السلام عليكم ورحمة الله وبركاته
شلونكم يا بنات حواء ، إن شاء الله انكم بخير؟
سلمكم الله لي زميلة في العمل ، اول ما تعرفت عليها كانت حامل ، وكنت دايما اجيها في مكتبها ( هي في مكتب بروحها وانا في مكتب بروحي بس في نفس الطابق ) المهم قلت لها اول ما تولدين بالسلامة ارسلي لي رسالة عشان اعرف واجي ازورك في المستشفى ، ولدت وارسلت لزميلة ثانية معانا وما قالت لي ، انا ما زعلت ، ومالمتها قلت توها والده ومب فاضية ترسل للكل ، المهم ارسلنا لها ورد في المستشفى ، وارسلنا هدية المولود في البيت ، بعد ولادتها خذت اجازة ، اتصلت فيها عشان اسلم عليها ردت علي بنتها وقالت امي مشغولة ، وقمت ارسلت رسالة وقلت لها اني اتصلت واني حبيت اسلم واتشكر لك بالسلامة ، وما ردت علي مسج ، انا قلت اكيد انها مشغولة وما لمتها ، المهم جا رمضان وارسالت لها مسج رمضان ومسج العيد ، واخيرا ردت علي ، وارسلت مسج ثاني ذكرت فيه ، انها منحرجه مني وانها مشغولة كثير ، طبعا عذرتها .
إلى هنا والامور تعتبر طبيعية وما فيها غرابة
لما داومت في العمل بعد اجازة تقريبا 8 شهور ، كنت اجيها في المكتب واقعد اسولف معاها ، وهي تسولف وتضحك عادي ، بس مشكلتها شخصيتها كذا لما تكون في مكتبها ولما انا اروح لها ، يعني لو يوم ما جيتها المكتب ، ما تقول والله وينك يا فلانه ما مريتي اليوم ، عسى ما شر ؟ انقطعت عنها يومين تقريبا وما رحت لها ويوم رحت قالت لي ما بينتي (ملاحظة ما قالت هالكلام الا يوم جيتها المكتب ) المهم قلت لها انتي بعد ما تسألين ، قالت انا نوعيتي كذا ، مستحيل اروح لحد في مكتبه ، بس الله يحيي اي حد يجيني في مكتبي واسولف معاكم بس انا ما اروح لحد في مكتبه ، المهم انا قلت هي كذا طبعها وماابي اقطعها بهالسبب ، مع العلم ان هالانسانة خلوقه وحبابه ، المهم اللي لاحظته اشوف تصرفاتها عكس اللي تقوله ، يعني تقول مستحيل اروح لحد في مكتبه وانا اشوفها تروح لزميلاتي الي معاي ، صحيح مب كثير ، بس انها تروح لهم عادي وانا مكتبي ما تجيه ابد مع اني انا اقرب مكتب لها .
المهم جاتني ذاك اليوم وهي واقفه عند الباب وتقول انها فاضية وما عندها شغل وتبني اجيها في مكتبها ، انا قلت لها إن شاء الله بس انشغلت وما قدرت اروح لها ابد ، وهالكلام صار له اسبوع وما دخلت مكتبها الا اذا فيه شغل او اذا ابي ورقة من عندها ، ولما ادخل ما تقول ليش ما جيتي او يالله قعدي بس هي تدري اني مشغولة ، وحتى لو كانت تدري المفروض تقول لمجرد القول .
يا ترى ما تشوفين هالإنسانه غريبة ولا انا مكبره السالفة ؟ بصراحة انا ما تفرق معاي من اللي يجي للثاني في المكتب وانا ما خذت على خاطري االا لما شفتها تروح لمكاتب باقي الزميلات باستثناء مكتبي بصراحة هالشي زعلني منها ، انا ما قطعتها ، لما اشوفها اسلم عليها عادي وابتسم لها ، الله اني ما قمت اروح مكتبها
اتمنى اللي عندها الرأي السديد او وش ممكن اسوي تقول لي
شاكرة لكم مقدما
radadi @radadi
عضوة نشيطة
يلزم عليك تسجيل الدخول أولًا لكتابة تعليق.
WMRakan
•
والله حبيبتي يمكن ما تبي تبني علاقات معك او يمكن زميلاتك كانت معهم علاقات من قبلك وهي حره انتي سوي شغلك وسلمي عليها واللي يبيعك بيعيه بس لا تخربين العلاقه معها يعني خلك عادي مثلها مثل اي وحده ثانيه ........
radadi
•
أختي الغالية الله يرزق الجميع ، اشكرك لسرعة ردك ، انا ما خذت على خاطري منها من موقف واحد او من موقفين ، من بعد تكرار المواقف حكمت عليها بهالشي وقلت ما راح اروح لمكتبها ، بس اختي انتي مب معاي ، ان الوحده تحب لو انقطعت عن زميلتها تحس ان في حد يسال عنها وانها فاقدتها ، مب بس ضحك وسوالف عالفاضي ، مهما كان الانسان يحب ان حد يسال عنه
اكرر لك شكري يا الغالية
اكرر لك شكري يا الغالية
radadi
•
WMRakan :
والله حبيبتي يمكن ما تبي تبني علاقات معك او يمكن زميلاتك كانت معهم علاقات من قبلك وهي حره انتي سوي شغلك وسلمي عليها واللي يبيعك بيعيه بس لا تخربين العلاقه معها يعني خلك عادي مثلها مثل اي وحده ثانيه ........والله حبيبتي يمكن ما تبي تبني علاقات معك او يمكن زميلاتك كانت معهم علاقات من قبلك وهي حره انتي...
انا جا في بالي هالشي انها ما تبني علاقة صداقة معاي ، بس نوعية سوالفها ما توحي بهالشي ، هي من النوع اللي تتكلم عن حياتها ، وما تتحفظ باي شي جدامي ، ومعاك حق الزميلات اللي هي تروح لهم تعرفهم قبلي وانا اعتبر الجديدة بينهم ، على الرغم من اني لما اكون في مكتبها ما احس انها متضايقة من وجودي بالعكس تحب سوالفي كثيـــــــــــــــــر ، وهذا اللي محيرني فيها
اكرر لك شكري
اكرر لك شكري
الصفحة الأخيرة
يمكن مو منتبهه
لاتكبرين السالفة بخاطرك
الله يوفقك