تنتــوفه
تنتــوفه
مــرحبا بنات انا مثل مااقلت لكم قبل كذا اني بسوي عملية تصغير صدر سويت العمليه قبل عشرين يوم عند الدكتور محمد عليوي ورجعت قبل كم يوم وحبيت افيدكم بتجربتي اختي رند بصراحه مدري وش اقولك بالضبط ومادري اذا كنتي تبين تسوين تصغير ... انا مقدر اقول شي الحين لاني مابعد شفت النتيجه النهائيه بس بصراحه تعذبت كثيررررررررر وماكنت متخيله انه بيصير لي كذا مهما وصفت لك ماتتخيلي وش اللي احسه تعبانه نفسيا اكثر من تعبي الجسدي ..بس اللي بقوله الحين ان شكل الصدر نفسه مرررررررره حلو وعمري ماتخيلت انه بيصير كذا كان مقاسي 100 والحين مقاسي 75 وصدري واقف زي الممثلات ومسويلي حلمات روعه هذا بالنسبه للصدر وللمعلومه انا جسمي حلو ومتناسق وماكان مشوهني الا صدري ... بس طلعت لي مشاكل ثانيه وهي اولا اني قعدت مربوط صدري من تحت الابط لحد فوق السره بشوي مدة 20 يوم وهالشي سوالي زي الحساسيه بالجلد وتصير لاي احد يحط بلاستر مضغوط على الجسم لفتره طويله وسوالي حكه شدييده وتشوهت بشرتي تشويه ماتتخيلين وخصوصا ان بشرتي فاتحه صارت كلها خطوط سودا وكنت ما انام تجيني حكه هستيريه اقعد احك لحد ماينزل الدم والله اعلم الجروح هاذي بتروح ولا لا ..هذا اول شي اكتشفته بعد كذا شفت الجرح والله لايوريك مشووه تشوويه بصراحه والدكتور يقولي انه بيضبط وبصراحه انا اشك انه بيروح ولا بيخف لكن هو يقولي انه لازم يسويله تنعيم وليزر بعد شهرين من العمليه يعني تقريبا بعد شهر من الحين بسويها ..
الجرح مسوي كذا 000( )000 000( )000 شفتي كيف كذا شكله من تحت الصدر النقط اللي انا حاطتها خياط واللي بين القوسين مفتوح مو مخيط يعني اشوف لحمي من جوا صدق ماحس بألم كثيرر لكن تعبانه نفسيا من شكله فوق ماتتخيلين لان صارلي 20 يوم وللحين ماقفل الجرح اللي فالنص مافيه جلد نهائي مافي الا اللحم اللي جوا اشوفه مسافته تقريبا بالعرض سبعه سم المنطقه المفتوحه والجرح تحت كل صدر تقريبا من 15 لحد 17 سم

والمشكله الثالثه انه في كتل يمين ويسار صدري بين مظهرها بعد العمليه لانها كانت منتفخه كثير وتألمني ويعد كذ1 راح الورم وبقت الكتل والدكتور يقول انا مالي شغل لان المنطقه هاذي مو من ضمن الصدر وجسمك من اول فيه شحم فالمنطقه هاذي بس الصدر الكبير يغطي عليها لان اي وحده صدرها كبير جسمها تلقائي يجمع الشحم فالمنطقه هاذي وشكلي صااار غلط كأن لي اربع صدور مو 2... قلت له والحل؟؟ قالي لازم تسوين شفط للمنطقه هاذي ..وطلعت تكلفة الشفط للمنطقه هاذي بعد الخصم 8 آلاف ريال ..مع العلم ان الدكتور ماقالي الشي هذا قبل العمليه ماقالي اني راح احتاج عمليتين بعد عملية التصغير واللي هم تنعيم للجرح وتجميل له لانه مخيط بشكل عرريض وقبيح بصراحه ..والثانيه عملية الشفط اللي بتكلفني كثير ... هـــــــــذا كله باختصار شديد وانا اليوم مسافره لان عندي شوي مشاكل فالجرح بس ما ابغى اظلم الدكتور ولا اشوه سمعته قبل اشوف النتيجه النهائيه للعمليات وانشالله برجع بعد اسبوع او عشر ايام بالكثير واوعدكم احكيلكم يا احلىى خوات عن كل شي بالتفصيل الممل

وبالنسبه لك يارند نصيحه لاتسوين شي لحد مارجع واحكي لك الللي صار لي اهئ اهئ وللمعلومه انا مو متزوجه وعمري 20 سنه وبالنسبه للدكتور مالك أمل تكلمينه انا قعدت اتصل شهر كامل عشان اكلمه واتفاهم معه ولا رضوا يخلوني اكلمه لانه مايفضى ابد ماتتخيلين الزحمه اللي عنده ماشالله لكن بيخلونك تكلمين وحده تعطيك وعود وآمال وكلام يفتح النفس هههههههههههههه وبعدين ماتدرين وش اللي يصير لك :17: عموما الارقام مكتوبه فصفحه سابقه ووعد اجيب لك رقم جوال الدكتور وانا جاايه لعيونك يارند وانتظريني انشالله اسبوع باذن الله واكون هنا

بناااااااات تكفون ادعوا لي على فكره رند لما كلمتهم فالتليفون قالولي تكلفة العمليه من 12 ل15 ألف ولما رحت هناك وكلمت الدكتور قالي 18 ألف ويوم العمليه احتجت دم واشتريته بفلوس!!ب1800 كيسين دم وفالمستشفى دفعت تقريبا500 عشان المرافق على بالهم بقعد لحالي خخخخخخ والادويه اللي بعد العمليه برضو غاليه المهم انا توقعت ان العمليه كلها بتكلفني عشرين على بعض ..بس وربي مصاريف ماتتخيلين يعني الحين بعد ماعرفت كل شي اكتشفت ان هالعمليه وتوابعها بتكلفني من 40 ل50 ألف ريال ..... وانا لحد الحين صرفت بالضبط 41 الف ريال فجلستي فجده20 يوم لان تعرفين الوقت هذا موسم وكل شي غالي ايجار الشقه واسلياره وكل شي يعني كلفتي العمليه مع قعدتي هناك 41 ألف ورجعت قبل خمس ايام على اساس اني كويسه خلاص والحين مضطره ارجع مع اني فمكان بعيد مررره وعندي موعد بعد شهر عشان العمليتين وحده ماقالي للحين كم بتكلفني والله يستر والثانيه ب8 آلاف ريال .ونصيحه اذا رحتي أسالي عن كل صغيره وكبيره من الالف الى الياء عشام ماتتورطين فالآخر لانهم مايعلمونك بشي الا اذا سألتي واذا قلتي ليش ماقلتوا يقولون انتي ماسألتي ونحسبك عارفه شفتي كيييييييف المهم اذا رجعت انشالله بجيب لك رقم موبايله وبكتب لكم قصتي كامله ألف ليله وليله خخخخخخخ يالله بنات انا اليوم مسافره فالليل انشالله ادعولي ربي يعدلها معي ومارجع الا وخاطري طيب ياااااااااااااااااااااااااااااااارب :27:
تنتــوفه
تنتــوفه
اقري تحت
تنتــوفه
تنتــوفه
رند قلبي انا قريت الموضوع مره ثانيه وعرفتانك بتسوين شد بطن بس معلومات اختي الكيكه مو صحيحه بالنسبه لحالتك لانها تتكلم عن الترهل اللي يصير بالجلد والعضلات وهذا مايصير الا بالحمل والولاده وهو اللي تكون عمليه شد للعضلات والبطن لكن انتي عمليتك غير وانا اتوقع ان الترهل اللي عندك من تحت السره اكثر شي صح؟؟ شوفي انا لما رحت هناك كان في بنت ممرضه تشتغل هناك فالعياده جسمها حلوو واقرب للنحف كنت اسولف انا وياها عن العمليات وقالت لي انها سوت شد بطن قلت لها شلون ومتى قالت لي انه ماصارلها اسبوعين ومع كذا ماشالله تداوم ومافيها الا العافيه وهي بنت مو متزوجه وشكلها فالعشرينات..وورتني بطنها ماشالله لاصق على ظهرها والجرح صغيررر مره ولونه احمر وقالت لي انها بستوي ليزر بعد شهر ويختفي الاثر تمام وصراحه شكلها تحفه وقالت لي انها بتسوي شفط للاوراك بعد فتره ... والممرضه الثانيه كمان مسويه شفط وورتني مكان الشفط دائره صغيررررررررررررررررره مو مبينه بس مكان الانبوب اللي يدخلونه وداومت بعد اسبوع كمان بس قالت لي ان مكانه بعد العمليه صار زي الكدمه فتره ويروح وشفت ناس كثير فالعياده حكولي وش سوو وبحكي لك كل شي لما ارجع وياليتني قريت الموضوع امس ولا قبله كان خليتك تكتبين لي الاسئله وانا اسال الدكتور عنها بس انشالله بسأل لك عن كل شي يخطر فبالي واجيب لك الرد مع رقم الدكتور بعد اسبوع او عشر ايام انتظريني وبجيب لك اللي يريحك انشالله وادعي لي امانه ترا حالتي حااله من جد
تنتــوفه
تنتــوفه
:06:
تنتــوفه
تنتــوفه
اجمل الكائنااات طلبتك لاتحطميني اسكتي ترا نفسيتي دمااار من شكل بشرتي مكان الحكه ومن شكل الجرح.. لكن الشي الوحيد اللي مطمني بعد ربي ثقة الدكتور بنفسه هو قالي انا شكل الجرح مايهمني فالعمليه يهمني شكل الصدر نفسه والجرح يتنعم وينسوى له ليزر بعد شهرين من العمليه وانا معتمده على الله ثم على هالكلام :( والشي الوحيد اللي قاهرني انه ماقالي ان كل عمليه تكلفتها لحال يعني لو ماكنت اقدر ماديا على تكاليف العمليه كان بضطر اعيش مشوهه واتزوج وانا فالشكل هذا ... والدكتور عارف زين اني صغيره ومو متزوجه وحريصه المره من الناحيه هاذي .. مع كل اللي صارلي من عذاب ووجع وقرف ونفسيه زفت مازلت واثقه فيه وبمشي معه للنهايه واشوف وش يصير ودامي اخترت اسوي العمليه لازم اتحمل اللي يصير.. وبعدين في شي مهم جدا وهو اني ماكنت حاطه فبالي نتيجه معينه بوصل لها ولا كان عندي احلام وخيال واسع انه شكلي بيطلع زي الطبيعي بالضبط عامله حسابي ان الجرح بيكون له اثر بس الحين كل شي تطور في الليزر وفي كريمات تستخدم تمحي اثر العمليه وسمعت عن لزقات تنحط على مكان العمليه وتنباع فالحبيب عندكم فالرياض بس انها تستخدم لفتره طويله وكمان سمعت عن عسل السدر انه يساعد على شفاء جرح العمليه ويمحو اثره بسرعه .وانشالله مو ناويه اضعف ولا افقد ثقتي بنفسي بجرب كل شي لين اوصل للنتيجه اللي ابيها ..وبيني وبينك ما انكر اني مرت علي لحظات كثير بعد العمليه ندمت ندم ماتتخيليه خصوصا الايام الاولى لاني تعبت لدرجة ماتتخيلينها جسديا ونفسيا وجت اللحظه اللي قلت لنفسي فيها ياترى اللبس الحلو والمقاسات الصغيره تستاهل اعذب نفسي كل هالعذاب واتحمل هالالام النفسيه وهالضيق بس الحين لما تحسنت تغيرت نظرتي شوي ولما شفت شكلي فالملابس عجبني مرررره نفس الشكل اللي حلمت فيه ماتتخيلين وش كثر عانيت من لما كنت طفله لحد الحين من حجم صدري من لما كنت فاول متوسط اضطريت البس مقاسات كبيره عشان اخفي صدري وكان معقدني بحياتي مع اني جميله الحمد لله ومافيني عيب غير صدري الحين كل شي فيني تغير شكل جسمي تغير اول كان صدري ماخذ من خصري مسافه كبيره ومعطيني حجم كبير ومكبرني فالسن الحين اول مره احس اني بنوته مو مره ام عيال <<< متعقده من الصدور الكبيره ... وغير كذا كنت افكر فمستقبلي لمااتزوج كيف بلبس على كيفي وكمان لما احمل وارضع بيزيد حجمه وانا كلي على بعضي تنتووفه وطولي 157 وكل شي فيني صغير الا صدري والحين صرت متناسقه جدا من الخارج واقدر اقول اني ماحلمت شكل صدري يكون كذا بصراحه والشفط انشالله بسويه وهو قالي انه مايعتبر عمليه لانه بتخدير موضعي وسهل انشالله بس اللي خايفه منه هو مكان الحكه اللي صار لونه اسود مكان اظافري وشكل الجرح والله يستر

وانا كثير متفاجأه من الاقبال على عمليات التجميل ماتوقعت القى عالم عندهم كذا

وعموما زي ماقلت للحين ماشفت النتيجه النهائيه وانشالله متأمله خير والله يستر

بس مانصح وحده زواجها قريب انها تسوي اي شي بصدرها لانه يحتاج وقت طوووووووووووووووويل عشان يطيب تماما وتختفي اثار الجروح ويصير شكلها مقبول او ممكن تخفينه يعني انا الحين يبيلي مايقل عن سنه كامله عشان اوصل النتيجه النهائيه مسكينه بنت هناك قبلي زواجها بآخر الاجازه اموت واعرف وش سوت عقب العمليه لانهم قالوا لنا ان الجرح يطيب خلال اسبوع او عشر ايام بالكثير والحين صارلي عشرين يوم والجرح مازال مفتوح الحلمه جرحها قفل بس فيه اثار للحين طبعا الخط الطولي كمان قفل الحمد لله بس البلاوي اللي تحت الصدر للحين ومدري متى بتقفل

ونصيحه لاتحكووون مهما حسيتوا بحكه لاني من جد تشوهت منطقة الابط ويمين ويسار الصدر خرايط صار من الحكه ..انشالله بكرا لما اروح للدكتور بقوله يشوف لي حل لآثار الحكه واذا اضطريت بسوي تشقير بعد فتره عشان تروح الآثار ... وانشالله بقولكم وش صار معي لما ارجع واي وحده عندها اي سؤال انا حاضره لاني كنت اتمنى القى احد يجاوب اسألتي وينصحني قبل العمليه بس للأسف مالقيت

رند نصيحه صدرك مو كبير مجرد انه مترهل لاتلعبين فيه لان الترهل بيروح وبتبلشين بالاثر وشي اهون من شي وبعدين اذا ناويه تسوين العمليات هاذي كلها بتحتاجين قريبا تسع شهور لان لازم بين كل عمليه وعمليه ثلاث شهور كامله اقل شي وتكلفتها كبيره مررره عملية الصدر 18 ألف وشد البطن اعتقد من 18 ل20 ألف وشفط الدهون المنطقه الوحده ب8آلاف ريال يعني لو تبين منطقه الارداف تشفطينها كل جهه بثمان الاف يعني المجموع للارداف لحالهم 16الف فهمتي ولازم تكونين عارفه كل شي قبل تروحين اناقعدت ادور فالنت واقرا سنه كامله عن العمليه اللي بسويها ورحت وانا عارفه وش بيصير لي وسويت ملف فيه اكثر من خمسين صوره لعمليات وناقشت الدكاتره فيهم وعرفت كل شي بالتفصيل الممل وسافرت جده مرتين اقابل دكاتره سليمان فقيه والسعودي الالماني وربي كتب لي اسويها عند دكتور محمدد اللي رحت لهم قالولي مافي امل ترضعين والنسبه ضعيفه جدا وهذا الللي خلاني اتراجع وقعدت خمس شهور افكر لاني ماتخيل اني مارضع اولادي واحرمهم من حقهم بس عشان انبسط بشكلي ولبسي والدكتور محمد هو الوحيد اللي اكد لي اني ماراح افقد القدره على الارضاع

بس اللي تبي تسوي اي شي لازم تسوي دراسه كامله عنه وتشوف هل تقدر تتحمل النتايج ولا لا لان بصراحه اللي يصير لك شي مقزز وممكن يجيك صدمه نفسيه منه اذا ماكنتي عارفه من اول

زي الانابيب اللي يحطونها بالصدر بعد العمليه صحيح ماتألم كثير بس تألمك نفسيا تخيلي قعدت ثلاث ايام وانا فيني انابيب بصدري الايمن والايسر وتحت فيها علب ينزل فيها دم واشوف دمي يصب فيها قدامي حسيت اني بنجن من جد ولما سحبها ماتتخيلين وش حسيت سحبها وانا صاحيه حسيته طلعها من قلبي .. غير القسطره البوليه اللي يحطونها لك يومين لانك ماراح تقدرين تتحركين حطوها لي بعد البنج بس شالوها وانا صاااحيه وكمان نزعها مؤلم واكيد عارفين وش القسطره البوليه وهي اللي يحطونها ففتحة البول عشان تصرف السؤائل من المثانه بصراحه تجيب المرض من جد كل ماتحركتي تحسين ان في شي بين رجولك شي مقزز... والله بكيت بكا ماتتخيلين وكمان قعدت اربع يام ما اكل ولا اشرب طول الوقت استفرغ كل ربع ساعه ... وأشياااء كثير والله انا مو قصدي انفركم خصوصا اللي مقررين يسوون لكن اللي ابيكم تعرفونه انه شي مو سهل ابد ومحتاج شجاعه واعصاب شديده وقوه تحمل وصبر ولا بتنهار نفسيتك..والله يعين كل وحده بتسوي عمليه

اول مره بحياتي احس بقيمة الصحه ومن جد الواحد مايحس بقيمة الشي الا لما يفقده الله يعينهم وياجرهم ويصبرهم المرضى والله القعده فالمستشفى تتعب القلب وتدمر النفسيه

الله يشفي كل مريض ويلبسه العافيه ... والله يسهل على كل وحده ناويه تسوي شي

وعلى فكره البنات اللي قالوا يبون دكاتره كويسين فمصر

انا اعرف وحده من جده كانت دوووووووووبا بطنها يجلس على رجولها من كبره سوت رجيم وترهل صار مخيف وسوت عمليه عند دكتور فمصر بس بصراحه شكلها بالملابس رووووووووعه تخيلوا دبا ومالها بطن لاصق من تحت الصدر لحد تحت قطعه وحده بس بصراحه مادري عن شكله من جوا والعمليه تدرون بكم؟؟ بتتفاجأون




























بألف وخمسمية ريال بس تصدقوون؟؟؟ :42: 1500 فقط لاغير

اذا احد حاب يعرف عن المستشفى او الدكتور يكتب لي عشان اتصل اسالها اذا في احد وده يسوي لاني بصراحه اعتبرها عمليه ببلاش مقارنه مع المصاريف اللي صرفتهااا بس ماكنت اقدر اسافر هناك

يالله بنات تعبت من الكتابه اشوفكم بخير بعد اسبوع انشالله ادعووووولي وانتظروني انشالله بجيب اخبار حلوه :11: