شرايكم اقبل السكن جنب مرت حماي المزعجه او لا؟

باختصار يا جماعه مرت حماي او زي ما يقول البعض سلفتي غاثتني بشكل وبصراحه اكرهها من تزوجت زوجي صار لي 11سنه وانا وياها في عداء اعظم من حريم رجل هي تغير مني موووت انا حاسه بكذا رغم انها مدرسه وانا لا وساكنه بشقه لحلها وانا عند اهل زوجي واشياء كثيره ولكن مع ذلك تتعمد ايذائي ففي كل مره نجتمع مالها سيره الا زوجي سوالي كذا احنا سافرنا كذا انا شريت كذا والله اني انغثيت منها حتى اني صرت اكره الجمعات الي هي فيهاوحتى لوانا قلت سالفه تعلق عليهاوتتريق(تتطنز) المهم انا وزوجي ناوين ناخذ ارض نبنيها ولقينا ارض لقطه فيها جميع المواصفات الي احلم فيها رغم انها غاليه الا ان جنبها مسجد ومدرسة بنات المهم راعي الارض رافض يبيع الارض الا مع الي بجنبها والي صار ان زوجي عرض الي بجنبها على اخوه الي هو زوج سلفتي الغاليه وهو وافق لانهم اصلا يدورون على ارض تخيلوا يابنات انا اسكن بجنبها المشكله اقول لزوجي مابي اسكن جنبها قال شنسوي احنا مضطرين علشان ناخذ الارض وانت ما عليكي منها لكن ما اتخيل اني اسكن جنبها اولا بتغثني وتقول موقع بيتنا احسن فيه مميزات احلى وغيره من انواع الاستفزاز وغيرلو اي شي اسويه ببيتي بتسوي زيه وانتوا زي منتوا عارفين البيوت اسرار فبتصير تسمع كل شي مثل صراخي على عيالي واي هوشه يعني بالفعل ضايق صدري فانتوا شرايكم اخذ الارض ولا لا رغم ان زوجي مصمم ياخذها والكل مشجعه انا بصراحه مومرتاحه يعني بد صبر هالسنين اصير جارة هالعله سلفتي

________________


عزيتي ليان معليش كتبتها من جديد انعميت من الخط صرت مااشوف يالغاليه

مااقول الا لك الله يكون بعوووونك
استخيري وماندم من أستخار

وراكي وراكي
ادعي ربي يهديها يارب
مرات يكونوووو السلفااات كذا ربي يهديهم :44:

وتحيااتي وربي يفرج همك

كان الله في عونك مثل ماقالت اختي استخيري
ولا تحتكين فيها كثير كوني رسميه جدااااااااااااااااااااااااااااااااااااااا
والله يسهل امرك

والله لو ان الاختـ اسطوره الصبر
ما رجعت تكتبت المشكله ماعرفت اقرا منها حرف الا بصعووبه
الله يجزيها خير

بخصوص المشكله اختيـ ليان
تقولين إذ سولفت عن سفرياتها هي وزوجها وغيره وغيره تتضايقين والان تحاولين تتركين الجلسات الي تعرفين انها فيه !!

طيب ليه هذا كله ؟؟ ليه ماتصيرين طبيعيه وتبتسمين لها وهي تسولف قولي صدق والله ماشاء الله الله يهنيكم ومن هالكلام وبعدين التفتي لغيرها كانك عاادي جدا ً آخر همك

وسولفي عادي واهم شي ثقتك بحالك ومو شرط توجهين لكلام لها ولو علقت ولا قالت شي سوي حالك عادي ماسمعتي او شوفيها بعدين صدي وكملي السالفه ولا كانه همك تعليقها او ردي برد مايخلي اهل زوجك ياخذون فكره عنك رد يحرجها ويسكتها وبس

ومساله البيت تقولين بيت يعني مو شقق ولا ؟؟
هي في فيلا ونتي في فيلا وين تسمعك وتسمعينها !! مستحيل
وتقدرين من البدايه تكونين رسميه معها بقوووه وخلاص بتعرف حدودها وبنفس الوقت خليك نعم الجاره بس في حالك وهي في حالها

وبيتك زيني فيه بخصوصيه ولو عرفت شي وسوت مثله كفايه انك الي سويتيه الاولى ولكل عارفين يعني فشيله عليها :11:

وسعي صدرك وخليك اكبر منهاااا بعقلك وشخصيتك وصدقيني ثقتك وعدم اهتمامك فيها بيخليها تتعب وتحس انها مو ماثره فيك ولا مزعجتك وبتطفش من اسلوبها وبتعقل ان شاء الله :)

..

.

و الله عليك عقل يا المتغلية يهبل :32:

بس يحتاج لها ثقــــــــــــــــــــــــــــــــــــــــــــــــة بالنفس :(
الله يعينك اخت ليان بس حاولي تقوين قلبك ولا تهتمين والله يكون بالعون

الاخت أسطوره الصبرمشكووووره على تكبير الخط ما توقعته بيطلع هالصغر.
الاخت gaamraانا والله احاول اكون رسميه فعلا الرسميه حلت جزء من المشكله ولكنها عله ترجع تخيلي مره جاتنا للفطور برمضان عند اهل زوجي واستلمتني استلام عسكري تقول الله يهديهم عيالي اهم ما ياكلون قلت وعيالي بعد قالت تصدقين يوم رحنا مصر بالعطلة ما بقى مطعم ما ودانا زوجي وما كلو ورحنا ورحنا ....الخ حاولت اتفلت منها ما قدرت قلت عاد مصر مافيها زود انتي اول وحده تمدحها قالت بالعكس تجنن وانبسطنا حتى ان بنات اخت زوجي قالوا لها كل سفره بنروح معاك انتي تونسين ......تخيلوا مدى ازعاجها.
الاخت المتغليه كلامك يشرح القلب والله درر.
الاخت خياليه مشكره على المرور .
والباقين لا تبخلون علي بارائكم...