شرح بعض المسطلحات النجديه لغير الناطقين بها

السلام عليكم ورحمة الله وبركاته

كيف الحال اليوم قريت موضوع للعضوة ام فوزان عن اللهجة الحجازية وجزاها الله خير ذكرتني كان عندي موضوع من زمان عن بعض المسطلحات و الامثال في اللهجة النجديه وشرحها لبعض الاخوات اللي مايعرفون معناها خصوصا اهل الغربيه لكن الكسل وقل الفضاوة عاد قلت ما بدهاش يابنت ونزليه خلينا نتسلى شوي ومنها البنات يستفيدوا ويعرفوا بعض من لهجة اهل نجد فديتهم رغم اني حاليا عايشة بالحجاز لكن اهلي وربعي في نجد جعل السيل يسقيها (انا من نجد يكفيني هواها ويبري لوعتي شربي لماها)





اول شي نبدا بالمسطلحات النجدية وبعضها ماعادت تستخدم الا عند كبار السن والعجايز



: دوك يعني خذ

: فيان يعني وين

: هاك الساعة يعني ذاك الوقت

: الهمام يعني بسرعة

: بو: مبدول: بهيم: كلها تعني غبي او لايفقه شيء

: قعفة يعني خلقة ضيق ويزعل بسرعة وهذي دايما تطلق على الحريم اللي يزعلون بسرعة


: مايداني ازحف وراك نفس المعنى السابق

: ازهم عليه يعني دق عليه

: وش قومك يعني وش فيك

: يويق اويسبر اي يطل من مكان ما


: قرن او قرون يعني الشعر الطويل يقال فلانه عليها قرن طويل يعني لو احد قالك يازين قرنك لا تحسبيها مسبه
ههههههه

: مريع يقال الباب مريع اي مردود او مسايف اي غير مغلق بالكامل

: عوبا يطلق على الحرمة القويه العنيدة


: الحين خلصنا من المسطلحات نجي للامثال

: يقال راح مرواح مقيط ورشاه يضرب للشخص الذي يريد الخير للنفسة فيجني الخسران او الشر


: من ذبحته يداه محدن بكاه يضرب للشخص اللي يضر نفسة بنفسة


: يا نايرن عني وانا عنك منحاش يضرب للشخص اللي ما يبيك وانت ماتبيه

: قلعة وادرين وادرين هذي عاد مدري وين لكن يضرب للشخص اللي ودك يروح ولا يرجع


: انه بلا ابوك ياعقاب يضرب للشخص يتحسر ويتوجد على شي مايعرف قيمته الاهو


عاد هذا المثل قصته قصه يقال ان الشاعر والفارس نمر ابن عدوان بعد ما ماتت زوجته وضحى تزوج بأمرأه اخرى وكان ولدة عقاب من وضحى يلعب بالحدج وهي نبات صحراوي لونه اخضر يشبه الكرة الصغيره وكان يرمي الحدجه على عمته وهي منسدحة على جنب فضربت عمته على جنبها فصاحت فيه وعلمت ابوه عليه قام نمر هاوشه قال عقاب يابوي انا احسبها مثل امي العب معها بالحدج ارمي الحدجة وهي منسدحة تدخل من تحت خصرها يعني من صغر خصرها قام نمر تنهد وقال انه بلا ابوك ياعقاب ياويل حالي يجي اليوم يشوف الكروش والظهور عندنا ههههههههههه


وخلصنا .


عاد انا تعبت من الكتابة وان شالله الموزوووع يعجبكم



وسلامكتم