شخصيتي مزوحة كثير وطيبة وعلى نياتي وزوجي صار لا يحترمني

أنا شخصيتي مزوحة كثير مع أهلي وزوجي وصحباتي وبشوشة وحتى الناس يقولوا عني طيبة وعلى نياتي..

حاولت إني أفهم شخصيتي في السنسن الأخيرة لأني بدأت أفهم معاناتي إني ماني لاقية إحترام من زوجي لي عكس زوجات أخوانه اللي تزوجوا قبلي واللي تزوجوا بعدي أزواجهم يحترموهم الله يبارك لهم رغم إنه في من أخوانه الهادي وفي منهم العصبي لكن أجمعوا على إحترام زوجاتهم سواء في حضور زوجاتهم أو في غياب زوجاتهم مايرضوا على زوجاتهم وعيالهم بأي غلطة من أي طرف..
عكسي أنا..زوجي عادي عنده يرضي أهله أو يرضي نفسه على حسابي أنا وعيالي..
وصار زوجي في الثمانية السنين الأخيرة ماعاد يحترمني ولا عاد يعمل لي هيبة..وفي السنتين الأخيرة أحس حبي في قلبه قل..
أنا قلت يمكن هو شخصيته كدا مايعمل هيبة لأحد ولا يحترم أحد..لكن لقيته يعامل الناس بإحترام..أنا عادي جدا يقاطعني أو يتريق على كلامي أو يخاصمني قدام عيالي أو قدام الناس في الشارع أو في الدرج وإحنا طالعين شقتنا..

وكمان لاحظت في من الناس اللي إحتكاكي فيهم كثير وأنا دايما مزوحة معاهم وبشوشة وطيبة إنه إحترامي عندهم قل..


أبغى أغير شخصيتي رغم إني أحبها مررررررررررررررررة لأني كمان أفضل إحترام الناس لي على حبي لشخصيتي..


مدري يابنات محتارة..


دلوني..أخاف أتغير وأجي أندم وأبغى أرجع القديمة ولا أعرف..


حلولي مشكلتي جزاكم الله خيرا