عاد اذا مارحتي لسى اتمنى انك ماتسوي تصرف ارعن يعني لاتمدي يدك عليها عشان يكون الحق معاك اشتكي للمديره انك تبيها تعتذر لبنتك قدام الطابور الصباحي

وبكذا بنتك ترجع لها الثقه ولاتفكري اذا درستها السنه الجايه وش بيصير ياحي ياميت وش درانا عن القدر لاتعلقي تصرفاتك

ع شي لسا ماصار واذا صار عادي اطلبي يغيرونها او نقلي بنتك

مع اني جدا عصبيه ولو حد يلمس بنتي والله اروح اكلها بأسناني بس انا قلتلك التصرف السليم خليكي هاديه وتكلمي بمنطق

الله يسعدكم حبيباتي والله لايحرمني منكن ولا من خوفكن على بنتي الله لايوريكن مكروة بغالي يارب والله رحت ماخليت ولا بقيت شي ماقلتة وطلعوا بنتي غلطانة وانها هي تخصرت للمدرسة وقالت كلامها بسلوب مو مؤدب وطبعاً المديرة جلست تهدي فيني قالت يمكن بنتك غلطانة وهذي مدرسة تنهى عن الغلط حتى لو ماتدرسها قلت تنهى باسلوب ماتضرب وجابوا المدرسات الثنتين طبعاً متفقات باين نفس الكلام وسالنا مدرستها اللي تدرسها باللي صار تقول بنتك تخصرت لي وتقول خير تطلعينهن وماتطلعيني تقول انا اتجمدت وانصدمت وسكتت متفاجئة من جرئتها بالكلام معي ومدري وش اقول قلت خلص اوجعي لمكانك وهذيك المدرسة سمعتها وماتحملت ان زميلتها المدرسة تتمادى عليها طالبة وتدخلت على طول بالله هذا يدخل العقل بنية خوافة تقدر على مدرسات قويات وتجي الثانية اللي مدت يدها قالت انا ماضربت بنتك ولا لمستها شدتيها بس مع مريولها وبنتك اصلن فاكة شعرها وهذا ممنوع وانا ماجيت اتعذر وابري نفسي بنتك غلطت وماعلي لامنك ولا من بنتك انا عملت اللي اشوفة صح ولاغلطت وطلعت الوقحة وانا تعالوا دوروني ماتلقوني انجلطت وتتعذر لي المديرة تراها تعبانة وعندها ظروف سامحيها قلت لا والله ماراح اسكت وراح اصعد الموضوع وانهبلت قلت انا ماقبل الا بشهادة زميلاتها اللي حضروا الموقف قالت وحنا الكبار ماتصدقينا بتصدقين الاطفال قلت ايوة لانهم مايكذبون كلهم مثل مابرن نفسهن معلماتك وصارت بنتي الغلطانة انا ببري بنتي وهذا من حقي اطلب زميلاتها وجابوهن وحلفوهم يقولوا الحق واعترفوا ان بنتي ماتخصرت ولا خانقت على المدرسة مثل مايقولن وانها صحيح شدتها من شعرها لما صار مكانة احمر من عند اذنها بقوة ودفتها على الطاولة تعالوا شوفو وجة المديرة والمعلمة وغصب يبن البنات يكذبن يعيدين ويزيدن انتن شفتنها تراكن حلفتن قالن والله ياستاذة شفناها وقامت تبكي وسحبتها للادارة عاد ارتحت وانا اجلس قلت خلص الحين اقدر اخذ حق بنتي وهم يهدوني الاداريات والمديرة ونصحوني ماشوشر على بنتي وان هالشي بيضرها ماينفعها ووعدتني المديرة انها بتاخذ حق بنتي وهي بتحل الموضوع وطلعت من عندهم بعد تعب ثلاث ساعات وماقول غير حسبي الله ونعم الوكيل بهالانسانة المستهترة مربية الاجيال الكذابة وجعلها تجرب حرقت قلبي على بنيتي.




تم الإرسال بواسطة iPhone بإستخدام منتدى عالم حواء

دام السالفه كذا خليها ابوها يتصرف خلاص الحين لابتاخذي حق بنتك وبرضه بيستقعدن لها

تصرفي خلي زوجك يشتكي لمندوبية التعليم بالمنطقه لاتتركي حق بنتك والله مت من القهر

حبيبتي روحي المدرسه واشرحي الموضوع للمديرة واسمعي من المعلمة واذا لك حق مابيضيع واذا فعلا طلع كلام بنتك صحيح خلي المعلمة تعتذر لبنتك وتطيب خاطرها واطلعي مع بنتك لفصلها عشان تحس ان معها احد وسلمي ع زميلاتها وبنتك فهميها انها راح تواجه مواقف في حياتها لازم تتحمل كلميها كانها بنت كبيرة

ليه يقولون لك ان بنتك راح تنضر اذا كبرتي الامور ؟؟؟
تهديد مبطن مثلا ..
اذا عندهن واسطة حق بنتك ضاع للاسف من تجربة لي ..
الله ياخذ كل مدرسة جبانة ومنحطة وتحط حرتها ببنات الناس ..