شتسوين إذا صارت قريبتك كذا؟

هلا وغلا فيكم..

بنات ودي تعلموني في الطريقه اللي أتعامل فيها مع هالحرمة..
هي وحده من قريباتي ..وأنا دايما أحتك فيها لازم يعني لأن فيه جمعات أهل تجمعنا مع بعض..زين؟
هي طيوبه ..بس أحس مشكلتها أنها تقارن بينها وبين الحريم في كل شي وتبي تكون هي الأحسن ...يعني مو قنوعه
المهم ..إللي يقهرني في السالفه إنها دايما تسألني أسئله خاصة وتبي تعرف كل شي .. وبعدين أشوفها تقلد....يعني مثلا تسألني وين تتمشين مع زوجك؟ اي مطاعم تروحون؟ شنو عطيتيه في العيد؟ ....وحتى أسئله خاصه(مع العلم إني دايما أتهرب من الإجابات)
وتجي بعد كذا وتقوللي أنا سويت وأنا رحت هناك ..و..و..بأسلوب كأنها تقول حتى أنا مو بس إنتي..! طيب عليج بالعافيه لازم تنشرين يعني..؟!!!

واللي يبط جبدي إنها تجي وتقول زوجي عطاني.. وزوجي يدلعني ..وزوجي يموت فيني .....! وإحنا شكو؟؟؟؟؟


الحمد لله انا مو ناقصني شي بس أحس أن هالسوالف خاصة ليش تقولينها؟؟ ..


أنا ماكانت تهمني..بس احس قهرتني أخر مره ...تعلمني سالفه عائليه أنا ما
كنت أدري عنها بس زوجي يدري ..وهي تدري إنه يدري ...فقالتلي يووو ماعلمج؟؟ليش؟؟ شدعوه يخبي عليج؟
وأسلوووب والله يقههر ..يعني السالفه بايخه هو علمني وللا لأ عادي إنتي ليش تشبين شر؟

والله انا عصبت على زوجي بسبتها ..وقلت له أنا ماهمتني هالسالفه بس شكلي طلع غلط .. برر لي ليش هو ماعلمني على السالفه وأنا إقتنعت ..وقالي هذي حسوده ماعليج منها...(أنا قلت له وحده ماعلمته إسمها)
والله ومواقف واجد تسويها تقارن بيني وبينها ....مع العلم إني توني متزوجه من سنه ونص وهي طلع لولدها شنب


طيب ...بس إنتو قولولي شلون أتصرف معها؟
أدخل كلامها من هالأذن وأطلع من الثانية؟
وللا أرد عليها بالمثل؟

مع إني على الرغم من كل هذا علاقتي معاها زينه يعني بس تقهرني في هالنقطه