شخصية أم زوجي اللي تشوف الدنيا كلها تدور في فلكها ...نصايحكم

السلام عليكم و رحمة الله

يا بنات

خليني أسولف لكم عن ام زوجي

طبعا هي الكل في الكل في عائلة زوجي ...علاقتها بزوجها سيئة

تشوفني دائما اقل من غيري وعيالي مو متربيين

مع إني جامعية متدينة و قسما الكل يقول عيالك قمة الادب حفظة قرىن وصلاتهم بالمسجد اسم الله عليهم

تتهمني دايما بالتقصير مع إن زوجي راضي

إذا سويت اي نشاط ثقافي تنجن ولا تقتنع غني ممكن انجز أي شي

تمدح سلفتي لان لسانها ذرب ومقتنعة فيها و هذيك تتملقها بالاتصالات الدائمة

انا دغري ولا عندي لف و دوران لكنني جدا احترمها

شوهت صورتي عن عيالها و بناتها اي شي تجلس تسولف فيني والكل ماخذ عني فكرة سيئة من ورا كلامها

لمن تزوج اخو زوجي اكتشفت إن أخو زوجي يعرف كل تفاصيل مشاكلي مع اهله وقايل لمرته أسراري و انا ما ادري عنهم ولا عن بناتها شي

دائما تمدح بناتها و تمجدهم و تنفخهم وتعايرني فيهم لا تشوف فيني الزينة

عليها نظرات سخرية أموووت منها مثلا لو نسيت شي او ما انتبهت لشي تناظرني بنظرات سخرية

حسبي الله و نعم الوكيل

تقرا اوراقي الخاصة إذا طاحت بيدها


لكني صبرت عليها ..وقسما بالله قسما بالله اعاملها احسن ما اعامل امي

لكن ما أدري ليش حاطة دوبها دوبي

مع العلم إنها تحسنت في السنتين الاخيرات لكن لا زالت احس ولا تقولوا لي كيف أو غلط

قسما احس فيها لمن تجلس هي و بناتها يتكلموا فيني ...حافظتهم حفظ


منى عينها زوجي يتزوج علي

لكن أقول

الله يعين

دعواتكم يا بنات