ياريت تطمنينا علي اخبارك يمحرومه من السعاده ربنا يسعدك:26:

السلام عليكم مرره ثانيه ... حبيبتي نورا علميني كيف افعل الخاص وافعله انشالله لاني ما اعرف ...واذا حابه تسألين شي اسألي هنا ماظن في شي يحرج اكثر من اللي قلناه خخخخخخخخخخخخخخخ :o وعشان البنات يستفيدون .. وبصراحه ما انصحك ابد ابد تسوين العمليه :42:.. خصوووووووووووصا حطي تحتها مليون خط انك متزوجه وخالصه وان كان زوجك راضي عن صدرك ولا انتقد بشي فربي بيسخط بك ان سويتيها :30: لان مالها اي داعي .. اما اذا كان انتقدك فخشي بعينه وقولي له هذا منك ومن عيالك ولا تبيني ارضعهم وصدري مثل اليسا مايتغير !! :mad: .. وفوق كذا راح يأثر على الرضاعه وماظن شكلك الخارجي اهم من صحه عيالك اللي الصدر اساسا مصلح عشانهم :55:.. هذا سبب رفضي بشكل منطقي << يقالها مشاورتك :11:.. اما اذا كنتي ناويه خلاص فاعملي حسابك انك بتقعدين مريضه جسديا ونفسيا ثلاث شهور بعد العمليه :06: .. واثر الجرح الاساسي ماراح يروح لو تنقزين وهذا شي معروف للكل من قبل ماتسوين العمليه .. اما انا فالجرح زي ماقلت لك انفتح وبصراحه بدون سبب مقنع.. تخيلي بعد مافك الخيوط بعشر ايام ينفتح شلون تدخل العقل هاذي الا اذا كان في شي الله يستر ... والجرح بصراحه مقرف ومقزز وماقدر اطالعه لونه بني غااامق وكأنه ممزع ومتجعد الجلد اذا عمرك شفتي الجلد المحروق كيف يكون نفسه وممتد من تحت الابط بس تحت بمستوى الصدر لحد المكان اللي يفصل الصدر عن بعضه والجرح الثاني بينه وبين الاول مسافه 3 سم تقريبا ونفس الشي ممتد لحد تحت الابط والجرح الافقي اللي ممتد من الجرح اللي تحت كل صدر لحد الحلمه بشكل طولي والحلمه طبعا مخيطه بشكل دائري لانه يصغرها حسب حجم الصدر وكلها كانت مخيطه اول ماشفتها بغيت اموووووت كلها خيوط لا ولونهم كحلي بعد خفت مررررررر ه .. والدكتور كل ماقلت له يقولي بعد شهر اللي انتي شايفته هذا كله بحطه لك فالزباله !!! وماراح يبقى منه شي لاتخافين ولا تتضايقين .. وقالي ان الفتق اللي يصير فالجرح يصير ب 40 % من العمليات بشكل عام مو عمليات التجميل بس ..وانا لما انفتح ورجعت له كنت توي راجعه لديرتي لي اربع ايام وكان حاط لي لزق وخرابيط قالي شيليها بعد عشر ايام وتحممي .. بعد ثلاث ايام من هالكلام الشاش والاشياء اللي حاطها لي تبللت من الجرح وصار يطلع منه سوائل انا قرفت الصراحه وخفت لايكون في شي رحت لمستوصف عشان اغير على الجرح.. وشالت الممرضه القديم وحطت جديد..وقالت لي ان الجرح متبهذل بهذله وفيه صديد.. وانا قبل ما اروح لها فتحت الشاش لقيت اللصقات الصغار اللي الدكتور حاطهم على الجرح ملصقين على اللحم من جوا والجلد مفتوح ... ولما رحت الدكتور قالي ان اللصقات هاذي زي الخيوط تحل محلها وماكان المفروض اشيلها قبل اسبوع.... قلت له اني اساسا لما شفتها كانت ملصقه فاللحم مو فالجلد ومارضى يقتنع بكلامي ..... وكل ماقلت له شي قالي انتي اللي شلتي اللزق مع العلم انه ماكان ملصق على الجرح .. كان ملصق جوا الجرح... وقعدت بعد مارجعت له 21 يوم ....وانا كنت قايله لكم برجع بعد اسبوع او عشر ايام ... وقعد يغير لي على الجرح المفتوح لحد مابنى الجسم طبقه زي اللي يبيها لما يذوب الجلد ... لان الجرح مفتوح ومافي جلد عشان يلتئم فهمتي ...والحين بعد شهرين ونص تقريبا من العمليه قبل امس لقيت فصدري فالخياطه اللي ممتده بين الحلمه والخياطه اللي تحت الصدر اللي تجي بخط طولي لقيت مكان منتفخ وفيه مويه من جوا وبغيت اموت من الخوف قربت من المرايه وطالعت لقيت من جوا باين من ورا الجلد خيط بلاستيك مقفل الجرح عليه ومسوي زي الصديد.. عقمت الجرح ومسحته بشاش وقعدت احاول اسحب الخيط :( وبعد محاولات فتحت الجرح شوي ومسكت طرف الخيط وسحبته... طلع لي خيط بلاستك اطول من اصبعي مقفل الجرح عليه .. واتوقع انه نسى يشيله .. وعقمت الجرح ولزقته .. واليوم ثالث يوم ومازال يطلع منه سوائل .... واليوم بعد لقيت بالجرح اللي تحت الصدر نازل مويه ولما طالعت لقيت طرف خيط ثاني وعجزت اطلعه .... ومادري لمتى هالمعاناه!!! بكرا بكلم الدكتور وبشوف وش يصير ......اعذرووني اذا طولت عليكم .. بس ماعندي احد افضفض له غيركم .. وامي ماحب اقولها لانها تتضايق وتشيل هم كثير ومابي اتعب نفسيتها


بس ارجع واقول ...... نصيحه يانورا لاتسوينها بتتعبين كثير واثرها يبغاله سنين عشان يصير شكله مقبول ... وانا على الاقل للحين ماخلصت دراستي ومعاي وقت وحتى لو تقدم لي احد مناسب ماظن بقدر اتزوج لين تتحسن حالتي .... ارضي باللي انتي فيه والحمد لله على كل حال ........ واي سؤال انا حاضره لك ولخواتي

ماشاءالله اغلب البنات يا مسوووين صدوورهم يا شفط والله خوفتونا من هاي البلاوي هل العمليات هالقد متعبه ومخيفه ولا الدكاتره ماعندهم اتقان وتركز بعملياتهم :(

اختي تنتوفه يابعد عمري والله يشفيك ويعافيكي وان شاء الله كلها وقت ويطيب جرحك وتهنين بصدرك

وشاكره لك تعاونك وصراحتك
وياعمري فضفضي وقولي كل اللي عندك المهم يستاسع صدرك

والخاص لما قلت لك تفعلينه علشان لو احتجنا نسألك عن شي في وقت لاحق <<<<لايفوتك الفصحى

وعلى العموم بقولك طريقة تفعيل الرسائل الخاصة والخيار لكي ياعزيزتي :26:

هذا ياطويلة العمر فيه في اعلى الصفحة مكتوب مكتبك الخاص وبعدهاالتسجيل واوقات الصلاة الخ

اللي يهمنا مكتبك الخاص اضغطيه تدخلين على بياناتك

بعدها اختاري تحرير الخيارات
ثم عند تفعيل الرسائل الخاصة اشري على نعم
وبعدها انزلي تحت الصفحه مكتوب تنفيذ التعديلات اضغطي عليها
وتوته توته خلصت الحدوته:27:

نرجع لسالفتنا
<<<<< راعية طويله

والله صراحه انك ضايقتيني بكلامك انا كنت جازمه ميه بالميه بعد الولاده وترى انا ام ثلاث اطفال وهذا حملي الرابع
بس اني مانيب كبيره
وانا اسوي رجيم ويرجع جسمي حلو بس المشكله بهالصدر العلة :29:

وبعدين معقوله مافيه دكتور شاطر يسويها
بنات ماتعرفون دكتور بامريكا باي ولايه يسويها

وبعدين انا سامعه ان كل ماكثرت عمليات الدكتور كلما كان اففضل وانتي ماتدرين الدكتور العليوي هذا كم عملية تصغير وشد سواها لان هذا مهم جدا

والله الواحد محتار
وبالنهايه الله يشفيكي ويرضيكي بنتيجة العمليه

وطيب سؤال اخير انتي من ضمن ترددك على العياده ماصادفتي وحده مسويه نفس عمليتك ودردشة معها شوي

تصدقون انا افكر دايم انه المفروض يصير فيه قروبات لكل حاله مرضيه او تجميليه بحيث يجتمع اللي عندهم نفس المشكله ويتكلموا ويشتكوا لبعض ويقولوا تجاربهم لبعض لتلافي الاخطاء والمسانده النفسيه

الله المستعان

عزيزتي تنتوفه انصحك لا تتركي نفسك هكزا وازهبي الي طبيب اخر لان من وصفك للجرح هناك صديد فلا تهملي نفسك وربنا يشفيك ويشيل عنك