شرب الماء لحديثي الولادة

مرحبا اختي انا بنتي تعبت من كثر مااحاول اعطيها مياه معدنيه
بالعكس هذا جيد اذا كنتي تعطينها حليب صناعي
اما اذا كنتي تعطينها حليب طبيعي من صدرج ماتتحتاج ان شاء الله لان حليب الام فيه نسبه ماء ولله الحمد
اذا مارضت تاخذ الماء عطيها لو قطره بملعقه صغيره او بللي شفايفها والله يوفقج

الماء ضروري للبيبي سواء ترضعينه طبيعي او صناعي...

أهالينا الاوليين يقولون الماء مهم وضروري للطفل حديث الولادة لكن الاطباء الان يقولون لا تعطوهم الماء

انا لما ولدت بنتي امي كانت معي بالمستشفى ولاني ولدتها بعملية قيصرية طبعا قعدت بالمستشفى 8 ايام والتاسع طلعت وخلال هالايام كانت امي حفظها الله تعطي بنتي قطرات ماء لكن هي تعرف ان الاطباء يمنعون ذلك فما كانت تخليهم يشوفونها بس طبعا مو تسقيها وايد لا بس مجرد تبلل شفايفها او بملعقة صغيرة جدا جدا تحط لها شوي باليوم مرة بس

والحمدالله

Haabiba
منظمة الصحة العالمية اوصت بعدم اعطاء الطفل ماء او طعام في اول اربعه اشهر من العمر حتى لو كان الطفل يعيش على خط الاستواء
لان الحليب يحتوي من مكوناته على 88 % ماء والباقي غذاء

أختي أنا يوم جبت ولدي قالو لي ثاني يوم نسبة البصفار علية وماطلعونا لمدة 11يوم والسبب ارتفاع البصفار وترى النيرس اللي كانت تهتم بولدي قالت لي كان لازم تعطينه ماي مع سكر نبات عشان البصفار يخف عنه وقالت لي ماعليج من أحد (لان ولدي كان بالحضانه)فقالت لي تعالي انتي هناك كل ساعتين أو أقل وعطيه ماي مع سكر نبات ولاتعتمدين على النيرس لان مب في كل الاوقات أكون موجوده فروحي له بنفسج وعطيه.......
فهذا دليل على ان الماي مفيد للطفل وأمهاتنا كانوا يعطون عيالهم ماي ماشوف صادهم شي أو تضررو منه