شرائح لحم البقر بالبقسماط >>>>> "كريم جاب" ...

السلام عليكم ورحمة الله وبركاته

اليوم يا حلوات ,الاكلة هي"كريم جاب" ...شرائح لحم البقر مغموسة بالبقسماط ومقليه

هذي الاكلة طيبة جداجدا وتفيد الي تشتغل ومرات تكون متورطة بضيف فجائي او عشى سريع ... لانك تسوين كمية كبيرة وتحطيها بالفريزر (مثل الدجاج بالبقسماط) وطلعين منها كلمااحتاجيتي

المواد المطلوبة:
1- شرائح لحم بقري خالي من الدهن .. اطلبي من اللحام ان يعمل سمكها وسط
2-بيض مخفوق بالشوكة قليلا
3- ملح وبهارات عربية(ام السبعة ؤانواع)او تكدرين تستعملين بهارات البرياني السودة
4- بقسماط مطحون ..او صمون محمص مطحون (موجود بالجمعية باكياس او سويه بالبيت)
5-سلامتكم

طريقةالعمل:
1- ندق شرائح اللحم جيدا (الى انتصير فيها ثقوب متفرقة قليلة) بالجاكوج الي فيه ندب (مطرقة خاصة لدق اللحم والدجاج)
2- نضع الملح والبهارات مع البيض ونخلطهما معا.. الكميةحسب الرغبةمالح حار ...على كيفج
3-نحط الشرائح بالبيض ....بحيث تغطسين كل شريحة بالبيض باستخدام الشوكة وتطلعيها وتحطيها بصحن وكذلك الثانية ..تتركيهم 3 دقايق ..ترجعين تسوين نفس الشي مع اول شريحة غطست بالبيض وطلعت بالاول ...الى آخروحدة
4- الحين خلاص .. باستخدام الشوكة ...تحطين شريحة اللحم بالبقسماط .. وتقلبيها تقليب وبعدين تنفضيها نفض(حتى يوكع الزايد) وتحطيها بصينية مفروش عليها كيس نايلون ...وهكذا معكل الشرائح..
5- ممكن تقليها مثل ما هي (مش مجمدة) او تحطين الصينية بالفريزر وبعدين تطلعين كم قطعة(حسب الحاجة) وتتركيها دقيقتين بالاول وبعدين تقلينها ...على كيف كيفج
6- للقلي, مش ضرورة ان يكون الزيت غزير ..(مش لازم تغرك بالزيت) يمكن تحطين فنجان زيت وتقلين فيه خمس قطع(القطعة بعرض كف اليد او اكبر حسب ما تحبين)... النار وسط مش عالية .. وحمي الزيت قبل ما تحطين ؤالقطعة وبعدين قليليه.. غطي الطاوة اذا حبيتي ما في مشكلة... بعدين طلعي القطعة وحطيهاعلى ورق تنشيف الزيت
7- للتقديم ... تحطين شراح طماطم خيار فلفل اخضر خسوجزر وزيتون على حافات صحن مدور اوبيضوي .. بعدين تجيبين كل قطعة من "الكريم جاب" وتقطعيها طوليا وتحطيهم بالوسط
8- الف الف عافية
:cook: