انا م راح اخرب عليك بس اتريثي شويه قبل لا تفكري تجيبي بيبي انتظظظظظري خلي شخصية زوجك تظهر النرجسي بكون مثالي قدام الكل وبقلل منك بعد يطلعك السماء ينزل لاخر الأرض ويوي الافلام للهلك انه ماف منه اتتنين وانه احسن واحد خصوصا لهلك ... واذا اكتشفتيه بسوي عليك حرب ويكذب فيك ويطلع عقده فيك ويقلب الطاوله عليك ويطلعك انك انتي السيئه ويشكك ف نفسك ... خصوصا لو خصيتك قويه تكةني اعظم ضحاياه يمسح بكرامتك الارض ان شاءالله م يكون كذا ويكون بس مشاكل بداية الزواج

انتي دكتورة وزوجك دكتورة واهلك كلهم متعلمين ماشاء الله بالله تعرضي مشكلتك في منتدى ليه ؟ وتخلي اي من هب ودب يأثر عليك بأول عمرك واول زواجك
خذي استشااارة من مستشار أسري متخصص معروف عنده رخصة
لاتعرضي مشكلتك بحسابات ولا تاخذي كلام ناس مو مختصين بالعلاقات الآسرية
اذا قدرتي تتواصلي مع نورة الصفيري او سلمان العواد او محمد العليان
واذا ماقدرتي حملي تطبيق لبيه او راجعي مركز عندكم
لاتضيعي اجمل سنين عمرك تشكي فالمنتديات


بالنسبة لي ما اشوف الا انك دلوعه شوي زي ماقلتي وهو جلف شوي والعاطفة اخر همه عشان كذا ممكن تتصادمون كثير بس مع الوقت بتفهمون بعض اكثر وتقربو لبعض اكثر

اشوف انك لسه ما تعرفين الحياه الزوجيه والاجتماعيه الحقيقيه
تفكرين الزواج عباره عن مسلسل تركي او كوري مليان غراميات ورومانسيات واصوات عصافير واحضان وتبويس ويدين ماسكه بعض وفراش و .... الخ
بينما الزواج الحقيقي هو مثل وضع امك وابوك وعمك وزوجته وخالك وزوجته وجيرانكم و ... الخ عباره عن حياه طبيعيه مليانه تقلبات وظروف ويوم حلو ويوم مر ومسؤليات و .... الخ
وزوجك ما تغيرت شخصيته هو بس بدأيظهرها قدامك بحكم صار بينكم ميانه وراحت المجاملات والتمثيل اللي يمارسونه ثلاث ارباع المتزوجين في بداية زواجهم
ولاحظي انك بمجرد ما بدأتي تتصرفين بشخصيتك الحقيقيه معاه وتبينين له انك انسان ممكن يرفض شي او ما يكون بكامل مزاجه وطاقته للمسايره والتجاوب معاه بعض الاحيان هو بعد بالمقابل ارتاح من التمثيل والتكلف وبدأيتصرف كأنسان طبيعي ولما يجيه فعل يكون له رد فعل بكل بساطه
وإذا من اول تصادم بينكم بالافكار والاسلوب وطريقة التعبير عن الزعل والاستياء انهرتي واخذتي وضعية المظلومه المضيومه الحزينه اللي انهار عالمها بس لانه صار معاك انسان طبيعي اجل كيف بتكلمين معاه وتواجهين ظروف الحياه اللي ممكن تكون صعبه وفيها ضغوطات نفسيه ؟!
ترى زوجك مجرد انسان وليس ملاك وبنفس الوقت ليس شيطان رجيم
يعني لا ترفعينه فوق بشريته وبعدها تنهارين لما تشوفينه يتصرف مثل البشر
الغلط منك الغلط من طريقة تفكيرك ونظرتك للزواج متخيله انه مثل الافلام والمسلسلات ومو قادره تشوفينه بمنظور البشر الحقيقيين
وحتى الحب والعاطفه والرومانسيات طبيعي بأول الزواج تكون الحياه ورديه وسكر وعسل وبعدها تخف
نصيحتي لك كوني اكثر مرونه ولا تحطين تقديس للبشر
والحياه لسه راح تعلمك دروس كثير تخليك تنضجين وتطورين شخصيتك للافضل مع الوقت
تعوذي من الشيطان

وعليكم السلام ورحمة الله وبركاته.
اسمحيلي بقولك إن شخصيتك انت وزوجك عكس بعض هو شخص عملي وأنتي شخص عاطفي وتبالغي بكل شي.
وليك حوالي 3 أشهر متزوجة فخلاص زوجك خرج من حالة العريس بس انتي قاعدة تعيشي بدور العروس الي امبارح عرسها.
ماتزعلي مني بس الحياة مو كلها حب ورمانسية زوجك قاعد يتعب طول الأسبوع وأنتي قاعدة في البيت عندك فراغ ماتفكري الا فيه وهو يرجع تعبان و يفكر بشغله ومع ذلك قلتي انه مو مقصر معاك يخرجك ويرفه عنك وإذا على الي صار بالفندق ذاك غلطك المفروض بهاذيك اللحظة بينتي له انك بفترة الدورة لأن الرجال ما يفهمون الا بالكلام المباشر مو بالتلميحات وعلى فكرة حتى لو قلتلي له ان عندك الدورة ماراح يستوعب تعرفي ليش؟
لأنه راح يقول بنفسه طيب إذا كانت مريضة ليه وافقت تجي للفندق أساسا والا هي مرضت وقت قلتلها ساعديني بس.
حطي نفسك مكان زوجك لو بيوم طبختي 6أصناف وتعبتي وجهزتي له سفرة ملوك واجي تغدى وشبع وبعد الغداء طلبتي منه انك بتزوري أختك بكرى وهو رفض كنتي راح تزعلي وتقولي ماقدر تعبي واني سويت له أكل ونفس الشي زوجك رجع من شغله تعبان ويمكن دفع ذيك الحسبة في الفندق عشان يروح عنك وعند أول طلب بسيط ما قدرتي تعبه وماشرحتي له انك مريضة وأصلا لو كنتي مريضة المفروض ما طلعتي من بيتك.

لا تسمعي كلام أي أحد يقول ان زوجك نرجسي لسه بكير عشان نحكم عليه من موقف أو اثنين خلينا نقول انه عملي صدقيني عامليه بدون أوفرة في مشاعرك خليك معتدلة ولا تخربي زواجك واستعدي لشغلك واهتمي بنفسك وهواياتك وماتخليه محور حياتك اعطيه حقوقه وماتبالغي وما تبيني ضعفك ايش تنامي تبكي وتقولي ما جابلي كاسة موية؟
ترى الحياة مو مسلسل تركي زوجك ماشاف انه غلطان عشان يراضيك.
ولما قالك انه تزوجك عشانك ذكية هو قاعد يمدحك وأنا مثل زوجك عندي مشكلة بالناس الأغبياء ما أطيقهم (ما أقصد الي مو متعلمين أقصد الي مايفهمونها وهي طايرة)
دام زوجك مو مقصر معاك ماتكبري الموضوع وتنقلي كلام تافه عند أهلك اصبري وركزي على نفسك وراقبي ردود أفعاله وترى أغلب الرجال ما يعبرون عن مشاعرهم بالكلام وزوجك منهم يعبر عن حبه بالطلعات والتنزه وانه يناقشك أفكاره وشغله و هذه كلها لغات الحب بس انتي محتاجة شوية وقت عشان تفهمينه وحاولي تثقفين نفسك بهالجوانب مثلا أقري كتب عن العلاقات.
نقطة أخيرة ترى مافيها شي إذا زوجك اختارك عشان انتي دكتورة وأهلك متعلمين وعندهم مناصب لأن هذا من باب التكافؤ في الزواج ماهو عيب ولا حرام بالعكس يساهم في نجاح الزواج فنصيحتي مايدخلك الشيطان ويفسد عليك زواجك انبسطي وربنا يسعدك.

برجه الأسد؟امزح😂
انتي بس عشانك توك مازلتي حالمة وطايرة لكن الواقع هم الرجال كذا تعطينه يعطيك تتعذرين يسحب عليك (يعنني عقاب)
الزبدة خليك زي منتي الشيء اللي ماتقدرين تسوينه اعتذري بلطف ومراضاته سهللللة ع قولتك (ع ح ) فهمتي
عطيتك من الاخر