بسم لله الرحمن الرحيم
اللهم صلي وسلم على نبينا محمد وعلى اله وصحبه اجمعين
العنوان هو اختصار لما سأقوله الحين...وبقول كلام ماعمري قلته لاحد وهذي اول مره افضفض فيها
اولا بأبدا بنفسي بنت في ثالث توسط ما معها اخت وحيده بين خمسه عيال ابي اوصل الكلام اللي بقوله لكل البنات في العالم والعيال ترا البنت الوحيده مو نقص!!
صح اننا ما نلقى اللي يلقونه الخوات!! يعني الخوات يتمشون ويطلعون ومع بعض
بس انا متربعه في البيت على كثر اخواني ولا واحد يبي يمشيني
عموما انا سنعه في البيت واسوي اشياء ما تسويه وحده في عمري اطبخ وانظف واشتغل لدرجة امي ما تعرف وش تساعدني فيه
قايمه بأهلي كلهم وفوقهم جدتي
وفي النهايه انحرم من كل شي واقدر اقولكم ان نص سناعتي هو من اني ما اعرف وش اسوي
حرمان مو طبيعي يعني جوالي له ثلاث سنوات مسحوب!!
وتجيني مشاكل حتى من برا العايله ولا اقدر اقولها لحد
صديقاتي كثير بس فين اللي احسها تمسك قلبي؟؟
بقعد طول عمري كذا؟؟
واللي يحرق بقلبي ان امي شابه ولا تحس فيني واتقطعع الم يوم اشوفها تكلم خالاتي وتضحك معاهم وتقول لابوي يوديها لهم اخواتي اجتمعو واخواتي راحو وجو وانا زي الحارس حق البيت والله لا خوات ولا ذي ولا ذيك
ما اتذمر بس ابي احد يراعي نفسيتي
كل ما طلع لي اهتمام لازم يقتلونه
جاتني فتره اجمع الروايات وجمعت فوق ال 400 روايه ماتوجد حتى في السعوديه كانت ذهب بالنسبه لي
جات امي يوم وانا نايمه ودخلت علي وفي يدها كيس زباله ورمتها كلها وهي تهاوش وتقول اني اشوف مقاطع اباحيه؟!!!
عطييننييي جوال اول بعدين اتهميني على كيفك
رمت كل رواياتي وربي اني اشوفها كأنها ترمي ذهب في قمامه
يعطوني شي يقعدون يتمنمون عليه لين اموت
اخيرا.. اخوي الكبير تزوج ببنت عمي قريبه من سني كانت يعني صديقتي
كنت فرحاااااانه الحين بيكون معاي اخت وبقولها كل اللي بقلبي ما كملت ثمان شهور الا واخلاقها زي اخلاق اخوي ما يحتاج اشرح كيف اخلاقه :)
وكل ما تقربت من امي تعطيني وجه وكذا وافرح واقولها بالمصايب اللي عندي ... بس بعدها بفتره تهاوشني عليها واطيح من عينها وكلام يكسر الراس
اتمنى اني ما قلت شي!
وصلت لمرحلة طلاق امي وابوي؟ باعتني امي كله عشان ما تبغى ابوي يعني لذي الدرجه انا قصيره ما تشوفيني؟
الحين بالحيل عايشه وانتي معي بعد تبين تروحين؟؟ ماقدرت اتصور شكل بيتنا ومافيه بنت غيري!!
طالت السالفه بس الحمد لله رجعو لبعض بس مهماكان القلوب مو زي اول
الشي اللي ابغاه؟ كل ما جلست مع بنت تقعد تفضفض لي عن عايلتها وحياتها التعيسه وتقول اننا الوحيدات محظوظين ومره فله حياتنا؟؟ يا ربي مدرييي وشش اقول احس ببكيي احسس بالسخافه يوم تفضفض ومعها 10 شغالات في البيت وخواتها يملون بقعا وسوالفها سخيفه وفظفظنتها كلها (تهاوشت مع اختي الصغيره. اكره اختي الصغيره. امي تحب اختي الصغيره)
راسي صدع من كثر ما فضفضت وش تشوفون وضعيات البنات اللي يسبون في الوحيدات؟؟؟ ابغاه موضوع حار الله يسعدكم

voilett @voilett
عضوة جديدة
يلزم عليك تسجيل الدخول أولًا لكتابة تعليق.

voilett
•
الروض الآنف :
لا يمكنك مشاهدة هذا التعليق لانتهاكه شروط الاستخدام.
ايي والله انك صاادقهه
قسمه ونصيب
قسمه ونصيب

حبيبتي انصحك تدخلين دورات لغة وحاسب وتطورين نفسك بالذات اللغة لازم تدرسينها
وممكن برضو تدخلين تحفيظ قران مسائي وتحفظين القران وتكثرين دعاء ان ربي يسخر امك ويهديها
وممكن برضو تدخلين تحفيظ قران مسائي وتحفظين القران وتكثرين دعاء ان ربي يسخر امك ويهديها
الصفحة الأخيرة
ثقي في كلامي وصدقيه وبكره بتثبت لك الايام صحة كلامي
اللهم صل وسلم على نبينا محمد