شرب او اكل بقايا الناس لتـفادي الحسد سنه نبويه ام عادات وتقاليد سعوديه؟

السلام عليكم ورحمه الله وبركاته

انا اليوم اجى عندي ضروف تتكلم وتتكلم ومـاااا تقول ماشاءالله وهذه اول مره تدخل بيتي وتقارن بيتها ببيتي مع انه بيتي ايجار ولا املك اي شي من اثاث البيت كله لاهل البيت ايجار مؤثث وانا عانيت بحياتي كثيررررر اشهد بالله عانيت الكثير ويمكن اكثر منها .... المهم اني شربت بقايا الماء من نفس الكاس الي هي شربت منه بصراحه حسيت نفسي وحده تافه وغبيه وسالت نفسي ايش هذا وش كاعده تسوووووين يا لجين

خواتي انا لما دخلت عالم حواء وقرات عن شيء اسمه اشرب او اكل بقايا الناس بعد مايروحو من البيت لتفادي حسدهم وعينهم ... والي معروفه بكلمه (اخذ من اثرهم) بصراحه تعجبت!!!!!!

وبعدين تذكرت مره من الايام اني شفت برنامج ديني طلع على التلفزيون من زمااااان من فتره طويله بس مو متاكده من الكلام هل فعلا الي اذكره صحيح وله الكلام الي قراته دخل مع كلام الشيخ وتلخبطت على العموم الي اتذكره بالتلفزيون
وحده مغربيه اتصلت على هالبرنامج الديني حسب ماذكر انه كان شيخ وقالت له انا متزوجه خليجي واهل زوجي يجبرونني على شرب بقايا قهوه الضيوف فهل يجوز لي اطلب الطلاق لان هذا الموضوع صار يتكرر ويتكرر ولا افهم السبب...
فالشيخ ضحك وقال يمكن انت تتمتعين بجمال معين او اخلااق حلوه واهل زوجك غلطانيين كان المفروض يفهمونك ليش هم يسوون كذا وقال انها سنه نبويه لتفادي العين .

واذا كانت سنه نبويه فانا ساطبقها وحتى وان حسيت بالتفاهه
فهل هي سنه نبويه واذا كان صح كيف اخذ من اثرهم عن طريق الشرب او الاكل ابغي الطريقة؟؟؟؟
وكيف على اهل البيت والبيت نفسه؟
لاني انا الي راح اشرب فكيف ابعد العين عن البيت وباقي اهل البيت؟
ومين تعرف الحديث الي قاله النبي عن اثر الناس لمنع الحسد؟ من وين جبتوا هالمعلومه يعني؟