شرايكم بالحركه هل يحق لي اضيق وازعل واتشره

اليوم خطبه اخوي خطبه رجال ولابسات كاشخات خواتي وامي وانا كاشخه عشان خوالي كانو عندنا المهم راحو الرجال يخطبون ابوي واخوي وخوالي شوي اشوف خواتي لابسات عبيهن مايعلمني طبعهن واي شي يصير مايعلمني سوق العيد ابي السوق تروح ماتعلمني معها سياره اختي تطلع هي واختي الصغير كفيهات ولا يتمشن مايعلمني ولايقلن نبي نطلع شرايك تطلعين المهم اللي صار اليوم ان حتى امي لابسه عباتها قلت. وين تبون قالت نجيب حلا ونجي يعني استغفال وتبعتها للحوش اشوفهم يما يركبون وهي راكبه تكلمني قبل تسكر الباب قالت اختك تبي تشوف فلانه اللي هي العروس الخطبه اللي اعرفه انها خطبه رجال وشوي تقول رايحه تشوفها احس انلخمت دارت الارض فيني يعني نعم مايقولون لي قلت تشوفها ليه ماتعلموني من البدايه قالت تروحين قلت ايه انتظروني ركضت لبست عباتي بلهده بمغثه ويوم ركبت قلت ليه ماتعلمون من بدري امي ماتبي تعلمني انتن ساكتات بعد رايحات وراهم للخطبه قالت السواقه نشوفهم وهم يطلعون بس قلت لاوالله خبث وانانيه ويقلبنها لصالحهن الا تنكد قالت امي وعيالك قلت شدخل عيالي قالت يفضحونا وحنا مانبي احد يدري قلت سملاه مو عذر واتناقش مع امي وهن ساكتات عاد امي تقول متى اقولك وانتي مشغول بالك بزوجك وعيالك ونفسك تقولي انتي مشتته قلت ايه خبله ومشغوله تلبسين هاذا وتوكلين هذا تحاول تشغلني بالعيال عيالي اديرهم واتصرف معهم وكان امي مستغربه شلون اقدر عليهم قدام ابوي تقول سته شلون تقدرين عليهم قلت ادير بيت وزوج وعيال ولو استلم الشيخه ادرت القبيله كلها. ويتضحكن الكلام ذا قبل امس يعني يحاولن يربطوني بعيالي عيالي انا اقرر وانا اتصرف مااحد له شغل بي قلت لامي انا تصرف وشدخلكم بعيالي ومشغوله في رساله ارسلي اذا ماتبين تكلمين قدام عيالي. قالت ماني فاضيه الجوال اللي يقهر ان خواتي يدرن يقدرن يقلن لامي لا نبي ناخذها لا لازم نقولها حتى لو امي همها ماتبي احد يدري انا احس كل فتره انسحب من هالعايله واتجاهلهم اختي السواقه مافي سوالف مانحتك انا اتحاشاها لانها ماتنعاشر قبل العيد بليله اقولها متى تحلقين ولدك اذا تبين تروحين خوذيني معك وتطير بحلقي اروح بمزاجي وسيارتي جتني عقب طلعه روح قلت وفطوري اللي تاكلين منه ماتنفعيني اذا ذي سيارتك هاذي شوربتي اللي تجين من الدوام تقل ضيفه شرف تاكلين وتمشين فصرت اتحاشها ولا اكلمها مافي شهور اخوه واختي الصغير تتبع المصالح وامي مستغربه كيف ادير عيالي بكل شي وتخليهم عذر لي مشوين مقفله مجلس الرجال المفروض رافعه المفتاح لا معها اخذته وحنا طالعات واخوي الثاني زعلان ليش تاخذونه الرجال جو برا قالت عن عيالك اختك قلت شدخل عيالي شماعه ماهم جايين المجلس رجال والحلويات اذا فيه حلا ارفعيهن وخلاص الاطفال يبي اللي يراقبهم البارح تقول رحت وجيت الا ماخذين منه قلت ليه ماقفلتيه انا لو اني موجوده مارحوا بس انتي بالمجلس كذا عيالي شماعه وانا اللي اشتغل وانظف واختي السواقه اصغر مني تحوس وتمشي وتبيني اكنس وراها العصر قالت امي اكنسي المجلس توي اقوم ولا جلست هن متقهويات وخالصات قلت فيه اصغر مني يكنسن انا اكنس عنهن واشتغل عنهن قالت هاذي على عقلها قلت حتى انا على عقلي مادري تشوفني شايله عيالي ونفسي تبيني اشيل وراهن ولا مالي قيمه مادري بس الان منغثه ودمحتي بمحاجرها وهن ياكلن حلا بمناسبه الخطبه ينادني قلت ماابي