سلام عليكم

ايش اقولكم والله انا كان وزني 105 قبل 3 سنين المهم سارت ظروف ليه خلتني مصره اصرار عجيب اني انحف
المهم طبعا ماخليت ريجيم ماسويته وكنت امشي على السير يوميا وحرمان غير طبيعي من الاكل
الى ان نزل وزن 30 كيلو في 3 شهور طبعا كنت في الجامعه و الحمدلله دوبني خلصت الجامعه بس سارلي ترهل في البطن والارداف وكملت لعب رياضه ورجعت اكل طبيعي بس نقصت وزني كمان شويه المهم دحين سارت ملكتي قلت لا لازم اهتم
عشان كدا بسوي LPG في تحسن طفيف انا في الجلسه 7 ولسه باقي 13 جلسه
لكن دفعت 2400

والله قالتلي وحده انها نقصت 12 كيلو وجسمها انشد كتير ومهم مرره تشربي مويه كتير يعني حوالي ليتر ونص الى لترين يوميا
انا متفائله بصراحه ممكن تستنوا اذا تبغوا اكمل باقي الجلسات واقولكم النتيجه

السلام عليكماخواتي
اختي lovebird
ممكن تقولي لي وين سويتيه انت من جدة مثلي انا اشتركت في صالون ريما 10جلسات بـ1200ريال واللبس بـ150ريال والى الآن سويت منهم 4جلسات انا مالحظت في نفسي ذاك التغير لكن كل من يشوفني يقولي انت ضاعفه على الرغم انهم مايدروا اني اسوي هالجهاز وانا وزني له تقريبا شهر زي ماهو لم يتغير بس الناس تشوفني ضعفانه وترى انا من الناس اللي ملاحظتي ضعيفه يعني مانتبه للتغير الا اذا كان مرررة كبير الشي الوحيد اللي لحظته على ملابسي انا البس نفس البنطلون في كل زيارة في البدايه كان على جسمي بالضبط وبعد الاربع جلسات صار شوي واسع علي بس مالحظت شد واهلي يقولوا لي ان جسمي شوي شد انت ملاحظه ان جسمك انشد ولا مثلي لا؟

انا كمان اسوي في ريما والله انا مو ملاحظه شي كتير كمان ودحين بسوي دايت نحفت 2 كيلو بس لسه ابغى اكتر وصح حتى انا لاحظت انه بنطلوني وسع شويه

بس قالاتلي انه في وحده بدات بعدي ونحفانه مرررره كتير عشان كدا مقهوره انا

ان شاء الله ننحف واحنا بصحة وسلامه قولي امين

ياطير الحب:
حبيبتي اول شئ ماشاء الله تبارك الله الف مبروك على نزول ال30 كيلو
ممكن سؤال ايش الريجيم اللي مسكتيه في ال3 شهور ؟؟؟؟؟؟؟
بلييييييييز قولي لي وسويتي معاه رياضه والا لا؟؟؟
وكان فيه يوم راحه والا؟؟؟