شرايح الباذنجان المقلية مع جبنة الحلوم

السلام عليكم ورحمة الله وبركاته

شلونكم حبايبي ادري عنوان الموضوع طويل بس شنسوي الاكلة ما تاخذ اسمها الا من مقاديرها وانا بلحق اعطيكم ما في جعبتي من طبخات حلوة لاني ادري عن نفسي بتجي الدوامات وبنشغل فيها عنكم شوي بس ان شاءالله قد ما اقدر اعطيكم اللي عندي وامر بين فترة وفترة


اكلتنا اليوم سهلة ولذيذة في نفس الوقت مقاديرها عبارة عن
شرايح باذنجان مقلية بالطريقة المعروفة
شرايح طماطم متوسطة السمك
جبنة حلوم مقطعة شرايح
تصف المقادير السابقة بالترتيب السابق بشكل طولي يعني اعتقد الصينية تاخذ دربين مرتب فيه الشرايح بشكل طولي
ثم نعمل الصوص عبارة عن عصيرنصف ليمونة + ملعقة متوسطة خل + ملح + فلفل اسود +م .م زيت زيتون + اكليل الجبل حسب الرغبة
تشرب فيها المقادير السابقة وتدخل الفرن لمدة تقريبا نصف ساعة أو حتى تحسين ان الجبن سايح والطماط ذاب شوي
وتقدم كطبق جانبي ومع الخبز الايراني وهات يا أكل بس ديروا بالكم لا تاكلون اصابعكم وراها


وهني وعافية