الجاكيت ده من المنتدي الروسي برضه وانا عملته وكررته كذا مره يعني من الاخر كده بقي الزي الرسمي للبيبيهات في العيله ههههههه وبجميع الالوان روز للبنات ولبني للاولاد وبرضه جانجاه يعني علي كل لون
حااشرحه علشان اللي عندها بيبي تعمله وعلي فكره ينفع قطن علشان اليومين دول الدنيا بتبرد شويه بالليل يعني ياريت يكون عندك كذا جاكيت علشان البيبي مش يبرد
بنبدا علي 74 سلسله -4سلاسل(عمود بدايه +سلسله مسافه (وتسيبي سلسله من سطر القاعده وتعملي عمود في السلسله التاليه -سلسله ) كرري مابين القوسين حتي نهايه السطر وحايكون عندك (37)وحده
ارتفعي 3سلاسل للسطر التالي
اعملي عمودين في اول لوب -سلسلتين*-سيبي لوب واعملي 3عمود في اللوب الذي يليه- سيبي لوب واعملي سلسلتين
خدي بالك بقي في اللوب الذي يليه حاتعملي 2عنقود بينهم سلسلتين (العنقود بتعمليه بانك بتعملي عمود وقبل ماتنهيه يعني لما يكون علي الابره 2لوب اعملي عمود تاني وسيبي اخر لوب فيه وبعدين اعملي عمود ثالث وكده حايكون عندك علي الابره 4لوب لفي الخيط علي الابره وخديهم كلهم في غرزه واحده )*
غرزه العنقود
الاسم الانجليزى : cluster stitch
الاختصار : cl
الرمز :
كرري مابين العلامتين حتي نهايه السطر وينتهي برضه زي البدايه بمجموعتين كل مجموعه 3عمود
وده شكل السطر
السطر التالي
ارتفعي ب3سلاسل ثم عمودين فوق اول 3عمود (ال3عمود دي حاتستمر معانا )- 2*سلسله- فوق ال3عمود التاليه اعملي 5عمود (بحيث تعملي عمودين فوق اول عمود وعمودين فوق ثالث عمود )- سلسلتين- غرزتين عنقود بينهم سلسلتين في السلسلتين اللي بيتوسطوا غروتين العنقود اللي في السطر السابق* وكرري مابين العلامتين حتي اخر 3عمود اعمليهم 3عمود زي ماهم
كرري السطر السابق مع مراعاه زياده عدد الاعمده من5 الي 7 ثم الي 9 ثم كرري السطر بدون زياده واستنيني
وده شكله لما توصل عدد الاعمده ل9 وتكرريهم
نشوف الخطوات التاليه
بتبتدي تنقصي ال9 عمود تخليها 7 وفي نفس السطر بتزودي في العنقود بتعملي في كل وحده وحدتين
بتبدئي - 3سلسله ثم عمودين فوق ال3 اعمده للبدايه*-2 سلسله- 7عمود - 3سلسله -( بتعملي عنقود -سلسلتين-عنقود) في اللوب المكون من سلسلتين في نص العنقودين من السطر السابق- سلسلتين-(عنقود سلسلتين-عنقود ) في نفس اللوب*وكرري لنهايه السطر اعملي 3عمود ولفي
السطر التالي
3سلسله - عمودين في العمودين التاليين -* 2سلسله- 5عمود- 3سلسله - (عنقود- 2سلسله-عنقود) في اللوب المكون من سلسلتين الاول- 3عمود في اللوب المكون من سلسلتين اللي بين المجموعتين من العنقود- 2سلسله- (عنقود-2سلسله- عنقود-) في اللوب الثاني بين العنقودين * وكرري مابين العلامتين
وشكل السطر حايكون كده ومعلش مش مصوره الخطوه دي وجبت لكوا صوره من الموقع الاصلي
دائما متالقة بمواضيعك