طبعا موضوعي خاص بالنساء أو الرجال المتزوجين ممكن يخلوا حريمهم يستفيدوا من ايميلي هذا
و للأمانة هذا الشرح منقول من الأخت صدى السني من منتديات سيدات الإمارات
بصراحة الإماراتيات ماشاء الله عليهن مبدعات
*********
نــــــــــــبدأ:
قبل الميك أب
اهم نــــــــــــــــــقطه " تنظيف البشره" قبل وضع المكياج
والسبب ماتتعب البشره وتكون معقمه ويثبت المكياج مده اطول
شرح للصوره
1- هذا الميلك المنظف ويوضع على اسفنجه مبلله وينظف الوجه والرقبه
2- وبعد مانظفنا البشره بالميلك نبلله الاسفنجه بالماء ونمررها بالبشره وبنفس الاسفنجه نضع التونيك ونتركه تمتصه البشره لدقائق
3- وهذا الموس مثل الغسول بس غسول خفيف مايجفف البشره يناسب البشره المختلطه المايله للجافه
انا احطه بعد ماازيل المكياج وتقدرون تحطونه قبل الميلك
بعد ماحطينا التونيك وتشربته البشره
نيي للبيس او البرايمر وانا استخدم هالبيس من ميك اب فور ايفر وبعده ايي بيس سان ايف لوران وايد روعه بعد
وطبعا كل وحده تآخذ اللي يناسبها وهو انواع طبعا
بعد ماتشربت البشره البيس
انوزع الكونسيلر على كامل الويه انا استخدم كونسيلر كريولاين وايد تغطيته حلو وينفع ينحط بروحه بس مب للاستخدام اليومي
واحينه خلطة ديرما كول ويا فونديشن ماك اللكويد لانه الديرماكول ثقيل وايد فخففته بالفونديشن
واستخدمت هالاسفنجه المثلثه ووزعت بطرقة التربيت وهالطريقه تسكر حتى المسامات وماتخليها تبين طبعا للي عندهم مسام امبين
حطيت لوز باودر مات< بدون لمعه تحت العين عسب يلقط الشدو اللي ينزل
استخدمت بودرة ماكس فاكتر
وعقب وزعت لونتركوازي فاتح تحت الحاجب من كريولاين
وحطيت جحال سمايلينق عالجفن المتحرك نسيت اصور الجحال بس اغلبكم ايعرفونه