هذا الطبق رائع ولذيذ جدآ
ولا يبيله شي
المقادير والطريقه بذكرها سوا
تاخذين اللحمه وتتبلينها
بالصوص الحلو وبهارات الصوص تقريبا فنجال قهوه
وملح وخليها تتبل يوم كامل تقريبا من الليل احسن
حظري الطاجن اللي بتقلينها فيه يكون فيه ربع اصبع زبده وتقريبا 3 ملاعق اكل زيت
حطي اللحمه وغطي
ولا تقلبينها الا لما تشوفين لون سطحها تغير (عارفين قصدي)
بعد كذا اقلبيها وغطي
هالكلام تقريبا ممكن ياخذ نص ساعه
لازم تتحمر وتطلع خلاصة اللحمه
الحين شيلي اللحمه بعد ما تنضج تماما وحطيها بقدر فيه بالنص فنجان قهوه فيه زيت وحطي الجمره وغطي وخليه الين تسوي الصلصه
اللي هي تقريبا ملعقتين اكل دقيق حطيها على بقايا قلي اللحمه
وشوية كزبره وشوية مويه مخلوطه بنص حبة ماجي
تقريبا كاسه وحركيها بخفاق البيض اليدوي
وخليها قرابة الربع ساعه
وبالاخر اضيفي ملعقتين قيمر او قشطه عاديه (بس القيمر الذ)
والتقديم حطي الصلصه في قاع صحن التقديم وفوقه قطع اللحمه
واستمتعي باكلها انت ومن تحبين واليكم الصور.
ام شــــوق @am_shok_5
كبيرة محررات
يلزم عليك تسجيل الدخول أولًا لكتابة تعليق.
ام شــــوق
•
وهذي صورة الصلصه قبل اضافة القيمر
طعم الصوص مركز ولذيذ جدا
وترى اللحمه تصير الذ اذا كانت بعظمها زي هذي
وبالعافيه عليكم جربوها وان شاء الله بتعجبكم
ام علاء حبيبتي مشكوره عالمرور
وترى اللحمه تصير الذ اذا كانت بعظمها زي هذي
وبالعافيه عليكم جربوها وان شاء الله بتعجبكم
ام علاء حبيبتي مشكوره عالمرور
الصفحة الأخيرة