شخصيتي!! اكثر شي متعبني بالدنيآ

بسم الله الرحمن الرحيم

السلآم عليكم ورحمة الله وبركآته

بدخل للموضوع على طول يَ بنآت تعبت من شخصيتي بحطهآ لكم في عشر اجزآء :

اولآ :اي بنت اتعرف عليهآ واكلمهآ لو دقيقتين اشوفهآ طيبه وحبوبه وكل النآس بنظري طيبه والمشكله مآتوب انصدم وانصدم وانصدم وللحين كل النآس بنظري طيبه

ثآنيآ:امي قالت لي كلمه (الوآحد يكون طيب بس مو لدرجة الغبآء) احيآن وحده تغلط بحقي وتجي تعتذر ومن اول كلمتين اسآمح وهي والله لو تزعل اقعد شهور الحق ورآهآ عشآن ترضى !! ابي اكون حآسمه عشآن مو كل من هب ودب يزعلني ويقول بالطقآق كلمتين وترضى ابي يعرفون قدري بس مآتحمل والله آسآمح على طول بدون تفكير

ثآلثآ:مآعرف اتصرف في الموآقف مثلا موقف المفروض اتكلم فيه اسكت وبعدهآ اندم ليتني قلت كذآ وكذآ موقف ثآني لآزم اسكت لآآآآ اتليقف واقول كلآم اندم عليه مليون مره وانا طبعي مآفكر في الكلآم قبل لآقوله اقول وبس وبعدهآ اقعد افكر انا ليش قلت كذآ

رآبعآ:لمآ اطلب من امي شي مثلا وهي طالعه السوق ابي اللي طلبته بالظبط ولو مآجآبوه انجن وصرخ واعصب وبعدهآ اقول الموقف مآيستآهل انا لو سآكته وقايله كلآم خير احسن لي بس المشكله مآحس بنفس احب اللي اطلبه بالظبط يجيني بعطيكم مثآل طلبت من اخوي ذآك اليوم عشى قلت له يجيب لي وجبه من احد المطآعم الزبده لقى المطعم مسكر جآب شي ثآني انا انفجرت وسويت مشكله وبعدين قعدت افكر شفيني غبيه انا هذا جزآ اخوي رآيح يجيب لي عشآ وش صآر اذا المطعم مسكر .. وغيره وغيره في الملآبس وفي اشيآء كثيره

خآمسآ:كل شي في الاكل احبه سآده وهالمشكله محرجتني اروح بيت احد ومآحب الاكل وش اسوي كل شي احبه سآده بآستآ سآده بيتزا سآده وكل شي بدون خضآر مع العلم اني عندي فقر دم ووزني 41 وانا عمري 21 قالت الدكتوره انتي مو طبيعيه هذآ وزن طيب شسوي كل اكلي مو صحي آحآول اعود نفسي على الاكل مآقدر

سآدسآ:مآروح مكآن بدون امي بنك ..مستشفى.. مشغل اي مكآن مآعرف اتصرف الا بوجود احد معآي والحل!!

سآبعآ:مهمآ اسوي وآحآول ارضي اللي حولي افشل اسوي طبخه اجيب العيد بس فالحه بالحلآ شوي اقول نفس المقآدير وكل شي ليش تظبط مع بنآت عمي وانا لآ !! ونفس الشي المكيآج مثلآ احآول اتعلم واقول بكره بتزوج مآفيه امل مآيظبط معآي شي

ثآمنآ:شعري كل يوم وكل اسبوع نفس مآهو :icon810: مآعرف اغير بس استشوره واخليه مفتوح وانتهينآ وجهي صآر روتيني نفس الميك اب مسكره روج بلآشر كحل ودي يشوفوني خالاتي وقرايبي يوم وينصدمون بتغيير شكلي بس مآينفع الا كذآ ودي اغير بس مآش مآعرف احاول ارفع شعري شي مآيظبط احاول اغير احط ايلآينر مآينفع كل يوم نفس الشكل ودي اغير بس مآبي اقص شعري

تآسعآ:السهر حآولت بكل الطرق اعدل نومي مآقدر كل يوم سهر ويآليت على اشيآء تفيدني كله ع النت والتي في ودي اغير حيآتي اسوي شي الون ارسم اسوي ريآضه اي شي بس مآقدر نفس الروتين بس اقعد للصلآه وارجع انام طول النهآر وطول الليل اسهر مع اني عندي درآسه بس مآذاكر وقت مآكون سهرانه

عآشرآ واخيرا:كل مره اجزم على تغيير شخصيتي وبعد يومين ارجع مآقدر ودي اتغير بشكل كلي


ادري طولت عليكم بس والله ودي اغير شخصيتي الله يرزقهآ اللي ترد علي رد وآفي كآفي وتسآعدني:06: