على اي أساس تفهمك المديره انه مو فمصلحة بنتك الشكوى.. اصلاٌ الضرب ممنوع فالمدارس واسلوب المعلمه غير تربوي وغير اخلاقي ابداًاذا زي ماقالت بنتك وشهدوا زميلاتها،،، لو جت لجنه وحققت كان راحت فيها المعلمه .. حتى اسلوبها الله يهديها غلط فالحوار معاك... وهما ماقاموا يتوسطون فاخت زوجك الا عارفين عاقبة تصرفهم..عالعموم كلمي المديره قولي سكتنا المره ذي المره الجايه عالوزاره مو الاشراف.، وبنتك طمنيها وانصحيها وعززي ثقتها بنفسها واهتمي بمستواها الدراسي عشان مايأثر عليها الموضوع واضح انها حساسه ولا عاد تجيبيلها طاري اللي صار ... والله يبرد على قلبك ويفرحك فبنتك ويرزقك اخت لها ويحققلك امانيك🌸

ايه والدي تقول شدي شعر المعلمه يعتبر تعدي على موظف اثناء تأدية عمله وفيها قضيه وبدل ماتكون مظلومه ولها الحق يصير العكس وتتورط ورطه مالها آخر لو اشتكت المعلمه ..لابد من الحكمة وضبط النفس فمثل ذي المواقف

اللهم اميين الله يسمع منكن واشكر وحدة وحدة ردت على موضوعي وعطتني من وقتها اسمحولي انا جديدة وعدد مشاركاتي محدود ماقدرت ارد ع الكل الله يسعدكن خواتي سعادة الدارين واختي مطبخ المحلق تسلميين ي بعدي على هالكلام وانتي الارقى فديتك صادقة والله في بعض البنات يشيلوا الراس الله يهديهم يارب خواتي مدرسات ثانوي ودايم يسولفوا لي عن مشاكلهم والله ادعي لهم لانهم بمرحلة مراهقة ربي يفكهم لانفسهم ويهديهم واللي تقول ارسلوا برقية لخالد الفيصل وربي هذا اللي كان بيسوية زوجي قبل تتدخل امة الله يسعدها يقول بسوي كل الطرق والله لاخليها تندم لانها ماهي مغلطة نفسها واسلوبها كان مرة وقح معي فوق شينها قواة عينها والله لو ادري ان بنتي فيها قلة ادب وربي ماتحركت كان قلت مستاهلة حتى لو انها وحيدتي بس والله اني اشد عليها دايم لاني ماحب الدلع والجرائة بالبنت بس بنتي اعرفها واعرف اسلوبها بالمدرسة كيف خجلها وانها ماتحب حتى تغيب ومتعلقة بالمدرسة بالحيل لانها تطفش بالبيت وتحب زميلاتها ومدرساتها كل يومنا يروح وهي تسولف لي عنهم وانا والله ماتكلمت وسويت هالشي الا من كلام كل المدرسات وعمتها بعد تقول حييل تستحي انا استغرب منها ماتجيني مثل البنات اللي يفرحن اذا احد بالمدرسة يقرب لهن والله يابنات اني يوم اروح لعمامها والله انها تستحي منهم كيف مدرساتها وانا من فترة لفترة امرها بالمدرسة واسال عنها والله انهم يقولوا بنتك خجولة ومتفوقة ولا يحتاج تسالي عنها واعطيها هدايا ورود لمدرساتها حتى اكسر الخجل عندها وانا احب ازورها لانها تنبسط وتكون هذاك اليوم كلة مبسوطة واللي قهرني ان مدرستها ماتكلمت وقلت لها لو بنتي متكلمة ومتخصرة لك مثل ماتقولن كان ماسكتي لها والاترد تقول انا طيبة والبنات ماينات علي خير ماينات عليك وش هالكذبة لو اني ماعرف كيف شخصيتها اقول يمكن بس ترجع تقول اصلن بنتك غيورة وتغار اذكر مرة جبت هدية لزميلتها وهي ماجبت لها قامت تبكي قلت وش فيها اذا هي متفوقة وانقهرت وبكت لو هي كسلانة ماكان همها ولا بكت وهذا دليل ان بنتي ماغلطت وانهن كذابات ويرقعن لبعض ولو كان هي هزئتها مو وحدة ثانية والله العظيم ماعصبت كان قلت يمكن صادقة بس هذيك ساكتة ولا علقت وقالت للبنت ارجعي مكانك وتجي وحدة لاتعرف بنتي ولا اخلاقها ولا اسلوبها تعمل بها كذا ولو متكلمة برضوا باسلوب تستوعبة طفلة وبدون ضرب ودف كان سكت والتمست لها عذر واخطي بنتي وبقول يمكن تكلمت بنتي وغصب عنها رفعت صوتها عادي معلمة وتوجهها اذا غلطت اما بهالطريقة المهينة لا والله ماسمح لهن واللي نرفزني اكثر انها تقول لبنتي وهي تبكي ومنخرعة بعد تبكين ياخانوم وتجرها بشعرها وتتعذر ان الشعر الطويل ممنوع فكة صراحة عذر اقبح من ذنب لا وخلت بنتي تتأسف مرتين للمدرسة مو مرة وحدة على ايش مدري يعني فوق فشيلتها بعد اهانة كرامتها الله لايسامحها وبضل اتحسب عليها بنتي حيل حساسة ومابي هالشي يضل نقطة سودا بقلبها وبضل اجتهد لما انسيها اياها ياقلبي ماهي متعودة لا على الضرب ولا شد الشعر يالله عند الله تلتقي الخصووم اعذروني طولت عليكم والف شكر غالياتي ولاتنسوني من دعواتكم بتيسير عمليتي😘




ربنا هب لنا من ازواجنا وذرياتنا قرة أعين واجعلنا للمتقين إماما

والله ما الومك على قهرك على بنتك للاسف كثير في السلك التعليمي حرام فيهم انه يكون مربي اجيال
خصوصاً معلمات الإبتدائي استغرب تلقى صعوبة في توجيههم مع انهم مثل العجينة سهلة التشكيل واي قيمة تغرس فيهم بتستمر طول الحياة
اجل لو اقول لك ولدي جاي مصدوم قبل كم يوم يقول دخل علينا مدرس الحصة الاخيرة احتياط لان معلمنا غايب ومانعرفه ولا يدرسنا
يقول قام طالب من مكانه وراح يكلم زميله يقول بدون مايستأذن مسكه مع راسه وضربه بالجدار على مفاتيح النور لدرجة تسكرت اللمبات من قوة الضربة يقول بعدين رفسه برجله وكمل عليه بالعقال والولد يصرخ وش سويت !!! طبعاً وضحت لولدي ان تصرف الولد غلط بس مايستاهل هالعقوبة
لا وطلع للوكيل ورجع للفصل يقول احمدوا ربكم اني ماسك اعصابي والا كان وريتكم ( الإجرام )
تخيلي معلم يقول لطلابه اوريكم الإجرام
طبعاً ما ادري بعدها وش صار لكن لو انا مكان الأهل اقدم فيه شكوى قوية لان اللي مثله حرام يدرس ويعلم تلاميذ
وربي مقهوره على الولد كأنه ولدي وانا ما اعرفه

ياقلبي هو الله لايسامحة الله يشل يدية قادر ياكريم تقطع قلبي على الموقف يارب يكونوا اهلة عرفوا بالموضوع ويادبونة ويوقفونة هالمجرم عند حدة ويعلمونة الاجرام كيف حسبي الله علية قهرني


ربنا هب لنا من ازواجنا وذرياتنا قرة أعين واجعلنا للمتقين إماما