شد وتقلصات في الرحم ساعدوني

السلام عليكم ورحمة الله وبركاته
كيفك بنات إن شاءالله الكل بصحه وعافيه ويسهل علي وعليكم الحمل والولاده
رحت الموعد الي قلت عليه بشهر ثلاثه عشان زيادة المويه سوت سونار عادي مارضت تسوي سونار رباعي تقول لابد موعد مره ثانيه المره هذي بس تحاليل وقياس نبض الجنين عشان اول مره اجي العياده كنت اروح للطوارئ
المهم بالقوه سوت سونار عادي وقالت المويه مو زايده مين قال زايده والله يا بنات مستشفى الحرس قالت زيادة موية الجنين ومستشفى الملك فيصل الطوارئ قالو زايده بس نسبه بسيطه لما رحت الموعد قالت ماهي زايده قبل اروح الموعد تقريبا ثلاث اسابيع ماكل حلا الا واشرب قهوه عربيه وراها لاني شكيت من كثر الحلا
كنت اكل ومانعه نفسي عن القهوه قلت اغير واجري مو مانعه نفسي من الحلا پاكل ويشرب قهوه وراها والحمدلله المويه ماهي زايده
المهم خوفتني لما شافت نتيجة السونار قالت كله تمام طبيعي شوي الا تكلم الي عندها زي الممرضه تسألها تقولها بس sh مادري ch قلت لها فيه شي قالت لا قلت لها إلا قلت بس sh وقامت تطمني تقولي مافيها حاجه
موضوعي انا الحين فالشهر السادس باقي لي عشره ايام ان شاءالله او سبعه ايام ان شاءالله واخلصه ادخل السابع معي شد فالرحم كانه يتجمع في جهه واحده او يشد علي تصغر بطني وتصير مشدوده ومعي نغزات مثل العود أو الدبوس هذي كنت احس فيها في حملي فالثامن والتاسع طمنوني النغزات الي مثل الدبوس طبيعي فالشهر الشهر السادس خايفه تكون ولاده قربت والشد طبيعي الي احس فيه
زوجي عنده دوره ورحت ارتب فالبيت عشان الدوره مو مكان عمله وتعرفون ترتيب البيت لما بتطلعي منه لابد كل شي مرتب وماتخلي شي تعبت من الترتيب وفالليل صار جماع ومانزل جوه ومن اول ماقمت نزل دم زي المويه مو احمر مره على برتقالي وبعدها قطعة دم صغيره مره
رحت الطوارىء وسوت منظار قالت شفتي مانزل دم يعني الرحم مو مفتوح والله يبانت رحت المستشفى بالليل الساعه 1وعيالي نايمين خليتهم فالبيت صغالر أعمارهم 6وتحت طفيت الانوار ورحت المستشفى بعيده مشوار ساعه ومن غير الإجراءات ومن غير الرجعه يعني الحدود ثلاث ساعات وانا خايفه على نفسي يصير شي وافكر في عيالي ماعندهم احد يارب تيسر على كل وحده حامل تسهل حملها وولادتها والله يكون في عون الجميع
والله اني في هم بعيده عن اهلي اخاف يصير شي وماعندي احد طمنوني الله يسعدكم وايش هو shاوch خوفتني مارضت تطمني حاولت معها قالت مافيها شي طمنوني والي مايعرف ترفع الموضوع لو بدعوه