نورا
من اعيوني تامري امر<<<معاد وراها الا النت ماتقدر تتحرك

انا متزوجه وام ثلاثة اطفال
ومن عشاق الجمال بانواعه الروحي والجسدي يعني اي شي اسمع فيه على طول اجربه<<حقت مغامرات

انا جسمي حلو بس فيه شيئن مضايقتني
البلكونات عفوا اقصد جوانب الخصر والزنود اعلى الذراع احسها مليانه بزياده عن الجسم وكنت متضايقه منها مره
فلذلك وبعد متابعه لموضوعكم من اول صفحه قررت اسويها عند محمد عليوي لاني من جده
اما شد الصدر فانا كنت ناويه اولا اكبره لان هذه رغبة زوجي فلما رحت للطبيب قال راح يحتاج لشد مبسط(يعني الخياطه حول الحلمه فقط وليس بحرفt
فعملت التكبير والشد والشفط وانا دحين في حالة عذاب من هالمشدات اللي لابستها<<حالة تعزير وربي
الم وقل نوم كلها كوم والمشدات ذي كوم

طلبت الطبيب يعملي الشفط حول الحوض كله بمافيه البطن قال مراح اعملك شفط اذا كان البطن مترهل لانه بيترهل اكثر
بس لما كشف علي قال مافيه ترهل وشفط حتى من البطن<<<مع العلم ان وزني كويس ومالي بطن واضح
يعني كمية الدهن المشفوط قليل موبكثير

واوافيكم بالاخبار بعد عشرة ايام
ودعواتكم لي لاني ندمانه وخايفه لما افك الضماد ايش بيطلع معي!!!!!!!

جميلة الرووح
يعني انتي مسوويه شفط لمنطقة البطن؟ يلا في انتظار النتايج اللي ان شاءالله تكون مرضيه :26::25:

بنات والله قطعتوا قلبي بقصصكم
انتوا شلون تروحون لدكتور قبل ماتشوفون احد مسوي عنده العملية شخصيا!!!
ماعليكم من الصور شدراكم انه هالصورة لمريض عنده؟؟ يمكن ماخذها من احد ويعرضها على انها شغله
ولاتثقين بدكتور عربي اخذيها نصيحة لانهم لاذمة ولاضمير يمكن تلقين واحد من بين كل الف واحد فاهم شغله وعنده ضمير بس الباقي لا
ومالج شغل بالاقاب
يعني تروحين لدكتور عشان مكتوب جنب اسمه البروفيسور ولا مادري شنو
هذي كلمة ماتودي ولاتجيب المهم شغله شلون؟؟
انا انصحكم لاتروحون لدكتور ببلدكم روحوا لدكتور اجنبي لانهم يموتون عشان ياخذون شهاداتهم يشتغلون 15 سنه مساعدين بعدين يسوون عمليات بنفسهم مو اول مايتخرجون يسوون عمليات
لازم يكونون متمرسين بهالشغلة

انا اعرف وحدة كان فيها سرطان بصدرها الله يكافينا واياكم الشر
وشالوا صدرها تخيلوا
عقبها راحت باريس تسوي تجميل وتعالوا شوفوها الحين
صدرها احلى من قبل مليونين مرة ولافي اي اثر لجرح ولاعانت معاناتكم ولاااااااااااشي
لانها راحت المستشفى الامريكي بباريس احسن مستشفى اللي تعالجوا فيه شريهان ورجاء بلمليح
راحت عند ناس فاهمين شغلهم

تدرون انه بهالمستشفى اللي يسوي الشد والشفط وعمليات الصدر مايسوي غيرهم؟؟
واللي يسوي عملية الانف والذقن مايسوي غيرهم
يكون كل واحد عنده تخصص متمرس فيه مومثل اللي عندنا ماشاء الله بتاع كلو
على باله فاهم كل شي
هناك كل واحد تلقينه متمرس بمجاله
والمثل يقول عط الخباز خبزه ولو اكل نصه
يعني لاتدورون عالرخيص على حساب صحتكم
لانه لاطاح الفاس بالراس ماتقدرون تسوون شي
وصعب الدكتور يصلح اخطاء غيره عشان جذي لازم يكون الواحد عارف من يروحله

طيب بنات مافيه احد يعرف دكتور او مستشفى ثقه بامريكا :26: :26:

تنتوفه وجميلة الروح طمنونى عليكم عساكم بخير :26:

هلا وغلا بالجميع

فكيت المشدات من يومين ومازال التورم والكدمات واضحه وبالنسبه للنتيجه فانا لاحظت تحسن بنسبة 50 بالميه عن اول
مع ان الدكتور يقول مراح تبين النتيجه الابعد شهر الى ثلاثه شهور

لكن لاحظت في اللبس المقاسات قلت
بالنسبه للذراع ماحسيت بفرق كبير الا لما قارنت في لبسي بين زمان ودحين
وبالنسبه للجوانب والبطن انمسحت مسح مشالله تبارك الله لانها قبل الشفط كانت شي بسيط يعني مو مره وماكان عندي ترهل
ولكن مازلت فيه نوع من الانتفاخ والرضوض والم مثل الم العضلات
لكن بنتظر بعد شهر واحكم حكم صحيح

بالنسبه للصدر النتيجه مو زي ماحلمت بس برضوه الحمدلله جدا مقبوله ومرضيه وماقدر احكم الابعد شهر بعدما اشيل الغرز واشوف النتيجه النهائيه

ملاحظه وتحذير
بنات نصيحه من قلب صادق لكل وحده ناويه تسوي عملية تجميل باي منطقه ,لاتقررين تسوينها الا اذا حالتك مستعصيه جدا لان النتايج مراح تكون اجمل من طبيعتك الاذا كانت حالتك متاخره
هذا غير المعاناه والتعب واللي يمكن تكون عمليه وحده تؤدي الى سلسلة عمليات
ونصيحه اخرى لكل قادمه على عملية تجميل,لاترسمين ببالك صوره معينه وتحلمين لان النتائج مراح توصل لمستوى احلامك ابدا ولذلك انا اقول لاتقدمين على العمليه اذا كانت حالتك مقبوله,وغير كذا حطي ببالك المعاناه والتعب اللي راح يصير لك
بالنسبه للدكتور محمد عليوي فهو فعلاانسان بالمقام الاول قبل يكون طبيب,انا جدا معجبه بامانته ونزاهته في عمله والللي بتروح له تكون واثقه انه بيعمل اقصى جهده وكئنه يعمل لاخته اوزوجته هذا انطباعي عنه والله على مااقول شهيد