شخصيتي غريبة مين مثلي؟

السلام عليكم
حبيت اطرح هالمشكلة عسى بعرف اذا حالتي طبيعية او لا
انا انسانة احس شخصيتي غامضة و عميقة طول اليوم بظلني جالسه فغرفتي و ما يهمني اذا طلعو كل البيت ما يهمني ! اميل للعزلة كثير حتى انو ابوي صار يناديني البريّة يعني لو سافرو امريكا فجأة و انا جالسه فغرفتي ما يهمني المهم انا مرتاحه
اي سالفه يحكون فيها اللي قدامي احسها تافهة ، ما يهمني شلون الناس تفكرني انانية مغرورة او حتى نفسية احس انا الصح و هم الغلط ! كمان اي سالفه اذا حد تكلم فيها قدامي مخي يبدا يحلل فيها و ابلش اتخيل الطرف الثاني بايش يفكر او اذا كان كذاب او صادق ، اذا حد جا يدخلني فالجو اقله اخر همي رغم اني احيانا احس انو بكمل حياتي وحيدة كذا بس برجع لمبدئي انو ما اعيش عشان ارضي الناس و هالشي يشمل اهلي ما عرفت حالتي طبيعية و الا فيني اضطراب و الا ايش القصة حتى رفيقاتي ما اوثق الا فوحدة و هي اللي بعطيها من وقتي و اكثر شي متعبني مخي ما يهدا دايم احلل كلشي مثلا اذا الاستاذة ناظرتني مخي يبدا يحلل هي بايش تفكر والله شي استغرب منه بيني و بين نفسي
اذا عندكم تحليل هالشي طبيعي او مرض افيدوني الله يجزاكم خير