السلام عليكم ورحمة الله وبركاته
تسمحون لي افضفض واقول الي بقلبي مو شرط تردون علي لاكن ابي منكم دعوة بظهر الغيب لأختكم ان ربي يرزقنا الموتة الحسن الطيبة ويجعل خير اعمالنا خواتمها واجمل ايامنا حين نلقى وجهه الكريم
كنا عائلة مستورين والحمد لله وابوي رجال جدا طيب طيب طيب لاكنه بخيييييييييييييييييييييييييييل لأبعد الحدود وشخصيته ضعيفة وخواف كل شي عنده فالدنيا اطلبيه الا الفلوس على طول يعكر مزاجه ويتنرفز المهم كبرنا وصرنا شباب وشابات الي تزوج والي باقي ماجاه النصيب ..... الي حصل قبل سنتين طلع ابوي تقاعد من الوظيفة واستلم حقوقة وقرر يتزوج على امي ... ادري ان الشرع حلل له اربع لاكن عشنا محرومين طول هذي السنين من ابسط حقوقنا المادية هذي الصدمة خلت الوالدة تكشر عن انيابها وتستغيث بأخوها الكبير واشترط عليه اول شي يطلق امي ورفع عليه قضية فالمحكمة يطالبه بنفقة لعياله وبحكم قوة شخصيته قام يهدده انه ماعاد يجي للبيت طبعا الوالد راح سكن فالديرة الي فيها اهل العروسة وبنى لها بيت وتركنا ايه تركنا بعد عشرة 35 سنة يتصل فينا ويتعذر يقول ودي اجيكم بس ما ابي المشاكل وطبعا هو حاول يجي كذا مرة وتصير مشاكل كبيرة وفضايح والله الي قاعد يصير لنا مايرضي حد وصرنا بين نارين ماندري مين نرضي اذا رحنا لأبوي امي تتبرى مننا واذا رحنا لأمي قصرنا بحق ابوي الله وحده يعلم ان ودي اروح اشوف ابوي واسلم عليه ودي انه عقب الكبر يعيش بيننا نطبخ له ونسولف معه ونتقهوى معاه ونوسه بعد الكبر والشيب الي ملا وجهه الله وحده يعلم اني مخنوقة ودمعتي على خدي يارب اجمع شملنا مثل ايام زمان مانبي فلوس ولا نبي شي بس يكفي بهالدنيا اننا نكون بارين بوالدينا يارب فرجك.
نجمة 2020 @ngm_2020
عضوة
يلزم عليك تسجيل الدخول أولًا لكتابة تعليق.
الصفحة الأخيرة
استغفر الله العظيم واتوب اليه