شراشف صلاتي المستعمله وأفكار أخرى للصدقة

السلام عليكم

اخواتي انا متعوده شهريآ اطلع صدقه بسيطه

ومن يومين فاجأني ولدي بيسافر هولندا كسياحه كم يوم قلت بشتري حجابات صلاة ومصاحف يحطها بأي مسجد قريب بهولندا

لما يوصل وماقدرت اروح السوق واليوم جتني فكره اجمع حجاباتي وشراشف الصلاة الي عندي وعند بناتي

ومسابيح وجلابيات طويله مانلبسها جديده يوديها يحطها بالمسجد واهديها

لثواب امواتنا فهل يعتبر المستعمل صدقه مقبوله ؟


وهل فيه فكره غير شراشف الصلاه والمصاحف والملابس ؟


المسلمين بدول اوروبا انا شايفه بعض مساجدهم الحريم المسلمات يدخلونها للصلاة بحجاب شيفون قصيييير يادوب يلم شعرهم لان اسواقهم ماتبيع شراشف صلاه ساتره ولاحجابات طويله فجتني الفكره واول ماطبقتها بلندن لما رحت مع زوجي صلاة الجمعه وشفت الوضع في اخر يوم حطيت بالمسجد شرشفي المستعمل و شيل العبايات وخليت لي بس وحده وجلابيبي وخليت لي بس واحد ومصحفي ترى عدد المسلمات قليل ماشفت بالمسجد غير اربع حريم وفكرت ان هالشي بيحببهم في الدين ونصيحه كل وحده تسافر اوروبا تدخل اي مسجد تحط فيه لانه يعتبر صدقه جاريه


بارك الله فيكم