سمعت المقطع وكلامه عادي يوم شفت ردة الفعل شكيت اني سمعت مقطع غير اللي سمعوه الناس
لما بحثت تاكدت صحيح ان بعض كلامه ما اتفق معه بس مايستاهل كل هالردة فعل احس الناس بالغوا شوي

شوفي مقطعه من ثلاثه ايام في حسابه في تويتر ..ع العموم هو مو متاثر بالمقاطعة ثروتهم مليار اللي بيتاثر الموظفين السعوديين في محلاتهم

ياالله كيف الناس ممكن تسبب على شخص دون دليل أو بينة
وكيف الناس تتأثر بآراء بعضها دون تأكد
أنا شفت الحملة اللي عليهم ، وحبيت اتأكد من صحة الكلام
لأن الفيديو المتداول ابد مايمت لللعناوين بصلة
والشخص طلع ووضح كلامه
وانا من قبل كان عندي اعتقاد أن الكلام بعيد عن المعنى اللي تداوله الناس

ياليت قبل اي مقاطعة الناس تتحرى. وتجتهد في البحث حتى ماينظلم شخص من ورى الموضوع

والتجار ياليت نحط آبائنا واخواننا مكانهم
هل. كنا نرضى أحد يتسبب بالضرر عليهم وإلحاق الخسائر بهم ؟
اكيد لا
فالواحد يتق الله

بالنسبة لأهل الضمان
بإذن الله صوتهم يوصل اسأل الله أن يصب عليهم الخير صب دون انقطاع
واي احد ممكن يوصل صوتهم أو ينفعهم لايقصر

لكن دون الإضرار بأحد او التأجيج على أشخاص مالهم يد في الموضوع

انا مالي مزاج اتابع مثل هذي السوالف
ولا ادري وش قال بالضبط وايش اللي صار
لكن بشكل عام اشوف بدأت تزيد المهاترات بمواقع التواصل على الفاضي والمليان وكثر الاستقعاد للخلق وتهييج للفتنه
لدرجة انه في حسابات مخصصه لفكرة معينه بحيث يجمعون حواليهم انصار هذا الفكر والنهج اللي يتكلمون عنه ويبدأون يشنون الهجوم بكل الوسائل وتكبير الصغائر وتوجيه الهطوف لامور قد يكون بعضها غير مدروس
وما اعرف هذول حسابات موجهه ومدعومه ولا كذا اجتهاد منهم وبالصدفه الله اعلم
اما بخصوص نقطة الوظائف للاجنبي والسعودي اعتقد الوزير يتم تعيينه بأمر ملكي وابعاده كذلك بأمر ملكي يعني مافي شي عشوائي وعبثي
وحتى توظيف الاجنبي اظن له اسبابه المدروسه واتفاقيات دول احنا نجهلها
وانا مع وبقوة ان الاولويه للوظائف العاليه والمتوسطه للمواطن والمواطنه السعوديين لانهم اولى بخير بلدهم
لكن مثل ماقلت اذا في اتفاقيات وخطط معينه من المسؤلين لها هدف معين لازم نتقبل ونرضى
ورزقنا كلنا على الله سبحانه وتعالى مو على وظيفة فلان وعلان

اتقوا الله تراه يحلف ويقسم ودعى على نفسه ان الله لايوفقه وان الله يقطع رزقه انه ماكان يقصد موضوع معين ولا جنسية معينة ومصور الفديو من قبل شهر عن اليوم الوطني وقال مابنزله الا بعد ماتخف المشاركات عن اليوم الوطني
اتقوا الله لاتظلمون الناس اتقوا الله☝🏼
وهذا الكلام تراه قال طالبكم تنشرونه للناس عشان يعرفون اني كلامي مشاركة لليوم الوطني وليس لأي موضوع آخر

انا حبيت اوصل صوته لأن الظلم يؤلم المظلوم كثير
والآن مسؤوليتكم انتم ياللي تقرأون تنشرون الكلام في مواقع التواصل