السلام عليكم ورحمة الله وبركاته..
اخواتي العزيزات حابة اليوم اشرح لكم عن احد اهم الاجهزة المطبخية عندي ..واللي حرصت على شراءه من بداية حياتي المطبخية لانه يريحني من طرطشة الزيت بوجهي وعلى ايديني..ومن توسيخ البوتجاز..ومن الزحمة عليه اذا كنتي تطبخين شغلات ثانية هالبوتجاز..
اول شئ سعرها كان مابين 350الى 500 ريال..ما اتذكر بالضبط لانها من سنوات عندي..
الخط 220 واهو افضل واقوى للاجهزة الكهربائية..
هاذي صورة القلاية..
اهي حجمها متوسط وانا احطها غالبا على احد جوانب الكاونتر في المطبخ لانه مالها مكان بالدواليب..
واهي تجي انواع وموديلات اللي عندي موديلها اسمه..
توكان..
طبعا الصور الصغيرة المرسومة هي ارشادات لجعل البطاطا المقلية مقرمشة اكثر..انك تقلينها شوي ثم ترفعينها من الزيت ثم ترجعينها من جديد حتى تستوي..
وهاذي الصورة التوضيحة لخيارات التشغيل..طبعا اهي معها كتالوج بالعربي مشروح لطريقتها..
بعد ما تشبكين السلك بالكهرباء تختارين خيار حرارة الزيت حسب الشغلة اللي بتقلينها ..من المؤشر المدور..
والشاشة الصغيرة تظهر لك الوقت المحدد لقلي الطعام المختار وبجانبها مؤشرين واحد + والثاني - تقدرين تقللين الوقت حسب رغبتك..وسبب اختيار الوقت لانه عند انتهاء الوقت المحدد راح ترفع لك الطعام من الزيت بروحا وتعطيك جرس انه انتهى..يعني فيها ميزة انه لما تحددين له الوقت المعين مثلا 3 دقايق بعدها يرفع الاكل بروحه من الزيت..مثلا ممكن تشغلينها وتروحين تصلين او تسوين اي شغل وانتي مو خايفة انه يحترق..لان القلاية ترفع الاكل من الزيت بروحها.
اما الزر اللي عاليمين الرمادي هذا علشان قلي البطاطس تعملك اياه بالخطوات الثلاث..والزر اللي عاليسار هذا يرفع الاكل من الزيت..في حال حبيتي ترفعينه قبل انتهاء الوقت..
والزر الازرق اللي تحت هذا رز للتنظيف راح نتكلم عنه بعدين..
وهذا الرز اللي يفتح له غطاء القلاية..
وهذا القلاية من الاعلي..
الاصفر هذا الفلتر والثقوب علشان يطلع البخار معها..
وهذا شكل الفلتر..واذا تغير اللون من الوردي للرمادي يفضل تغيير الفلتر"وتراه يطول يجلس سنتين او اكثر..والفلتر نجينه من الوكيل..يباع بالحبة..
وهاذي عين زجاجية بالاعلى لمشاهدة ما تقلينه وهي مغلقة..اذا حبيتي تتطمني عليه..وممكن تقلين وهي مفتوحة اذا حبيتي..وممكن تسكرينها اول ما تحطين الاكل لحد ما تخف طرطشة الزيت وبعد دقيقتين تفتحينها..الخيار لك..
اقلي الهامبرجر والبروستد والسمك..وهذا لحم الهامبرجر بالزيت..
وهنا بعد ما استوى ورفعته من نفسها..
والبطاطس المقلية ..
هنا بالزيت..
وهنا بعد ما رفعته من نفسها..
وهنا بالصحن..طبعا لانها ترفعه بالمصفاة تبعها فيكون مافيه زيت ومو محتاج تحطينة في صفاية ثانية ..
وهنا الكباب او النقانق للي يحب يقليهم..
وهنا بعد ما رفعتهم..
وهنا حلقات البصل..
وهنا بعد ما رفعتها..
الناجيتس..الكبة..الكفتة..السمبوسة..الخبز المحمص..اصابع الجبن..بطاطس الوجوة..
ويجي معها قطعة مثل الشاش تتركب على شبك القلي تنحط اذا بغيتي تقلين شئ فيه بقسماط علشان ما يتوسخ الزيت..من فتات الخبز.