السلام عليكم ورحمة الله
سلمكم الله بفضفض معكم بشي كاتمته بصدري ماعندي غيركم واتوقع كثير مثلي عانو من هالسالفه
كنت احب اسم معين وقلت بسمي فيه اول اولادي ومره وحده من سلفاتي كانت حامل ب7 شهور وهي بنفسها قالت لي معي بنت بدون ماسالها قلت وش بتسمين قالت باقي ماحددنا
المهم انا وقتها كنت حامل بشهرين بس ماقلت لها ، فقلت انا احب اسم تميم اذا جاني ولد بسميه تميم ان شاء الله
بعد فتره ولدت وجاني زوجي يقول احتمال اخوي يسمي تميم وزوجي مستغرب يقول قلت لاخوي هالاسم محجوز لنا دورو غيره شوي الا هي تجي تسالني بالواتس تقولي شرايك باسم تميم ؟؟؟؟؟؟؟؟؟؟؟؟
انا تنحت فجأه ومن غبائي رديت وقلت حلووو ياليت رديت رد غيره قلت اسم ولدي دوري غيره بس مدري وش جاني حزتها توقعتها تمزح وطلعت صادقهه والله للحين مقهوووورررههه من حركتهاا وش تتسمى هالحركه قلة ذوق او وش هالحركه ؟؟
المهم بعدين وحده من خالاتها تسولف معي وقالت كنتي تبين تميم بس اخذته عليك فلانه ؟؟؟
ياربي يعني عارفه اني ابيه وتسمي فيه ولدها اف احس بقهر والله
بالاخير شرايكم باسم (نايف ) حلو والا قديم
إإيــلاف @aaylaf
عضوة نشيطة
يلزم عليك تسجيل الدخول أولًا لكتابة تعليق.
تبين الصراحه والله خايس اسم تميم زين انها سمته تستاهل طز فيها الله يرزقك وفيه اسم راشد وفهد رايد محمد عبدالله تركي فزاع اممم يمكن قديمه بس لها هيبه انا وحده تقرب لي تعرف اني اذا جاني ولد ابسميه فهد وقامت تجاكرني قدام الحريم تقول ابسمي فهد وسبحان الله جاها بنت واذا الله رزقني ولد بسميه واذا بنت بسميها قريب لختها 😊
وعليكم السلام ي كثر هالنوعيه ف الاحسن إنّو لو سألوك تسكتين متقولي لهم اسم طفلك قد صارت ل اختي كانت حامل لها شهرين وحماتها لها 7شهور وتسألها تقول ل اختي وش تسمين بنتك اذا جبتي بنت قالت اختي حور بعد شهرين ولدت وسمت حور بنسبه ل اسم نايف جمممميل الاسم حتى لو كان قديم اهم شي المعنى والنطق
الصفحة الأخيرة
سمي قصي مره يجنن هالاسم