السلام عليكم

انا عن نفسي شفت مكياج هيفاء صفر على اكثر من عروس مكياجها حلووو بس المشكلة في كريم الأساسي نهائياً مب شي لانها وايد اتحط كريم اساس لا بعد يبين يعني اتشوفين العروس من بعيد وايد حلوة بس روووحي وسلمي عليها راح تغيرين رايج لانه الكريم اتحسينه مثل القناع يعني مكان اكثر عن مكان و مثل بقع على الوجه

هذا راي انا في مكياجها

مرحبا
صراحه مكياج هيفاء رووووووووعه انا اتمكيجت عندها مرتين وكل مره احلى عن الثانيه وتقريبا معظم صديقاتي اتمكيجن عندها وكل وحده تطلع احلى من الثانيه بس الاساس صح اشوي والله انه وعن التسريحات اختاري التسريحه اللي تبينها سواء من مجله او من النت ووديها بتسويلج نفسها
:27: :26:

اختي الغاليه دلوعه

بصراحه مكياجها روعه واروع من الروعه بس بصراحه وايد مبالغه بالاسعار

يعني قبل كانت تحط المكياج 150 درهم ..

بس الحين سعرها تغير تحط المكياج 500 درهم من غير رموش طبعا هذا مكياج عادي جدا جدا والوحده ماتتغير وايد لانه عن جد عادي ..

اما المكياج الملجه ب 1000 درهم من غير تسريحة

والشعر مب هيفاء تسويه عندها وحده للشعر ب 500 درهم غالي وما يستاهل ..


وعلى فكره ماعندها مكياج اسبشل يعني ياتختارين مكياج وايد عادي ب 500 او مكياج ملجه 1000 او مكياج عروس وبصراحه مادري بكم وهذا اللي سمعته عن قريبتي