شخصيه الطفل الضعيفه

السلام عليكم

شخباركم حوائيات من زمان عنكم

حريم الله يعافيكم ولدي عمره 4 سنوات وحييييل مدلعينه

وشخصيته حيل ضعيفه خواف ومتعلق فيني بشكل مو طبيعي

انا اعترف اني زودتها معه حبتين كل شي لا ياماما خطا وعيب

صار مؤدب بزياده ويميل لاطباع البنات خجول دلوع خكري بالعربي

يتقرف من كل شي وحتى طريقه كلامه تعطينه اصغر من عمره مع ان لسانه فصيح

ومايلعب الا مع الي اصغر منه لانه ضامن ماراح يضربونه

وش الحل تكفون خصوصا ان موسوسه واخاف عليه وناويه ادخله حضانه بس خايفه لسببين

اولا انه مايدافع عن نفسه نهائيا

ثانيا مااتوقع انه برضى يداوم بدوني

والله بلشه اذا ربيناهم عدل المجتمع غلط يعتبرونهم ضعاف

انا اربيه لقدام يعني كله لشخصيته بالمستقبل بس اخاف اني افرطت بالتربيه

بس للمعلوميه عنده حاجات كثير حلوه نظيف مؤدب يعتذر يستاذن ذرب وردوده عقلانيه بسم الله عليه اكبر من عمره


بس ابي شخصيته تكون اقوى شي كاسر خاطري كل شوي مكفخينه