ولحظات يلفها البرد
دعونا نجتمع حول لهيب القصيد لنلتمس دفء الكلمه ووحرارة الاحرف
~ شتاؤكم شعر ~]...
الصوره مخالفه
مابين برد الشتا والوقت وسكاتك *ذابت شموع السهر والليل يحرقها
اجاملك بالسهر واعد نظراتك * وانطرمتى كلمتك يالعذب تنطقها
وتروح عنّي وتترك ضيقة شتاتك * وضلوع صدري هبوب الليل تصفقها
وان جيتني قلت تدري امس وش فاتك* من كثرما قلتها ودّي اصدقها
ماطاح قدرك ولا نزّ لت من ذاتك* ولا انزلت صورتك عندي معلقها
كبر الغلا حدني ماشوف هفواتك * نفسي تحس الخطا والعين مغلقها
ياليل لي صاحب تخجله نجماتك * علم غشيم الهوى وش لون يعشقها
واقرا عليه القصيد وردد احداتك *من غيبة الشمس حتى جات مشرقها
من يسهرك صار ودّه انّه أيباتك *من طول وقت يمر العين يزهقها
ياليل قل له وداع بهمس نسماتك* وقل له اذا فاتت اللحظات يلحقها
حمد بن عبد الله النعيمي
دخيل الما وملح الما وحزن الما قبل ماتطير
تهيا للهبوب اللي تصافق في شراييني
دخيل الغصن والظل والهزيل وهفهفات إعصير
دخيلك لاتشح بنجمتي والليل ممسيني
ترفرف يافقير الريش ضيقه والنهار قصير
علامك كل ماليل جناحك جيت ساريني
انا ماني بخير وجيت يمي وانت مانت بخير
وانا ياطير في من الهجاد اللي مكفيني
ترى لو شفت لي ظل ومهابه في عيون الغير
ترى كل الزهاب اللي معي جرحي وسكيني
مساعد الرشيدي
>
إنت : ماشفت حزني يوم شفتك وصفت...................
كيف سوّى وبـ كلامك بديت ،
إنت ماشفت خوفي في سؤالي نشفت...................
أدري ماكنت تدري بس ، تدري ياليت . .
إنت ماشفت حالي أمس لما { نزفت }...................
قول ، وشفيك ساكت ؟ لايكون إستحيت !
شفت كل الليالي ، وإنت لاتقول شفت ؟...................
فيه كم ليله عدّت . . عنّهَا ، مادريت
تمطر ، وغيم يوم شفته عرفت:...................
إنه تجرأ ~ يلمسك . .وإنتهييييت !
أدري خايف ولكن بسألك : ليش خفت ؟...................
وإنت تدري حبيبك ينتهي لا ( بكيت ) .
لا مشيت إحذر الطيحه ولامن وقفت ،...................
لا تطوفك سنين ، وتنسى إنّك مشيت !
وإن لقيت الصعايب إذكر إنّي حلفت :...................
. .
أدري بردان وتدري واعدك ما خلفت...................
إن عيني " لحافك " لا بردت و ~ غفيت !
أدري الجو بارد ومن هالأجواء خفت...................
وتدري إني مسافر مارجعت { الكويت } .
إسمع اللي بقوله وشوف شنهو إكتشفت:...................
في الشتا ، إقرا هذا البيت مو أي بيت . .
كل ماهب ريح " البرد " وشفتك رجفت ،...................
أشعِل إحساس شعري وأسأل : دفيت ؟
أحمد الصانع
برد يـــلف الأمكنة والزوايا = برق ورعد واحساس بالصمت والليل
وملا مح تدفي برود النوايا = وقلوب ضخّت بالعروق التفاصيل
واحلام صارت للنفوس المرايا = واحزان نامت في ثياب التعاليل
ليل الشتا برد وهروب وحكايا = خوف ورجا رنة حجول .. ومواويل
ليل الشتا خيل وحروب وسبايا = نار وشعر ورجال .. صفّة معاميل
ليل الشتا ميعاد رد الهدايا = لا صار ما يصبر على العطر منديل
لاجا الشتا فزّت جميع الخفايا = يا وينكم يا جا معين المحاصيل
ليل الشتا نصرٍ لكل الصبايا= واكبر هزيمة شامله للرجاجيل
أحمد الناصر الأحمد
ماقلتلك ان الشتا ملح الفصول
الأربعـه
وإنـّك تلاقيني معـه !
لامـر صوتي .. وانتـثـر حـس المطـر
تشتاقني ... واشتاقلك
تحتاجني .. واحتاج لك..
نشفـق على أيّامنا .. أحلامنـا
حــزن ٍ ربا بكتابنا
طهـر الشعور ومنبعـه
وعيـون راحت تتبعــه
والأدمعــه ..
.
.أحيــان لامــر الـ كلام
ودّه يعانـق ..صمتـنا
يلحق على مافاتـنــا
يشعل مــآسي وقتنــا
وده يترجم ذاتـنـا
والصمـت ...... مارد السـلام ..
والله حراااااام !لو قلتلك ان الشتا
ملح الفصول
الأربعـه
يمكن تعاند وقتك القاسي .. وتبدي من جديـد
ويمكن تكون انت الوحيـد
.... اللي عشق صـوت المطـر
اللي تبع سكة حنينــه .. وانتظـر
اللي حبس دمعــه.. ومأساتـــه تزيــد
والريح.. لااااااااااااا .. ما زعزعـــــه ....
مسانا يشعل القنديـل
يحضــن نوره لـ باكـر
هذاك الليل ماهو لـيل
اكثر دمعنـا ذاكِــر
وتذكر
وحشـة المنديل ؟
أكيد الدمع مو فاكـــر
تعـال نوّلـع القنديـل
نشب النور من باكر!
نحيا مع دمـوع الشتـا ..
ونموت في صـوت المطـر ..
الشــــوق يسألنـــا : -متـى .. ؟
لهفـة لقانا تنتظـر ..
.
تِهنــا حبيبي فالزحام
... الروح ضاقـت من سـِــعــــه
نِمنـا على درب الكـلام
... داســــــــــت وفانــا الأقـنعــــه
معـذور لا شـد الخصام
... حبـل الأماني واقـــْـطــعــــه!
هذا الشتا !ملح الفصول
الأربعـه
!
وأكثر أمانينــا معــه .. !
.
.
في عين حزنك يالعمـر طـاري يشـّدك للفـرح
مــد ابتساماتـك سما .. والجرح فعيونـك يهـون
ذبـت بخفوق ٍ ماقـوى يجـرح حبيبـه لو جـَرح
الكون في كفـّه يكون .. وكفـّــة أحبابك في كـون
كنـّك تلوّح لي غـلا .. من قلب صادق منشـرح
وأجي من انفاس الضما.. لإحساس نظراتك عيون
عشق الشتا .. والملح.. وكتاب السهارى.. والفـَرح
روح السما .. والصبح.. والسكر.. وقلبك ياحنون
لو كل عــبره ارتويها من عيونك .. ماسـرح
فيك السهـر ..... ولا تلــوّن حزنـــك اللي بالجفـون
لو كل معنـى يحتويني من عذابك مافـرَح
ماترتمي بين السطور الروح والنبض بجـنـون
شـوف الشتـــا يرسم تفاصيلك .. وتـوّه ماشـرح
كيف العمر يجرح عيون انسان أغلى مايكون ؟.
.يبقى الشتــا
ملـــــح الفصول
الأربعـه
ويمكن
تلاقيني معه !
كلام جميل