بيدرس هناك معاك
مع انه اكبر مني بسنه ولكن لاهو متوظف ولا يدرس
وافقت عليه بعد استخاره .. اختي كانت تقولي لاتوافقين الي قعد 6 سنين مايدرس ولا يشتغل وش ترجين منه الحين
لكن لم اسمع كلامها وليتني سمعته
وافقت وتمت الملكه( طبعا الملكه كم مره يقول بجي باليوم الفلاني بعدين يأجل والسبب ابوه .. وهالموضوع سبب لي توتر نفسي .. بالبدايه ماصدقته لين عرفت ابوه انه دايم يسوف ويأجل)
الملكه استمرت تقريبا سنه وكنت اطلع معه واروح واجي بدون مايصير اي شي خارج الادب زي الاخوان تقريبا بالاسبوع اطلع معه مره واحيانا يجي البيت طبعا طلعاتي ووجوده بالبيت بوجود اخوي
كم هوشه صارت بسيطه بالملكه وكن انا الي اكلم واقول ابي اتفاهم ونطلع نتفاهم ونرجع متصافين الحمدلله
لكن اهم القرارات الي اختذها بخاطري لمن قالي هونت عن الدراسه برا بشتغل هنا
وافقت على مضض وقلت معليش يابنت اهم شي انه ولد حلال
وبديت اقوله يلا دورت وظيفه وكذا يقول لا لين اخر شي قال انا ماراح اشتغل انا بدخل مشروع
سكت بعد على مضض وقلت اوك الله يكتب الي فيه الخير ادخل مشروع الحين قبل الزواج
قال لا انا ماني داخل اي مشروع الا بعد الزواج .. استغربت من كلامه وسالته وعطاني اجابه غير مقنعه بس ماذكر وش قال
طبعا اول شي قلته لاخوي قبل الملكه هل هو من النوع الي يسافر وراعي خرابيط؟ قال اخوي لا قليل جدا يسافر
من هالناحيه تطمنت
وجبت الطاري له قال انا اكره اصلا الي يسافر لحاله وهو متزوج وانا مستحيل اسافر لحالي
بعدها بعشر ايام تقريبا كلمني قال انا مسافر دبي مع خويي
انا قلتله ماوعدتني انك ماتسافر لحالك ؟؟ قال ماوعدتك !! اشتد بيننا الكلام وسكرنا
وسافر ورجع وانا ماكلمته ابد
بس اول مارجع ارسل مع اخوي هديه ذهب
شكرته على البلاكبيري على الهديه وقلت له للحين زعلانه ويلا نتفاهم ومرني وطلعنا نتفاهم ونتناقش وطلع بالنهايه ناسي انه واعدني ؟؟؟؟؟؟؟؟ اعتذر وسلكت وانتهت المشكله
طبعا هو فيه ش بالاعصاب وقلت له عالج ووعدني يروح يكشف باليوم الفلاني وكم مره يوعدني ولايسوي شي
ابيه يكشف عشان ماتكبر مشكله الاعصاب وتصير شي اكبر مثل ماصار لابوي الله يرحمه
خلال ايام الملكه ابو زوجي ارسلي رساله بالواتساب بمامعناه يابنات خلوا ازواجكم يتزوجون ثنتين ؟؟ لاتصيرون انانيات ؟ فيه بنات عوانس ؟؟
تخيلوا؟ طيب خلني اتزوج بالاول وبعدين يصير خير ؟
رديت عليه طبعا وقلت له انا ماقتنع بالرجال الي متزوج ثنتين بيصير محيوس واستغرب ردي متعود على زوجته دائما تسكت ماشاءالله اذا قالها شي فاعتبرها قلة ادب مني
فيه مواقف صارت بالملكه مثل اني اقوله حجزت شهر العسل؟ يقول لا مادري وين نروح؟ طيب استأجرت شقه؟ لا نبي جنب اهلك مانبي جنب اهلي وانا اقوله براحتك سو الي تبي.. طيب دورت مشروع او اشتغلت؟ برضوا لا ماسوا اي شي
وانا ياعمري متحمسه حتى اشياء التسريحه العلب وسله الغسيل شاريتها انرحم احسب وراي حياه زي العالم والناس وبخفف عليه ضغط الطلبات
تحدد الزواج بنهايه شهر 10
وكان مستعجل على الزواج وكم مره اقوله اذا تبي ناجل ناجل لين ماتخلص اشغالك
لانه جاء رمضان وهو ماستأجر ولا اثث ولا اشتغل ولا دخل مشروع ولا حتى قالي شهر العسل وين
المهم قبل الزواج بشهر امي قالت يلا كلمي زوجك وقولي له وين شهر العسل عشان نرتب شنطتك ماينفع الحوسه هذي
طبعا اكلمه اكلمه مايرد يومين واخر شي كلمني وقال نايم ويوم صحيت سوينا انا واخوك قهوه ثقيله ومدري ايش كان اخوي نايم عنده<< رايقققققق كنت على اعصابي وخايفه وانا اصلا دقيقه جدا احب كل شي يكون مرتب وبوقته ماحب الفوضى
وبعدها بيوم كلمني قال انا على كلامي اول الملكه يوم اقولك بنسافر اوروبا راح نسافر اوروبا ومافيه شي غير اوروبا وانتي دوري تقارير سفر وعلميني بالجدول المهم دورت تقارير سفر عشان احط جدول للسفر ومن بكرا كلمني قال انا حجزت على دوله ؟؟؟؟؟؟ << دوله اسيويه يحبها هو مره وسافر لها قبل اربع سنين ودايم يحكي عنها انه اخوياه تزوجوا من هناك زواج لعب يعني وكذا
فقلت له لا الا هذي الدوله<< انا منبتهته من قبل لايفكر نروح هالدوله لاني اعرف نفسي بقعد افكر واسأله اكيد رحت مع بنات هنا ولا اكيد لعبت مع بنات هنا وبيتطور النقاش ويحتد وتصير مشكله
فدق الصدر وقال ماعليك ماراح يصير شي متأكد راح تستانسين ومن هالكلام
سكت انا وانا مقهوووووره لاني يوم قالي اوروبا فصلت كاب وجهزت كل شي وحطمني
(اثره كان يكذب علي ماحجز بس بيجس النبض)
استأجر سي السيد اخيرا شقه بجنب اهله << وين كلامه جنب اهلي
مايهمني انا جنب اهله ولا اهلي بس ليه يقولي كلام واذا شافني موافقه على هلكلام يروح يسوي العكس
واذا قال كلام وشافني مارضيته يروح يسويه..؟؟
هل ماشي على المثل الي يقول(خذ شورها وخالفها)
بعد ماستأجر قلت له خلاص الحين اكيد بيأثث مر اسبوع اسبوعين ثلاثه وهو ماسوا شي
قبل الزواج باسبوع خلاص عجزت اتحمل كلمته قلت متى تخلص اشغالك ؟؟ يعني الى متى؟
قال خلاص تطلعين معي نختار غرفه والصاله
طلعت معه قبل الزواج باسبوع (بعز انشغالي وخلطاتي)
واخترت الكنب قالي متفقين انتي واخوك علي؟؟ الا تبغون هالكنب ؟ تخيلوا؟؟
وانا والله مادريت ان اخوي مختار شي اساسا؟
اثرهم رايحين قبلها بيوم ايكيا واخوي صار اختياره زي اختياري
زعل اخوي شوي على كلامه لاننا مو راعين هالحركات والخطط لا وعلى شان ايش؟ كنب؟
الحمدلله والشكر
رحنا وراني كم غرفة نوم قالي نه فلانه< اخته قالت لي هذا وانه فلان< اخوه قالي هذا
مدري وش دخل اخوه بغرفة نومنا ..البنت مير اهون
المهم اخترت وخلاص قال بكرا الصباح بشتريها ورجعت البيت ونمت
جاء من بكرا كلمته قال لا ماشريتها!!!!!!!
نعم؟؟؟؟؟؟ باقي على الزواج 5 ايام؟؟؟؟؟؟؟
بفهم بس وش يحس فيه
سكت واكلت *********
المهم فيه اشياء كثيره صارت خلال فتره الملكه ماتحضرني حاليا
قالي بنروح بعد الزواج على طول فندق الريتز < طبعا فندق الريتز مره جميل
او اي فندق نظيف
طبعا طول هالفتره ااحسبه حجز خلاص لشهر العسل وهو ماحجز
صار الزواج وطبعا بيوم الزواج تأخر مره بالجيه كنت ابيه يجي بدري عشان يصور بالالبوم دافعه عليه 9000 الاف ريال ومنقهره ماجاء الا اخر نص ساعه
وماتصدقون لو اقولكم انه هو كان مع اخوي يوم اروح المشغل وهو الي وصلني للفندق
طيب المفروض يروح يهتم بنفسه حمام مغربي حلاقه صنفره اي شي ؟؟؟ يوم زواجه وش قلة الاهتمام والبرود هذا؟<<مع انه حااااااار جدا جدا
ويوم الزواج ماحجز اي فندق ماحجز الا متأخر بفندق مرررررره قديم ومتهالك وبلعتها وسكت< قال ريتز قال
**
للعلم ترا عرس الرجال بعد عرس الحريم بيوم
وترا العرس على البنت حتى عرس الرجال على البنت
وتخسرنا فيها يمكن 90 الف
**
اول ماخلص الزواج وقعدنا وكنت طبعا مره خايفه قالي ترا ماحجزت شهر العسل بحجز بكرا
انا <<< :11:
طيب وش نسوي لين يحجز وين نقعد ومافيه اثاث بالشقه
جاء من بكرا عرس الرجال
وحجز للدوله الي يبيها وسافرنا
طبعا فيه محاوالات لقلة الادب ههههه ولكن انا كنت اخاف مرررررره واتهرب واحيانا ادوخ
المهم سافرنا فيه ايام حلوه وفيه ايام فيها مناقشات
سافرنا 12 يوم ورجعنا بسبب مشكله الي هي الى الان 6 شهور تقريبا
صار نقاش وبدال مايناقشني انسدح وننام وانا تقهرني هالحركه
رحت دفيت الطاوله الي جنبه بقوه وقلت له اصحى تكلم معي
احتد النقاش وبدا يصارخ بقوه
ومسك طرف بلوزتي بطريقه سخريه<< هذا الي خلاني ماتفاهم معه لحد الان
يمد يده حتى لو ماهي ضربه؟؟ وحنا بشهر العسل؟
خيررررر ؟؟ وهذا وش بيسوي بعدين؟
متتعود على اخواته سكتم بكتم بالغلط والصح<< ترا اخواته طيبات الا وحده منهم شايله شيل بقلبها علي مع اني ماعرفها زين
قالي انتي طالق
وبعدين صرخت بوجهه ودخلت الغرفه
وكلمت اهلي واخوي قلت له احجز لي ابرجع
قالت اختي بحجز لك بس عطيني معلومات الجواز
طلعت قلت ابي جوازي ورفض قال انا بحجز
وصدق حجز وطلعنا لقطر ترانزيت 12 ساعه تقريبا وبعدين للرياض
طبعا هاليومين الاخيرات ماكلت شي ابد ابددد ابد ولا تكلمت معه ابد ابد ابد
حاقده عليه حقد شلون يعاملني بهالمعامله
^^^
توضيحات: *هو كريم معي مره بالسفر وطيب
*قبل الهوشه الاخيره فيه هوشه قبلها باسبوع ورحنا للعاصمه عشان نروح المطار ولو ماتداركت الوضع وقلت له بنتفاهم كان رجعت بعد 6 ايام من شهر العسل
وعشان ماظلمه اول ماقلت له بنتفاهم اخذ فندق وعلى طول ضحك بوجهي قبل ماتكلم حتى وقال وش رايك نطلع نتعشى ونغير جو
وبعد اسبوع صارت المشكله الكبيره
*للعلم المشكله نفس ماتوقعت بسبة ماضي وبنات
*وقت المشكله كان علي الدوره وتعرفون نفسية البنت لاجتها الدوره وهو ماقدر هالشي
*انا بكرا لحد الان
المهم وصلنا الرياض واخذني اخوي وهو اخذه ابوه < ابوه بالبدايه طيب معي ماعدا الرساله حقت الواتساب مدري وش يقصد
وبعدين صار شي راح اذكره لاحقا
..
طبعا اهلي يدرون عن كل شي لاني اتواصل وافضفض لاختي بالبلاكبيري
هو اهله لحد الان لايعرفون شي ابد
انقطعت عنه المكالمات ولا رسايل ولا شي وحتى هو
حتى انقطع عن اخوي
هو معاي البيبي بس صمت محد يكلم الثاني
تكلم معه عمي قاله انه خلاص بيصلح كل شي ووعده
وفجاه سافر دبي؟؟ يعني عناد وصور وحط بالعرض صورة مرقص
انا من النوع الي ماتحمل بس خلاص جاني تبلد من حركاته
ورجع من دبي وراح بعدها لدوله اسيويه اخرى غير الي رحنا لها
ونفس الشي يصور وكذا
وهو منقطع عن اخوي ولايكلمه ولا شي
بعد فتره فجاه كلمني مرتين ومارديت ولاناويه ارد الا بعد مايعتذر
وكلم اخوي قال خل اختك ترد انا ابي ارجعها انه سأل شيخ وانه قال لازم ترجعها ولا راح تصير مطلقه
ورجعني بالكلام
وبعد فتره جاء لاخوي بالواتس اب وقال ابي رقم حسابكم عشان اعطيكم فلوس العرس ونتقاسم كل شي وقال اخوي البطاقه الحين مو معي
قال زوجي لخوي احد مرسلي رساله من رقم غريب ونص الرساله هي ( انه فلانه (الي هي اانا) ماتبيك وتبي الطلاق بس ماتبي تطلبه عشان ماتاخذ منها المهر)
طبعا مو انا الي ارسلته ولا اخواتي ولا اخوي ولااحد ابد ومنصدمه من الرساله
لاني محد يعرف بالموضوع كل اقاربنا مايدرون عن شي
بس الي اتوقعه انه اخته الي تكرهني
بعدها اكد له اخوي ان الرساله غلط ومو صحيحه ومو مننا اساسا
بعد فتره ابوه جاء لي بالواتساب انه انا ماني محاول خلاص مع ولدي يرجع لك< كأني متشحذته ومترجيته يرجع لي
قلت اي عادي لاتحاول اصلا الموضوع طلع من ايدي الموضوع بيد عمي < لاني ابي متوفي الله يرحمه< ابوي توفى بين الملكه والزواج
رجعت العلاقه مع اخوي عادي وجاب له غسال من اهله (الغسال الي هو مويه الوضوء يعطونها المحسود)وقال يمكن معيونه< لو انت معاملني زين وجايب لي بيت واثاث زي العالم والناس وفجأه قلبت عليك قل معيونه بس انا مافيني شي
الي برد قلبي انه انجلد بالدوله الي راح لها من مجموعه سواقين عقاب من ربي مالي دخل<< هههههههه
الزبده رفضت اغسل فيه لين يحط لي تصريح سفر واسافر مع خالتي امريكا زي ماسافر هو
حط لي تصريح وسافرت احلى ايام حياتي بهالسفره
رجعت قال اخوي تروشي بالمويه تروشت ونمت نومه ثقيله وطويله< ويقولون انه هذا يدل على وجود عين والله اعلم
المشكله الحين مرت عليها 6 شهور ولاكلم ولاحاول يعتذر ولا شي
انا الصراحه طابت نفسي منه مو قادره ارجعله ولا قادره اتخيل اني معه مره ثانيه
انه حتى لو اعتذر الحين؟ بعد ايش؟ بعد 6 شهور؟ لا وعروسه بعد؟
احس حتى لو اعتذر ماراح يملى عييني خلاص
حوس لي حياتي وخرب لي احلى ايام عمري حاقده عليه
انا مامعي فلوس المهر كله فسفسته على ذهب وملابس وحالتنا وسط
اخاف اطلب الطلاق ويقول هاتي حلالي ويتركني معلقه
واخاف اسكت واظل معلقه طول عمري وانا ابي اشوف نصيبي
وانا ابي استقر واصلح غرفتي ويصير لي اسم على الاقل لو مطلقه مايهمني
مو كذا معلقه .. احس قاصدها عشان اطلب الطلاق ويطلب فلوسه
طبعا 6 شهور مادفع لانفقه ولا شي
هل اروح للمحكمه ارفع قضية نفقه واطفشه واطلب بيت شرعي باثاث ؟ ولا ايش رايكم ؟؟
وبالنسبه لنفسيتي بالبدايه كنت ابكي كثير ومتحطمه واقوم من النوم فجأه من الحره الي فيني افكر انتقم منه بكل الطرق وارجع اهدى بس الحين الحمدلله تمام الا لمن الاقي اسئله واستغراب من الناس بتواجدي الدائم عند اهلي اتضايق شوي وافكر اقولهم تطلقت وماحصل نصيب
كنت معتذره والحمدلله كملت دراستي وافكر اشتغل
رايكم يهمني جددا جدا وراح امشي على راي الحكيمات هنا
اعذروني الموضوع مو مترابط لانه كل شي اتذكره اكتبه بسرعه وفيه اشياء ناسيتها اذا تذكرتها بكتبها
لارميك ببلاش @larmyk_bblash
عضوة جديدة
يلزم عليك تسجيل الدخول أولًا لكتابة تعليق.
مااشوف انه اخطا خطا كبير يستحق الطلاق
يمكن انتي مغتره بنفسك وقدراتك شوي ومن الاول انتي مستحقرته ويمكن انتي بعد غيوره وضغطتي عليه < تراني مااجرحك بس بجد انا اقول احتمالات لك يمكن يكون الخطا منك مو منه مع انه هو اخطا بس احس خطاه ماايستاهل الطلاق
فكري واستخيري واستشيري
الله يكتب لك الي فيه الخيؤ وييسر امرك ويسخر لك
يمكن انتي مغتره بنفسك وقدراتك شوي ومن الاول انتي مستحقرته ويمكن انتي بعد غيوره وضغطتي عليه < تراني مااجرحك بس بجد انا اقول احتمالات لك يمكن يكون الخطا منك مو منه مع انه هو اخطا بس احس خطاه ماايستاهل الطلاق
فكري واستخيري واستشيري
الله يكتب لك الي فيه الخيؤ وييسر امرك ويسخر لك
الصفحة الأخيرة
بس انصحج نصيحة من قلب لا تروحي المحكمة قبل لا تستشيري محامي ثقة و امين و خبريه بكل شي
و اهم شي كلمي محامي بدون محد يدري عشان لا يوصل الخبر لزوجج
احيانا الشيخ يحكم جور و ظلم بحق الزوجة و معظهم ما يتفهم اسبابج و ينظر بنظره رجولية بحته و هالشي يظلم البنت واايد
و الله يسهل لج يا رب