عين العقل

إذا عرفنـــــا معنى كلمة حب عرفنا متى تجي قبل أو بعد !
اثنين عاشين يكلمون بعض كل دقيقه ويقابلون بعض ورسائل ووو كل شيء تتصورينه من قصص الغرام إذا جاء الزواج بدأ الرجل كالعادة يتعذر ووو يضيع الحب ويصير الفراق
هل تتوقعين هذا حب !
هذا شيطان يزين للإنسان عمله طالما ان فيه معصية واغضاب لله
واذا جاء الجد تخلى الجل عن المرأه وزالت الأقنعه ووضحت الصورة .......

اما الزوج وزوجته بينهم امور عديدة تفاهم رضا قبول عشرة مشاكل
صدق وضوح أطفال كل هذا يبني الحب بدون شعور .........

هلا عيوني انت يعني ماحبيتي خطيبك؟ او اش بالضبط؟
انا بحكيكي تجربتي
انا اول ماخطبني زوجي صراحة نفسي ماارتاحت له كثيرررر قعدت ابكي مااااااعجبني
كااااااااااااااااااااااان نحييييييييييييييف وانا عاااااااد دبدوبة شوي وانت عارفة عاداتنا وتقاليدنا كل شي عيب ممنوع اكلمه او اجلس معاها قبل الزواج(طبعا الوضع الان تغير الناس اتفتحو وصارو يسمحون بالشوفة والحديث في حدود الشرع طبعا )
وسبحان الله احنا الحريم يهمنا الشكل كثير وله دور في حبنا للطرف الاخر

الموهم هو طيب مررررررررة (مااشالله تبارك الله اللهم صلي على سيدنا محمد) واتزوجته وهو طالب وفارقت اهلي لبلدة ثانية يعني هم وحزززن من اولها حتى امي لاحظت هذا الشي يوم ملكتي لكن ماقدرت ارفضه لانه صاحب اخلاق ودين

انا لي الااااااااااااان 12 سنه من اتزوجته وكلمه اعشقه قليلة عليه
ليه؟

لان مع العشرة والمواقف راح تحبيه وهو هذاالحب الحقيقي الباقي الققوي
لمن اتزوجني كنت صغيرررررررررة وطالبه وهبلةوغشيمة ولا افهم شي في الدنيا ياما وقف جمبي وساعدني وحن علي وله مواقف كثيرة مع اهلي ماانساها خلته كبيرررررر في عيني

ترا الحب حق الغراميات والرسايل والمقابلات و و و والخ من اللي نشوفه في عالم الانترنت والفضائيات حبيبتي هذا مو حب هذه شهوة جنسية مجرد تنشبع يجي دور العقل وراح تتذكرين كلامي هذا لمن تتزوجين انا الحين لمن افارق زوجي واروح اسافر لاهلي تعالي شوفي الرساااااايل والغرااااااميات والغزل بيني وبين زوجي مجرد نتقابل وارجع له بعد السفر ونشبع شهوتنا اللي الله احلها لنا خلاااااااااااااااااااااااااااااااص كلام الغزل والغرام يصير ماله اهمية او لذة مرة زي من قبل وانا مسافرة

اهم شي اذا خطيبك طيب واخلاقه كويسة ودين وادب توددي له وتحببي له لان التحبب داااااعية الحب

عيوني انا حبيت وذقت طعم الحب اللي انت تقصدينه زمااااااااااااان قبل زوجي (ايام المراهقة والطيش)لكن انا متاكدة انه مو حب حقيقي هذه شهووووووووووووة مجرد تنشبع خلاص
والدليل شوفي اكثر الازواج ماعندهم حركات الرومانسيات والغراميات اللي نشوفها في المسلسلاات ليه؟ لان شهوتهم اشببببببعت وبدا العقل يشتغل( هذا مو معناه انهم مو مبسوطين لااااا) لكن بداو يفكرون باااااشياء ثااااانية برضو لها لذة من نوع ثاني اولاد تربية بيت مسؤليه

اتوقع يااختي انك مريتي بتجربة عاااااااااطفية(سابقة) عشان كذا تقولين في نفسك كيف راح احب ثاني غيره انا حاسة فيكي لكن كله رااح تنسينه لمن تتزوجين ان شالله وحاولي تعززين ثقتك بنفسك وانسي هذا الشخص اللي حبيته ورردي كلمة نسيته (نسيته نسيته نسيته) بدل ( احبه)
ماادري انت مخطوبة او متزوجة؟ الحاصل سامحيني اذا غلطت او طولت عليكي بالكلام


ااتمنى لكي التوفيق من قلبي

كلااااااااامكم كله حلووووووووووووووووو
ومن جد بردتوا قلبي
لاني يااخوات اشوف هالايام اشياء تخوف اشوف رجال مع زوجته ويرقم ويغازل وهي جنبه واشوف حريم يكلمون باسم الحب من ورا ازواجهم واذا قلت لها طيب ربي عطاك واحد بالحلال ليه ماتغازلينه قالت لا هاذا زوج مو مثل العشيق وتخيلووااااااا تطلع تقابله ؟؟؟؟؟؟؟ شي يشيب الراس وبعد في حالات اشوفها احس الزوجين بينهم برووووود ومافي رومانسيه واشياء كثيره تخووووووووف
وكل الي اطلبه من الله سبحانه وتعالى انه يرزقني الزوج الحنون الجميل في الخلق والخلقه عشان اعيش معاه قصة حب في الحلال والله سبحانه سميع مجيب
طيب شرايكم بالي يصير هالايام من المعاكسات واغلب اصحابها متزوجين ويسوون كذا بحجة ان الحياة الزوجيه ممله ومافيها رومنسيه وكل واحد مشغول بنفسه!!!!!

عزيزتي الحب مايجي قبل الزواج


وللأسف مايجي بعده