شجعوني على قرار يا حكيمات .. هل ممكن اندم؟

السلام عليكم و رحمة الله و بركاته
بنات انا احب زوجي لكن العيشه معه لا تطاق .. ضرب و اهمال و نوم برا البيت وسفريات و اصحاب سوء .. وما يصلي
بتقولون كل هذا و تحبينه ؟
المحبه عاد بيد رب العالمين مو بيدي ..
المهم انا قررت قرار حازم و لأول مره اشوف نفسي كذا صامله .. إنّي أتطلق لأنّه فوق الصفات الّي ذكرتها لكم محمّلني مسؤولية الأم و الأب .. عندي بنتين و انا الي اوديهم و اطعمهم بالمستشفيات واتعب ومع سايق مع اخواني الصغار وبهذله .. طبعاً هو الحمد لله يصرف ويعطي ..
لكن جداً مبهذلني معاه وموريني النجوم الحمراء ..
ماننا مرتاحين مع بعض لا انا و لا هو ..
بس مشكلتي خايفه جداً من الشوق والحنين لبعض ايجابياته .. و ايام عرسنا وشهر العسل .. الخ
اخاف اشتاق لبعض تصرفاته الي تضحكني وما انكر بيننا مواقف حلوه !
اخاف لو تطلقت محد يخطبني خصوصاً كبرت عمري ٢٥ سنه ومعي طفلين !!
ومسؤوليّاتهم كلهم علي !
نحفت من كثر التفكير وعيوني تعبانه وما انام زين
والحمد لله استخير .. و ادعي الله يكتب الي فيه الخيره ..
واحس صامله عالطلاق لأن ما ابي العيشه الجحيم .. لكن متردده من ناحية لأنّي اغليه واخاف احن واشتاق ..