شخصيتي وزوجي

السلام عليكم ورحمة الله وبركاته..
بقولكم مشكلتي وابي بس تعطوني كلام يجبر بخاطري
ومشكلتي مالها حل لذلك طبطبو علي فديتكم .


انا موظفه بالمستشفى وظيفتي
عبارة عن رئيسة ومديرة ادارة في قسم وتحت ادارتي نساء ورجال تخيلو امراه في هذا المجال وش بتكون شخصيتها .. المهم انخطبت وعائلتي معروفه والخاطب اهله طبعا يعرفون من انا وش اشتغل ... الخ فالرجل متزوج قبل ومطلق وعنده بنتين وكتب ربي نصيب وتزوجته انا ساكنه لوحدي طبعا .. اكتشفت ان زوجي ضعيف الشخصيه جدا ولايفقه بأمور الحياة ابد ولا شاريك بتربية بناته ولا يعرف يهتم بنفسه او اذا مرض او اذا خرب شي بالبيت او حتى النظافه الشخصيه او اغراض البيت كل شي كل شي
انا وربي انفك مخي كيف كذا وجلست معه اقوله كيف كنت عايش قال مثل الناس اهم شي اشتغل واوفر مصروف وبس .. طيب طليقتك ماتعلمك قال انا مع نفسي ..طيب بناتك قال ماربيتهم امهم ربتهم
انا هنا قلت بكسب فيه اجر واعلمه كيف يتنظف كيف يشتري اغراض للبيت كيف يفكر وينتج كيف يساعد ورب البيت كأني ماخذه طفل اعلمه كل شي .


زوجي الان صار متعلم كل شي وتغير حتى صحته تغيرت مدة سنه ونص كامله الحمدلله


نجي للمشكله ..
ربي ماكتب لي احمل وانا سليمه وهو سليم وخبركم تصير مشاكل زي اي اثنين زوجين اول مشكله صارت اني جلست يوم كامل بالفراش اون تعبانه وربي مالتفت لي ولا طل علي بس تبين اكل انا بجيب واكل
جلست معه قلت كيف انت كذا لو مت بمكاني ماتنتبه ولا تهتم وقبت مشكله وصراخ
اذا مثلا زعلت منه مايجي يراضي لو اجلس سنه وبس ماسك الجوال واتكلم معه مايصير كذا لازم نتفاهم ومايتفاهم ابد لازم صراخ وهواش


وضلينا ع كل مشكله اجي اتفاهم معه بالهداوه ويقب بوجهي يصارخ والمصيبه يحط فيني سوالف وامور مهي فيني
لين مره قالي اول مره اني اشوف انسانه زي شخصيتك وقوتك تذكريني بأبوي وانا اكره ابوي ؟
ابوه كان مسبب له عقده بصغره وكان قوي ابوه وشاف شخصيتي وقال هم نفس الشي عشان كذا يوسوس له اني بأذيه زي ابوه
قلت له حرام عليك انا بنت مو رجل قال انتي رجل بس
وقت النوم . انا هنا انصدمت الف


اسفه طولت عليكم واول مره بحياتي ادخل منتدى اكتب فيه وماعرف وش الاشياء المطلوبه للكتابه
اسفه اني اكتب امور بيتي وامور زوجي ولكن والله ماكتبته الا لاني تعبت تعبت وابي اشرح كل شي عشان تفهموني
الان هو يكرهني بس كذا عشان اشبه لابوه وعلى كل وقفتي معه يقولي انت تبين تمشيني ع كيفك .مدري قلت له ننفصل اذا تكرهني قالي تمام ننفصل انا ابي انفصل اصلا قالي كذا بوجهي


مدري شسوي .ونفسيتي تعبانه ولا علمت اهلي بشي
لاننا بالخارج عشان شغله زي انتداب وانا ماخذه اجازه من غير راتب وجالسين بالبيت ساكتين نتكلم بالضروره اكل شرب غسل هدوم جيب اغراض بس
حتى النوم ماينوم معي وكاني مطلقه جد . قال بس اخلص كذا باقي ٦ شهور من الانتداب وننزل السعوديه واطلقكك هناك . مقدر انزل لوحدي عشان الحضر وكرونا وامور البلد الي احنا فيها معفوسه مدري متى تزين


لاحول ولاقوة الا بالله .
اسفه طولت