السلام عليكم ورحمة الله وبركاته ....
شلونكم بنات حواء ان شاء الله انكم بصحه وعافية :)
عندي موضوع ودي أكتبه لكم من فتره لكن ما أراد الله .. وألحين لقيت فرصه ... هالموضوع قررت أكتبه من كثر ما أشوف مشاكل البنات وتقريبا كلها تدور حول اطار واحد ... والعجيب الردود كلها تقول طنشي عيشي لنفسج .. اوكي آنا أقول طنشي بس لهدف معين وأقوله بالرد مو بس أقول للبنت طنشي وخلاص أسكت وهي ياعمري عليها تقوم أطنش وتتوهق وماتدري شلون طريق الرجعه اذا حست انها مشتاقه الا بالتنازل .... لاتقولون شلون تشتاق .. مخلوقه تراها من مشاعر واحساس وحب .. لابد تشتاق وتحن لأنها أم وفيها من المشاعر مايكفي بلد بحاله ... المهم .. آنا راح أتكلم عن طريقة الحياة مع الرجل .. وانتي اللي راح اطبقينها .. وتنتظرين النتيجه ..
أدري أدري .. بتقولون ليش كله على المرأة .. اهو وين .. شنو شغلته .. أنتي ماتدرين أن الرجل يتبع المرأة ؟؟ ما لاحظتي هالشي ..؟؟
ليش يتبعها ؟ لأن الرجل بطبيعته يتبع قلبه .. والمرأة خُلقت من ضلعه اللي بجانب قلبه .. واهي قلبه وروحه وكيانه بعد .. ومستعد يتبعها لي أقاصي البلاد .. بس منو الذكية اللي راح تكسبه ...؟ وتتعب شوي علشان يكون طوع أمرها .. واهي أميرته ..؟؟
كلامي اليوم راح يكون عن ذكاء المرأة ... راح أتكلم بكل بساطه وسلاسه .. بغيتو اطبقون وشفتوا انه مناسب لكم .. كان بها ... مع انه مافي رجل مايحب ذكاء المرأة ... مابغيتي اطبقين .. كسل .. يأس .. عدم ثقه بنفسج .. هذا شي راجع لج .. كنتي توج متزوجه .. صار لج سنين .. كلها ينفع .. مافي شي طاف .. انتي الأولى .. انتي الثانية ... كلكم أزواج على سنة الله ورسوله .. طبقوا .. عيشوا ... استمتعوا بمتاع الدنيا الحلال .. حصنوا أزواجكم عن الحرام ...
ماراح ينفع ...؟؟ ليش ؟؟ جربتي ؟؟ ولا بس كشيتي بوجه الخير اللي ربي يبيه لج ؟؟ حاولي .. مره .. اثنين .. وعشر .. خلي لحياتج معنى .. هدف تبين توصلين له .. مو اني بكون مالي شغل الا زوجي .. لا طبعا أهتم بعيالي وبيتي .. واعيش شقاوة المراهقة ... وقصص الحب .. والشوق ... والفراق ... واللقاء .. مع زوجي ... ليش لا ... ليش ما استمتع ... راح تلاقين نفسج فرحانه .. وريلج يحبج .. ويستمتع معاج ...
عطيتكم مقدمة طويلة جدا أدري .. بس فعلا أبيكم تستفيدون .. ما أحب أشوف البنات اللي يحسون زواجهم واجب .. من مهمه لي مهمه .. ليش معذبين انفسنا .. لاااا وننصدم ان شفنا الزوج يبي يستمتع ويدور المتعه بمكان ثاني .. حتى لو ما زنا .. بس متعة ان عندي حبيبه .. اطلع واكلمها .. انطر منها حركه .. كلمة .. مسج .. شي .. فتندمين على ضياع وقتج .. وتلتفتين لعمرج .. تلاقين بينج وبين نفسج .. تقولين .. اشفي شكلي ؟؟ ليش كأني أكبر من عمري ؟ ليش مقصره على عمري ؟ ليش لبسي قديم ؟ مكياجي قديم ؟ ... واذا جيتي تبين تواجهين زوجج .. ماعندج شي الا .. أنا ضحيت بعمري علشانك .. انا قصرت على نفسي علشانك وعيالك .. سهرت الليل لكم .. طبخت ونفخت وانتو مابين بعينكم ...!!! والطامه لو يقول زوجج ... منو طلب منج ؟؟ .. فعلا اهو ماطلب خدامه له ولعياله .. اهو يبي زوووجه ... حبيييبه ..... عشييييقه ... بالمرتبه الأولى ... ولو لقى هالشي ... ماراح يهمه أي شي ثاني ...
نجي للمهم ...
عيشي حياتج بفرح ... الكآبه ماتسحب عليج الا كآبه .. والفرح مايجيب لج الا الأفراح .. يعني خلج بشوشه .. ابتسمي .. راح تستانسين دايما وتحسين انج سعيده .. أول ماتفتحين عين .. لا تقولين أوووف وراي ووراي .. لا ابتسمي .. وتمددي على السرير .. حسسي نفسج بالدلع .. تنهدي .. لعبي بشعرج .. عطي جسمج قوة وبعدين قومي .. راح تلاقين ويهج ابتسم بعدها على طول .. لكن اذا فزيتي بسرعه .. راح يحس جسمج بتغيير مفاجئ وراح تتعومسين .. قمتي خلاص .. ترشرشي بالماي .. سواء استحمام .. أو غسيل عادي .. غيري ملابسج .. لاتنامين بالبيجامه وتقومين تقعدين فيها .. انتي انثى .. يعني لازم شي للنوم ..وشي للقعده .. وشي للطلعه .. وهكذا.. غيرتي ملابسج .. تعطري وسنعتي شعرج وويهج واوكي .. عطي الحلو النايم نظره .. حتى لو كنتي زعلانه .. وقولي من داخلج والله أحبك .. وطلعي من الدار .. ليش سوينا هالحركه ؟؟ لأن راح يوصله حبج من غير ما تتحجين .. وراح يحس بشعور غريب .. ان في شي .. من غير مايشوف نفسه عليج ولا يرد عليج .. وانتي اطرين كلمة احبج .. زهبتي الريوق .. وسنعتي شغلج .. خلاص يا وقت قعدته .. دشي الدار وقعديه .. خلي لج طريقه مميزه .. همسي باذنح .. باباتي قوم .. ماينفع الهمس مع ريلج .. او من النوع اللي يدز وهو نايم .. وانتي قاعده على طرف السرير .. باباتي .. صغنون انت .. يا اطفال يا حلوين الدوام .. وخلي من هالكلام الحلو الرايق .. لاتقولين حبيبي قووم الدوام .. قلبو وحياتو ومن هالكلام .. لانج بتتعبين واهو مايدري شتقولين .. فخلج بكلام لطيف .. وحلوو .. وكل يوم غير .. علشان يبدا يركز شنو بتقولين له باجر .. كأن ولدج .. خلاص قاام .. بيقووم متعووومس .. خليه يقوم على راحته .. وطلعي بعد مازهبتي اغراضه .. ماتقعدين مجابلته .. خليه وطلعي قعدي بالصاله قعده حلووه .. اقري لج شي .. مو فوون .. لااااا .. لأنه يحسس اللي جدامج أنه ولا ابيزه عندج اهو ... نتركه على صوب .. اقري جريده .. مجله .. كتاب .. فرفري بالتلفزيون .. واذا دخل عليج .. اهليين بالرايقيين .. صبااحو شغل .. صبااحو مزاج عالي .. مع ابتسامه حتى لو ماله خللق .. وسكتي بس .. ماله دااعي هذره واايد .. تريق سولف معاج ردي على حجم السالفه .. خليه يسحب الكلام منج سحب .. بس مو وانتي مبوزه .. لا خلج بشوووشه .. وتريقي معااه .. مو تقولين انا بعدين .. لااا .. خلج وياااه .. يحس انه انتي معااه .. سواء عندج عيال أو لا .. انتي لازم معااه بالسفره .. رجيم مارجيم .. ماله شغل .. قعدي وطقطقي معااه .. خلص من الاكل .. عوااااافي .. خلي كلامج دلللع .. عله منازل العافيه .. وآنا شبعت ماكوو عااافيه لي .. خلييه يقوولج عوافي .. حتى لو صار لج 10 سنين وماقال لج .. علمييه الحين .. يتعلموون .. خلصتوو .. قال انا مااشي تبوون شي .. ابي أبي أبي سلامتك وابتسامتك و ووو وبسسس مع ابتساامه حلووه منج ..لاتعورين راسه وراسج بالطلبات على هالصبح .. ترى حتى لو كان رايق راح يتنرفز لأن بيحس انه وراه شي ... طلع خلاص .. عيشي حياااتج بالطوول والعرررض .. اهو قعده اهو نووومه .. اهوو شي اطالعينه .. اهو نت .. اهو طبخ بكييييفج .. اهو ماسكات عالفيس أو الشعر .. لاتفكرييين فيييه أبداااا ... غني رقصي نططي .. والله رتبي وانتي أناشيد بصووت عالي .. وما ننسى الأذكار طبعااا ... خلييييييج منه ... يبي شي يتصل مايبي بكيفه .. واذا دق .. هااا شعندكم شتسوون .. مااكو قاعده احط مناااكير .. قاعده آخذ شووور راايق .. قاعده اسوي سكرابز يعني شغلااات حرييم مغريه .. مو اطبخ .. انفخ ... اخم ... اهو يدري انه هالشغل محد يسوي الا انتي فمااله دااعي تثبتين له انج قااعده تسوين .. فيشيل صورة الأنثى .. ويحط صورة ربة منزل .. واهو يبي يعيش ويستانس مع أنثى .. فيرووح يدوور على انثى غيرج ... هذي حزة الصبااح لي الظهر قبل يرد من الدوام ... واذا رد لازم يلاقي اللي كنتي قلتي عليه .. مثلا قلتي مناكير .. اذا رد لازم يلقى .. قلتي ماسك .. اذا رد لازم يكون فيسج حلوو .. اذا سكرابز للجسم .. لازم يلاقي ريحة ونعومة جسمج شي .. عرفتي ..
آنا كنت بصراحه كنت ناويه أكتب كلل شي بس شفت ان الموضوووع واايد صاار طويل .. فقلت اتشوفوون هالجزء اذا عجبكم .. حطيت جزء ثاني من فترة الظهيره .. لي المغربية .. وهكذا .. وطبعاا في نصايح وطرق .. اذا تبوون اوكي .. اذا شفتو ان الموضوع مكرر ومليتوو من هالسوالف .. خلاص كأنكم ولا شفتوو شي :)
تحياتي
شهوده بنت صغيرونه @shhodh_bnt_sghyronh
عضوة نشيطة
يلزم عليك تسجيل الدخول أولًا لكتابة تعليق.
كوين جاليري*
•
لا اله الا الله
الصفحة الأخيرة