شكرا ام مسلم .......;)

الاخوات الغاليات ...ارجوكم اعذروني لتأخري بالرد ...

سررت جدا بمشاركاتكم وردودكم والحال انا شايفة واحد عند الكل ..الله يعينا عليهم ..

حمرة الورد ... والله فكرة الصفارة فكرة حلوة ...وبيجوز بتقلب الوضع من شجار الى ضحك

تخيلي زي الحكم بوقف وبصفر ...هههههههههه عن جد حلوة وبدل ما اعصب وانرفز بعمل حركة

بينبسطوا عليها وبيجوز يصيروا يتشاجروا علشان يسمعوا الصفارة ..!!!!

وبعدين الشحنة اللي بتكون عندي بفرغها بالصفارة بدل ما افرغها بأولادي ...

فكرة جميلة اشكرك على ابداء الرأي ..وحياك الله



الاخت ست الحسن ...

صدقيني انا مثلك ..بحاسب نفسي لما بصير اصرخ او اضرب ..بصير بحكي مع حالي ..

شو اللي بعمله انا ...راح اهبلهم للاولاد ... راح اعقدهم ..وهيك لحد ما اقنع نفسي اني لازم اغير ..

بقعد يومين ..إذا قعدتهم !!! وانا بتصرف معهم بهدوء وبدون صراخ وبدون عصبية ..

بس بصير تصرف منهم ...بيفلت مني العيار وبصير اطخ طخ .... بضربهم ..او بحبسهم ..او بقوم بحملة تنظيف

بالبيت بالعند فيهم !!!! لانهم بيساعدوني !!!

والله يهدينا ويصبرنا ويهديهم ...حياك الله ومشكورة على رأيك وتعليقك


الاخت كيلو ورد ... حياك الله

الحبسسسسسسسسسسسسسسس ...هذا عقاب كثيرا ما استعمله ...ولكن مدة صلاحيته صغيرة

لانه لوبيفيد لما تكرر الغلط وتكرر الحبس ..ولكنه كالمسكن نستعمله لفترة معينة وبس ...

وبيكون المؤتمر المغلق بعد كل طوشة لمعرفة الظالم والمظلوم ... ومع انك بتوهي بينهم وكل واحد

بيتكلم على اساس هو المظلوم ... !!!! وبعيييين الله

شكرا لمرورك الكريم وتعليقك وحياك الله

الاخت ام مسلم ...اسعدني مرورك غاليتي ...حياك الله

عزيزتي هذه مشكلة لن تجدي لها اي حل ..في اساليب للتخفيف منها لكن الانتهاء منها ..

عبث لن تجدي شيئا ...

حياك الله وتحية لكِ



الاخت بنت السراه .... تحية لكِ

وووووو شد الشعر ... لالالا انا ما عندي شد شعر ..لانه ما عندهم شعر ...

بس ايديهم ورجليهم شغالة ... يعني الضرب بيكون يالايدين والرجلين ... وما بنقول غير الله يهديهم ..

شكرا لمرورك وتعليقك ...والله يخليهم لك ِ


الاخت السمسومة ... حياك الله

الحيرة ..... ياااه كثير اوقات بحتار بينهم ... حقيقة ..بيصير كل واحد يتظلم ..ويشكي وبحتار

بحتار بينهم مين اللي كان سبب المشكلة ..وفي النهاية بعطي اوامر عامة ...انه خلص بكفي ...

كل واحد يحترم نفسه وبكفي ... شكرا لتعليقك واطراءك على الموضوع حياك الله

والان جاء دوري ...

اولادي اربعة ...الله يخليلنا ويخليلكم ... كل اثنين قريبين على بعض بالعمر

اولادي في نظر الكثيرين ..او كل من يراهم ..انهم مؤدبون ويحسنون التصرف

لبقين في التعامل وغيره ..

ولكنهم مثلهم مثل اي اولاد اخرون ..يختلفون مع بعض ويتشاجرون ..واكثر شئ يتشاجروا عليه

الريمووووووووووووت ...كل واحد بده الريموت يكون معه ...

وتبدأ المعركة بالكلام ...ثم يزداد فيعلو ..ليكون كلاما عاليا في الدرجة

وبعدها صراخ بصوت ياااا دوب مسموع ...شوي وبتعلى الموجة ..بيصير صراخ بصوت عالي ..

وبعدين بصير الحوار بالايدي ..ليتطور الى التشابك المستمر مع ضربات على البطن او بالرجلين !!!

وكللللللل هذا وانا ساكتة ...وبحكي مع حالي هالحين بيسكتوا ...هالحين بيهدأو ...

اوقات ممكن الموضوع ينحل ويخلص ...

اوقات بسكت ..بسكت لفترة وانا كل ما زادوا كل ما انشحنت وصرت مضغوطة ...

بس بعدين بصير زي القنبلة الموقوتة .. مرة واحدة بصيح

وبعد ييييييييييييييييييييييييييييييييييييييييييييييييييييييييييييييييييين خلاااااااااااااااااااااااااص اسكتوا

وبيجوز اضربهم ..وبيجوز احبسهم ...او غيره من انواع العقاب ...

وبعدين بس يهدأ الوضع بحكيلهم بهدوء انه اللي عملوه غلط ... وانه مش لازم ..وبيكون نقاش مع ابوهم بالموضوع

بعد ما اشكيهم اله ... وآآآآآآه شو بدي احكي ..غير الله يهديهم ...

الله يهديهمو يرضى عليهم ويبعد عنهم الشر اولادي واولادكم جميعا

حياكم الله

والله اليوم لانافع صفير ولاصريخ .......شكلي لازم اضرب من زمااااااااااااان عن الضرب......