شرائح الستيك بالكريما والفطر

مرحبا حبيباتي

اليوم طبعا بقدم لكم وصفة رهيبة لشرائح الاستيك يمكن شفتوها وعملتوها من زمان بس حبيت اذكركم بها مره ثانيه

المقادير
نص كيلو لحم ستيك
كوب كريما بيضا ( ماعندكم كريما ولايهمكم اخذو قيمر كويتي وخففوه بالحليب ) راح يستوي لكم حليب مكثف مثل الكريما ،،،، وطعمه نفس الكريما الجاهزه اللي تنباع
انا اسوي هالشكل لما ماحصل الكريما بالسوق الاقيها مخلصه فاسوي قيمر كويتي واخففه بالحليب السائل ،،،
فطر ابيض طازج اشكثر تبين حطي، ،،، انا احط بدون مقادير لان
فلفل اسود ملعقة شاي ونص
ملح
بصله بيضا مقطع حلقات
ملعقتين ونص طعام زبده مع شوي زيت عافيه

الطريقه :
قطعي اللحم الاستيك هذا ،، لشرحات مثل الشوارما بس شوي سميكه اسمك من الشوارما ،، واسلقيهم في ماء مع حبتين ثوم مقطعين ،، بعد ماينضج صفيه وخليه جانبا

الحين ، ذوبي الزبده مع الزيت في مقلاه ،، وحطي عليهم البصل وخليه لين يذبل وبعدين حطي الاستيك فوق البصل وخليه يتحمر بعد مايتحمر ويتغير لونه ،،، حطي الفلفل الاسود والملح ،، حركي شوي ،، بعدين صبي الكريما عليهم وغطيه وخليه ع النار لين تغلي الكريما وتتجانس مع اللحم ،،،
في مقلاه ثانيه حطي شوي زبده وزيت ،، وسوي الفطر سوتيه حمريه شوي
بعدين قدمي الاستيك في وعاء وزينيه بالفطر السوتيه
طبق سهل وممتع ،، ويقدم مع رز بالشعيريه او بطاطس مهروسة

طريقة البطاطس المهروسة حقتي :
2 بطاطس كبيره مقشره ومقطع قطع كبيره
4 جبن كيري، او جبن كرفت السائل
ملعقتان طعام زبده
ملح
فلفل ابيض
فلفل اسود
3 ملاعق طعام قيمر كويتي

اسلقي البطاطس في المكرويف ،، حطي البطاط في وعاء بلاستيك ،، مع ماء وغطيه بنايلون وخليه بالمكرويف بعد ماينضج طلعيه اهرسيه بالشوكه مع بقية المقادير المذكوره
وبالهناء والشفاء