شخصيتي وزوجي والناس ☹️

السلام عليكم صبحكم الله ب الخير حوائيات
عندي مشكله وتقريبا هي المشكله اللي معقدتني ف حيااتي.
انا يابنات شخصيتي قبل زواجي هاديه جدا. وملامح الهدوء والركاده كلها فيني 😅 وخجوله نوعا ماا
بس حاليا. لا الهدوء طبع فيني بس الخجل بديت اتخطاه مع الزواج وصرت اسولف واخذ واعطي


بس المشكله الناس اللي تشوفني قبل الزواج وبعده اقاربي طبعاا يشوفوني ميته ع قولتهم موب حيه وموب سنعه وبارده هدي المصطلحات ع لسانهم.
حتى في مشيتي وكل شيء يقولون بارده وميته وماش حياه وموب جيده وسنعه 😅


مع اني انخطبت كثير من اقاربي وزوجي حاليا يقرب لي واهله عارفيني وعارفين طبعي وكل شيء
وانا من النوع اللي في شغلي بكل هدوء محد يدري وحتى ادا انجزت شغلي بهدوء حتى لو فيه بطء بس انجز بوقت مناسب وكل شيء تماام
حتى يوم يجي زوجي من دوامه كل شيء جاهز قدامه بس في حركتي يوم اشيل واجيب بركاذه وهدوء يوم اجي له وهو يشوفني ميته
يقول فيك برود ماتحمسين لشيء.
ويقول موب عجله ع قولته
وهو عكسي ماشاء الله حركته سريعه وكأن معه فرط حركه مايجلس ف الارض دقيقه وكل شيء يجيبه بسرعه
عشان كذا دائما ينتقدني
مثلا لو يطلب مني شاي اسويه له بسرررعه بس يوم اجي واقدم له الشاي اكون هاديه في مشيتي
لدرجة تناقشنا قلت اتأخر عليك ب الشاي قال لا تسوينه بسرعه بس حركة جسمك يوم تروحين للمطبخ وتطلعين بارده 😩
ومايبي كذا لازم اسرررع بكل شيء.
المهم العالم كلهاا تشوفني ميته ومالي شخصيه وبارده
من جد تعبت من كثر مايرددون هل سبق وصار لكم مواقف كذا
مع اني اشوف نفسي طبيعيه بس جد مادري وش يبون ☹️