شخصيه زوجي

صباح الخير
اللي عندها رأيي او استشاره او نصيحه تقولها مشكوره واللي عندها برضو نقد اتقبل كل شي
المهم انا يابنات زوجي شخصيته احسها عكسس شخصيتي تماما فرق العمر بيننا عشر سنوات معي منه بنت وحامل بالثامن
بابداء بافضل صفه فيه عشان ماتقولون معقوله مافيه ولا ايجابيه >> وقت مرضي يقدرني يساعدني يوديني المستشفى ومايقصر باي ناحيه وقت المررض !!
يصلي في البيت مايدخن مايسهر برى انطووووائي يمد يده عليه بعض الاوقات ونادرا
مشكلتي يابنات معاه انو دايم يقول انا وش استفدت منك !!؟ يعني مدري والله حتى وش الاجابه ع هالسؤال او حتى ليش يفكر كذا
دايم دايم كلمته اختي خدمتني اكثر منك
يقارن بيني وبين امه انو ليش اوديك المطعم وامي ماوديتها !! ليش اشري لك وامي ماعطيتها !!
انا طبعا بتكلم لكم شويه عن شخصيتي عشان تحكمون صح فرفوشه لابعد حد اذا زعلت البيت يصير كئيب ومافي حس ..اي شي يقول اطبخيه اقول ابشر ومستحيل ارده وملاحظه >> نادرا يطلب اطبخ اكل
مهتمه بنفسي البيت احيانا اهمل بسبب حملي
من يوم تزوجته وواحد من اخوانه العزابيه ساكن معنا في قسم الرجال ومقفل عليه اي شي نطبخه او ناكل منه نعطيه بس مضايقني وجوده وبقوه يسمع صوتي بكل شي وماقدر اصيح ع بنتي وانادي واخذ راحتي ..زوجي معطيني مصروف الف ريال لكن بالمقابل لايتدخل فيني لابصيدليه ولا بسوق ولا بهدايا ولا مناسبات ولا اي شي ..واحيانا اقضي لبنتي معايه لانه يطلع رووووحي لمن اطلبه فلوس عشان اقضي لها
بحجه مافي شي ضروري
اللحين انا قدني في الثامن واطلبه فلوس اقضي للبيبي اعطاني ٣٠٠ وقال مافي غيرها دبري عمرك وسرير نوميه ع القديم حق البنت وانا كشفت وقالو ولد ..!؟ كيف مايصير يافلان قال هذا اللي عندي وانتي مسرفه !! يشري لاخوه الموظف الشامبو والمعجون وانا يقول اشتري من مصروفك !!؟
رغم انه مقتدر اول ماتزوجته جلست ثلاث سنين وربي يابيتي انو يفششل وبعد ماجلست فوق راسه اتكلم بداء حبه حبه يسوي لي المطبخ يسوي الصاله الى اخره حتى وخلصت تاثييه لا وكل يوم وكل ماشرى شي قال ضيعت فلوسي ع كلام فاضي ..اغراض صحون للمطبخ مستحيل اخذ او اي شي جديد مستحيل ليش تشترين وهو عندك مايحتاج ..المفرش مستحيل حتى لو بحجه التغيير خلاص مايحتاج ..يشوف انو احنى يالبنات ماعندنا سالفه وبس تفكيرنا لعب وتضييع فلوس ..حتى اخوانه لمن يفكرون يطلعون خواتهم ويشرون لهم يدق عليهم ويقوم يقول لاتعطونهم وجهه بزياده لاتسوون لهم عشان مايتدلعون ويطلبون كل يوم ..
غير متفتح الكشخه مايعرفها اهلي واخواني ماشاء الله وهو دايم يفشلني بثياب وسيعه ماهي مضبوطه ع مقاسه ولونها اصفر وشماغ ميت ..واعلمه اقول انا زوجتك ودي اشوفك حلو وجميل قال مايهمني مسموح لك طالعي بغيري اذا انا مو عاجبك !! رغم انو مو وسيم ابدا بالعكس اقل حتى من عادي ..،
دايم يخاف من اهله من ابوه لا مستحيل اشتري في بيتي الشي الفلاني عشان اذا جاء ابويه اخاف يخاصم ويتكلم ..عكس اخوانه واحد منهم بيتزوج واخذ قصر ب ٣٠ الف زوجي انصصدم وقال لاتعلم ابويه بيزعل رد اخوه وقال ابويه درى وماقال شي بس انت خواف بزياده !! قام يصرف ويقول لا هذا بر بالوالد ..،
احنى طبعا ساكنين بعيد عن اهلي واهله بس اذا رحنا عندهم يوديني عند اهلي وماعاد اشوفه مستحيل اقول انا احتاجك تنزلني المكان الفلاني يقول اخوانك عندك طيب اخواني مشغولين ومستحيل يقول تصرفي وش تبغين يعني ابويه يخاصمني !! يقهررررني يابنات
دايم خواتي يقضون لامي وانا ماقدر يادوب مصروفي يغطي مصاريفي واحتياجاتي واحيانا اشري لها شي بسيط وهكذا ..
اذا شرى لي شي وزعل مني اخذه مني صرت احس كل يوم يزيد كرهي له ..
شخصيته ششششرقي وبقوه مايحب التفتح والموضه والتطور عكسسي