(الهم لك الحمد حتى ترضى ولك الحمد إذا رضيت ولك الحمد بعد الرضى)
:26::26::26::26:
مسيتن بالخير مدري صبحتن بالخير يا حوائيااااات..
الموضوع باين من عنواااانه على ماقالو..وهو يتحدث عن شخصيات
كريكتيريه<<< مدري عاد نطقتها صح والا لا الموهممم ان هالشخصيات العجيبه
الغريبه اللي تحلفين ان اللي فروسهم عباره عن كوره مليانه هوا... لكن مستحييييل
يكون مخ أبداً .. أذا رحتي عزيمه والا اي مناسبه أقعدي تفرجي على صنعة الجهل وما
سوى فيهن ....هالموضوع موب جديد علي لكن اللي ذكرني فيه وقلت لازم اكتبه هو
سلمتسن الله اني امس رحت لعزيمه عند وحده من جماعتنا .وطبعا جلسنا في المجلس
يقالتسن متجمعااات عشان يتسلن ويتجاذبن اطراف الحديث << أمحق حديث..عاد
انا يالغاليات متعوده على الحمير أقصد الحريم اللي فالجلسه يعني دايم اذا دخلت اول
سؤال يسئلوني اياه ما انخطبتي << هذا سؤال نعتبره عادي عند كلمة ييوووه وش
تحترين تلحلحي يابنت يلا تزوجي ..؟؟؟؟؟ عاد احياناً ارد واقول : والله لين الحين
اكون نفسي واذا كونتها وخلصت عاد شفت ولد الحلال اللي يصلح ورحت
خطبته..واحيانا اضحك من جد في نفسي واقول هالعقليات وش يحسن به .بس الحمد الله
والشكر دايم ثقتي بالله اولا وبنفسي ثانيا عاليه جدااا ولا احد يزعزعها ..خصوصاُ ان
اللي دايم تسألني هالسؤال متزوجه وزوجها اللهم لا شماته مزعجني مغازل ورسايل
عالجوال ويقول اخذت رقمتس من جوال ام فلان خخخخخخخ غبي مثلها هي وأسئلتها .
يفرض اني علمتها طيب.االمهم دايم امسك نفسي لا ارد عليها واقول فكيني من
رجالتس..بس اقول لا يا بنت لا تسببين مشاكل وتشتتين اسره وتتشمتين والشماته
مهيب زينه... خليها على فالها ..المهم جلسنا شوي ودخلت وحده اول مره تنظم لنا
<< واخر مره اكيد لاني ما اظن تعيدها..وبعد ما دخلت الحرمه سألوها طبعا كم
عندتس من عيال ؟ ...أيضا سؤال نعتبره عادي جنب الكلمه القنبله اللي جايه.....
قالت الحرمه ما عندي عيال لسى قاااامو شهقوا في وجهها ليش وانتي لتس 8 سنين
معرسه يلا شدي حيلتس واحملي :confused: مددررررررري كييييييييف تشد حيلها بالضبط
بنات هل هالعقليات تشوفونها زي ما اشوفها انا والله ان كلمة معتوهااات قليله عليهن
يعني احد حصله زواج زين وبيقول لا عشان يقولون يلا اعرسي وش تحترين ..والا
احد يحصله ذريه صالحه وقال ما ابي...من جد ددددددد احيانا احس ان هالتنابله
يبيلهم أعادة تاهيل :024: او دورات مكثفه للوعي والادراك
بالامور .. ...الموضوع للنقاش يعني لو وحده من هالعاهات سألتس هالسؤال وش بتقولين ...
رفة @rf_4
محررة برونزية
شدي حيلتس يلا وأحملي ...يابنت الحلال وراتس لين الحين ما اعرستي وش تحترييين ..خخخخ
36
3K
يلزم عليك تسجيل الدخول أولًا لكتابة تعليق.
ياشيخه عقليات ناس تعباااانه يستهبلوون
يعني بالله مايدرون كل شي ربي ميسره وكاتبه
لازم بيسوون نفسهم فاهمات وان هرجهم كثير ويقولوا الكلام هذا
مااقول الا الحمدلله على نعمة العقل
يعني بالله مايدرون كل شي ربي ميسره وكاتبه
لازم بيسوون نفسهم فاهمات وان هرجهم كثير ويقولوا الكلام هذا
مااقول الا الحمدلله على نعمة العقل
ااه بس خليها على ربك
واللي يقهر لاجت وحده لها سنين تعالج للحمل يوم حملت وولدت قدام الناس تقولك للحين ماحملتي يالله شدي حيلك
خخخخخخ
الله يرزقك ويرزقني كل مانتمنى يارب
واللي يقهر لاجت وحده لها سنين تعالج للحمل يوم حملت وولدت قدام الناس تقولك للحين ماحملتي يالله شدي حيلك
خخخخخخ
الله يرزقك ويرزقني كل مانتمنى يارب
الله يسعدك ضحكتيني بكلمة كيف تشد حيلها؟
عندك اللي كل مايشوفك ماكلمتك فلانة والمشكلة انها ماتدانيها بس تسحيب أخبار
عندك اللي كل مايشوفك ماكلمتك فلانة والمشكلة انها ماتدانيها بس تسحيب أخبار
برد111
•
عادي فيه احد يقول كذا من حرصه واهتمامه
وفيه احد يقصد بس يذكرك بهمك ويحسسك ويزيد عليك الهم
الله الهادي
وفيه احد يقصد بس يذكرك بهمك ويحسسك ويزيد عليك الهم
الله الهادي
الصفحة الأخيرة
الله يرزقنا جميعا