من اكبر الأخطاء التي تقع فيها المرأة عند حصول عدم تفاهم او مشكلة بينها وبين زوجها ترك البيت..وهذا خطأ فادح..نصيحة لالالالالالالالالالالالالالالالا تتركي بيتك مهما حصل..ستعودين مجبرة ومكسورة وتعيسة..بأمكانك التعبير عن غضبك بأي طريقة إلا الخروج من المنزل..أرفضي الخروج حتى لو طلب هو منك ذلك.

لا تخرجي من بيتك تر الرجعه تكون صعبه

لا تروحين لاهلك ...

انا عمي قال لي اذا زوجك يقول لك روحي لاهلك قولي له مو على كيفك هذا بيتي ومستحيل اطلع منه ..لان الوحده بس تطلع من بيتها يتعود الرجال على هالشي وتكبر المشكله ويمكن مايردها بسهوله

السلام عليكم

هلا خواتي اشحالكن ان شا الله طيبات

ما شا الله عليكن كيفيتن ووفيتن

على العموم انا بقولكم تجربتي اللي كل ما حد سمع عنها فطس علي انا وريل من الضحك وقالنا والله انتو مب ريال وحرمته لا والله انتوا طفل وربيعته يمكن بس خخخخخخخخخخخخخخ

المهم يوم ايعصب ريلي ويامكثرهن المرات اللي يعصب فيهن ؟؟؟ ودايما يقولي عايبنج والا سيري بيت اهلج درب اللي يودي << والله قوية الكلمة <<< لا وانا وااايد شاطرة تراني ما اسكت اقوله اوكي مو مشكلة بسير بيت اهلي يله قوم وديني يقولي خلي حد من اخوانج يوديج اقوله والله ما حد بيوديني بتوديني انت والا برايك واطلع من الغرفة واقعد برا شوي >> على فكرة انا عايشة عند اهل ريلي على شان جي ما عندي غير غرفة والحمد لله على نعمه الكثيرة << الحمد لله المهم اطلع اشوف اييبلي شي اكله والا اشربه واقعد عند عمتي والا عند حد من خواته شوي وبعدين ارد الغرفة لاني طبعا ما اقدر على فراقة وهو فرحان فمابالكم وهو معصب حتى لو كان هو الغلطان حرام ما يهون علي وادش الحمام اتسبح واتكشخ واتعطر واطلع اييبله شاي تراه من عشاق الشاي العظام ماشا الله <<< واقعد عداله ويقولي وليش متكشخة جي تقول سايرة عرس اقوله والله انا للأعراس ما اتكشخ وااايد وانت تعرف هالشي بس حق حبيبي وروحي كل لك حياتي فلازم اطلع حلوة وكل شوي بشكل صح حبيبي وهذاك الوقت ينقع من الضحك ويقولي بعض الكلمات اللي تدل انه ما كان يقصد يزعلني بس هو ما يعتذر صراحة بس كأنه يقول واللبيب بالاشارة يفهم ويكفيني نظرة عينه واعرف مو شرط يتكلم

ادري طولتها وهي قصيرة بس انا كان قصدي اراويكم انه ما في فايدة لو تمينا نكبر الكلمة اللي قالة والا الفعل اللي سواه ترا وايد احنا نسوي وهم يسوون ونقول ويقولون بس شي اشياء مهما شفناها كبيرة وكيف يقول وليش ومعصبين وحالتنا لله بس هي في النهاية شي سخيف قدام اللي يشوفونها بعض الاسر الثانية وعلى قولة الرسول الكريم صل الله عليه وسلم :" هلك المتنطعون " يعني اللي يدققون في اسخف الاشياء هل يجوز والا ما يجوز

والله يوفق الجميع ان شا الله

اختكم في الله

ام ناصر