انا بولدي الاول ستر الله بغيت اولد في البيت ... كنت اموت من الوجع واحس البيبي بيطلع وكنت احسبه الله يكرمكم امساك ..كنت اظن ان الي بتولد لازم يجيها دم او مويات ...فكنت انتظر هالدم على بالي كل الحريم سوى :08:
فيوم طفح الكيل خلاص مت من التعب :06: رحت المستشفىوانا ماشوف دربي ويوم شافتني الممرضه انجنت :D تقول خلاص 10 سم ... انتي وينك سترالله ماولدتي بالبيت :38:
وكل هذا بسبب سوالف الحريم الي تقول لي بيجيك دم والي تقول لابيجيك مويات والي والي والي ......الخ
وفي بنتي الثانيه من يوم حسيت بوجع وهو توه طررررررررررت عالمستشفى لايصير لي الي صار .. وكنت توني 3 سم ..:29: فقعدت عندهم 12 ساعه على بال ماولدت :time: والحمدلله قمت بالسلامه ..والله يرزق كل محرومه يارب ..

الحلم الجميل لاني والده بعمليه قيصريه وماقدر اقوم واذا بغيت اقوم انادي الممرضه والمستشفى اساسا مايجيبون البيبي الا في ثالث يوم طبعا اللي مسوين قيصريه بس

انا رحت للمستشفى مواصلة من الحماس لأنهم كانوا معطيني موعد اجي اولد.... كانت قايلة لي الدكتورة انها بتعطيني محفز عشان موية الراس شوية وخطر على البيبي لو يتأخر .... كان موعدي الساعة 7 الصباح ومن الحماس ما قدرت انام... منيب مصدقة اني خلاص بامسكه في يديني....
الحمد لله يوم رحت لقوا معي طلق من ربي بس يوم جا الظهر عطوني طلق صناعي واااااااااااه يا ويلي طلق صناعي وانا مواصلة ؟؟!!... كملت ...
بس احلى شي في الموضوع ممرضة واقفة عند راسي تقولي انت حلوة ... الظاهرعلى بالها المدح بيهون علي.... والثانية ماسكتني وكل ما قالت الدكتورة اني لازم ابدا ادفع مرة ثانية تقعد تقول ( يالله مدام سوا سوا براز ) ... انا ودي اضحك بس ما فيني...
بس الحين كل ما اقول لزوجي (سوا سوا براز ) نقعد نضحك

:06:

في ولادتي الأولى ... ما كان موعدي بس الجنين كانت دقات قلبه كل ما جالها و تنزل ... فعطوني طلق صناعي .. الله وكيلكم من الساعة 3 الظهر لين الساعة 3:20 الفجر .. حافظة الوقت لأني اول ما أولد اسأل الدكتورة الساعة كم ... و بعدين أنااااااااااام (فاضية) و يوم جابوه يحطونه على صدري .. قلت للدكتورة دخيلج شليه ... أحس أنه يصك علي النفس .. أنا مو ناقصة ... (تعبانة عليه هالتعب و تقولين مو ناقصة) طبعا كان ولد

و في الولادة الثانية .. كنت أحس أنه فيني شيء مو طبيعي و كل شوي اروح الحمام (الله يعزكم) و ارجع و امشي في الصالة .. و بوالشباب رايح جاي معاي طول الليل ........ يقولي وجع ولادة ؟؟ اقوله و انا ايش عرفني .. أحس بوجع و خلاص ... لين اذان الفجر وقتها خلاص ما كنت قادرة استحمل .. و على طول على المستشفى ... و شرفت حضرتها

و في الثالثة ......... ما كان فيني وجع ولا شيء بس كنت رايحة الطوارئ لأني كنت (أرجع) و ماني عارفة من شو الدكتورة قالت يمكن تسمم ماكلة شيء أمس و أثر عليج ....... المهم قالت لي خليني أفحص أحسن و طلع 4 سانتي ....... و على طووووووووووول غرفة الولادة ........ بس المصيبة .... أن ما فيني وجع ولا طلق .. و يلست بالمستشفى من الساعة 7 الصبح لين الساعة 4:30 العصر و أنا في حالة يرثى لها ... الحريم يجووووووون و يربون و اسمع صراخهم .. و تنشطب أساميهم و أنا جالسة ......... قلت لهم الله يخليكم طلعوني على مسؤوليتي .. المهم طلعت و رجعتلهم الساعة 9 بالليل و خلاص الوجع على اصوووووووووووووله و شرفت طويلة العمر

أما الرابع .......... فمسكين جا بعد 4 سنين من الراحة و أختكم ناسية السهر و التعب و المعاناه مع اليهااااااااال ..... المهم ... من الصبح كنت حاسة بوجع بس اتجاهله .... لا و كنت رايحة السوق بعد ..... و بعدها رجعت ... و رجعت اطلع مرة ثانية .......... و يجيني الوجع و انا برع و الناس يشوفوني و يحسون ان ويهي يتغير وقت الوجع .. و تلاقوهم يقولون شو مطلعها هذه تروح تولد أحسن ... المهم رجعت البيت الساعة 9 بالليل .. و كان زوجي في الدوام ........ و قلت اروح بيت اهلي احسن أخاف يزيد علي الوجع بالليل بعدين وين احتاس ..... المهم اتصلت على زوجي و قلت له اني بروح عند اهلي .. لاني يمكن اولد الليلة .. مسكين ما قصر على طول طلع من الدوام .. و جا بيت اهلي .... و انا من شفته ......... حسيت ان الوجع يزيد و اول مرة يصب الماء عندي في البيت ... و على طوووووووول على المستشفى .... بس الوجع خف عني كنت اضحك و اسولف في السيارة.... بس رجع عاااااااد و شرف اخر العنقووووووووووووود .. يا فرحة ما تمت .. رجعت حملت بعده ... و سقطت ... و هم رجعت حملت ..... و الحين ادعوووووووووولي أن الله يسهل علي ..... اميييييييييييييييييين (محد دعالها تدعي لنفسها)

بس المضحك في الموضوع .. أني أول ما أدخل غرفة الولادة ... أدور الأوكسجين (الغاز الضاحك) و اذا مو موجود اسويلهم حفلة و طبعا اخذه و اقعد اهلوس و الكل يتفرج و يضحك