شرايكم بكلامها ؟؟؟!!

السلام عليكم ورحمة الله وبركاته

كيفكم :15:

حاسه من زمان ما نزلت موضوع افضفض فيه و اغثكم :28:
ههههههههههههههه امزح يا حبي لكم والله 💕

الزبدة فاضيه قلت بعلمكم بشيء استغربت منه وبنفس الوقت نسولف وندردش < واضح اني فاضيه وطفشانه بقوه :icon36:

امس قابلت صديقتي و انا من زمان عنها و قعدنا سوالف وحش يمكن فوق الخمس ساعات متواصلة < الله يتوب علينا ويغفر لنا الله لا يطيح احد بلسان هيك نسوان :3_2_21v:

هي أمها و ابوها متوفين الله يرحمهم و عندها أختين وحدة بثاني كلية ووحدة بثالث ثانوي وكلهم مو متزوجات لكن هي متزوجة وعندها بنت وخواتها عايشين عندها لان ما عندهم احد بعد الله غير هالاخت اللي هي صديقتي < ادري ماله داعي اذكر التفاصيل بس أضيع وقت معكم :39:

المهم خواتها ما شاء الله تبارك الله سبحان من خلقهم جميلات بمعنى الكلمة و ربي كاملات ما فيهم عذروب ما شاء الله ما ابي احسدهم و اطقهم بعين عاد مو ناقصين المساكين :3_13_12:

مدري وش دخل الايموجي بس حبيت استعمله هههههههههههههههه

المهم وانا اسولف معها وتشكي لي من فقر زوجها و ديونه وتقولي تحسفت وندمت فعلياً اني اخذته تمنيت اني ما جبت هالبنت عشان انفصل عنه و اشوف لي واحد ثاني حالته كويسه بس البنوته الله يحفظها معلقتها وطبعا صديقتي لا تقل جمال عن خواتها اسم الله عليهم جميعاً

المهم وحنا نسولف قالت لي ما تعرفين لي خطابة خاصة للأمراء والشيوخ (شيوخ تقصد حكام الخليج مو رجال دين) او رجال اعمال ابي أزوج خواتي وتبي تستغل جمالهم عشان تزوجهم شخصيات مهمة

على قولتها ما تبيهم يتشرشحون مع ازواجهم بالفقر و تبي تضمن لهم حياة كريمة ويعيشون حياة الرفاهية ما تبغاهم زيها :29:

قلت لها بس " بالأغلب " الأغنياء او الأمراء او الشيوخ يتزوجونها فتره و يطلقونها قالت عادي اهم شيء يغرقونها بالفلوس و إذا هي محظوظة تنجب منه طفل يضمنها ومو شرط ياما تزوجوا مواطنات وحبوهم وتعلقوا فيهم !! 😐

حتى فاتحت خواتها بالموضوع و قاعده تدور لهم جدياً البنت صامله و بدت بالموضوع
وتقول ابغى طريقة ازوجهم من هالشخصيات المهمة سواء عن طريق خطابة او لا 😐

استغربت منها وبنفس الوقت حسيتها متحمسه معقوله كل ذا بسبب تجربتها مع زوجها او انها طمعانه من وراهم !! جد استغربت منها بس وعدتها أساعدها لان حال الصبايا كسر خاطري

حبيت أشارككم و ادردش معكم شرايكم بكلامها :28: