شحن البريد الامريكي USPS//قديم

نفس سؤالك بس العكس

غيساء..

انا جربت قبل اسبوعين ارسلت عن طريق البريد الامريكي واستلموا اهلي الاشياء عن طريق البريد السعودي ..

سندريلا الرياض..

اهلي ارسلولي عن طريق الطيار واستلمت الاشياء من المطار..

شوووكرن جوودي

اهلين بناااااااات بكتب لكم بالتفصيل علشان الكل يستفيد...

بالنسبه للشحن من السعوديه لامريكا ارسلولي اهلي عن طريق مكتب الطيار للسفر والسياحة ويتم توصيل العفش الى اقرب مطار لمدينتك والله يعينك لازم تروحين للمطار علشان تاخذينه

والاجراءات تكون كالتالي
1- يتصلون عليك شركة الشحن الموجودة بامريكا اذا وصل العفش
2- تروحين للشركة ويعطونك اوراق تروحين تختمينه من الــ (Custom)ويكون قريب من مكان شركات الشحن وبيسألك ايش موجود بالعفش
3- بعد ماتختمين الاوراق ترجعين لشركة الشحن وتعطينهم الاوراق وياخذون منك 25 دولار رسوم الاوراق اللي ختمتيهم( المبلغ يمكن يختلف من ولاية الى ولاية اخرى)

الأسعار من السعودية لامريكا
اولا: اقل وزن علشان يشحنه الطيار هو 45 كيلو وسعر الكيلو 10 ريال
ثانيا: الطيار يشحن العفش اللي اقل من 45 كيلو بس راح يحاسب اهلك على اساس انه 45 كيلو ( يعني المبلغ اللي راح يدفعونه اهلك هو 450 ريال لل 45 كيلو او اقل)
ثالثا: مسموح يكون الوزن اللي هو 45 كيلو موزع على اكثر من قطعة ( مثلا على 3شنط وكراتين) يعني مهب لازم يكون ال 45 كيلو بشنطة وحده او كرتون واحد
رابعا: حاولي ان اهلك مايشحنون لك ادوات كهربائية كثيرة علشان مايدققون عليك ( ماعندهم مشكلة بالمواد الغذائية والبهارات والتمور والقهوة والملابس) اهم شي لايكثرون الادوات الكهربائية
خامسا: العفش يبغاله من 10 ايام الى 15 يوم علشان ياصل


الاسعار من امريكا للسعودية
طبعا افضل شركة للشحن هي البريد الامريكيUSPS
وهذا موقعهم علشان تعرفين اقرب فرع لبيتك
http://www.usps.com/

طبعا اسعارهم مختلفة على حسب سرعة التوصيل اللي تبغينه
وانصحك تطلبين اطول مدة من 8 ايام الى 15 يوم لانه ارخص وحتى لو طلبتي توصيل اسرع راح تتأخر عن الموعد اللي راح يعطونك اياه

والاجراءات تكون كالتالي:
1- تروحين لمكتبهم ويكون عندهم كراتين علشان تجمعين عفشك فيها( الكراتين تشترينها من عندهم ) وكل ماقلت عدد الكراتين كل ماقل سعر الشحن لانهم يعتمدون على وزن وعدد القطع
2- تعبين نموذج الشحن ( البوليصة حقت الشحن) وتحطين فيه العنوان حق اهلك
3- بالنسبة للسعر انا ارسلت 20 باوند وطلع الحساب مع الكراتين 106 دولار وراح يسألك اذا تبغين تدفعين تأمين على العفش ( انا مادفعت لانه ارخص بفرق)
4- العفش راح ياصل للبريد السعودي بالمدينة اللي فيها اهلك ولازم تعطين اهلك رقم البوليصة حقت الشحن ويتصلون هم على البريدالسعودي ويسألونهم عن العفش

جــووودي ,,, يعطك ألفــ عافيه ماقصرتي

غيساء .. مشكوره ياقمر