بسم الله الرحمن الرحيم
السلام عليكم ورحمته الله
ابغي اقول سالفتي باختصار لغرض الفضفضة والاهم اني ابغي ارائكم وحلولكم اذا في
انا تزوجت واحد من جنسية اوروبية و امه من جنسية اسيوية .. لما تقدم لي كان قمة فالاخلاق و كل كلامه عن الدين والسنة وكان ملتزم .. ابوي وايد اعجب فشخصيته لانه ابوي يبا ملتزم .. لما جا شافني اهله ماكاننوا معاه لانهم فاوروبا و هو مقيم فبلدي يشتغل تاجر.. المهم شافني مرتين بعدين سافر لاهله عشان يكلمهم بعدها باربع شهور جا بيتنا هو مع امه و ابوه وخواته و امه بينت لي انها حبتني و راضية و حددوا يوم الملكة يكون بعد اسبوعين والعرس بعد 3 شهور.. كل شي كان ماشي تمام انا وزوجي كنا مستانسين كان يقولي انا مايهمني الفرق فالجنسيات لانه كلنا مسلمين و شريعتنا وحدة وانا ماهتم بالعادات والتقاليد تنرفزني.. طبعا نص اهلي كانوا معارضين بقوة كيف اتزوج اجنبي محد سواها فعايلنا قبل بس ابوي كان يقول انا رضيت بخلقه وديه و كنا نطنش كلام الناس..
المهم قرب وقت العرس وبدت المشاكل انا ماكنت دارية عنها لان زوجي ماقالي الا بعد شهور من زواجنا .. المشكلة هي امه كانت تبيه ياخذ وحدة من طوايفها هي و زوجي قال انه ورته وااايد بنات و ولا وحده دشت راسه .. فكان يرفض ومعند ما ياخذ الا اذا هو مقتنع فالوحدة عشان مايظلمها بعدين و عشان ما يروح للحرام .. المهم قبل العرس بايام امه بدت تسوي مشاكل و تقوله اصلا انا مو راضية انا مثلت راضية عسب اعرف انك عنيد و راح تتزوجها فكل الاحوال" ها الكلام قالي اياه بعدين وامه جدامي كانت وايد عادي و حبوبة معاي" و هاوشته على تفاصيل العرس يعني كانت تبيني البس على مزاجها و هي اللي تختار كل شي لان عندها فعاداتها ام الولد هي اللي تتحكم فكل شي يعني البنت تتزوج الام مو الابن والله صدق اللي ماتعرف تقرا عن عادات الاسيويين .. طول ها الوقت زوجي كان يقول انا بتزوج على السنة مابغي لا عادات ولا تقاليد .. صار الزواج .. علاقتي كانت مع زوجي في البداية كله توتر ومشاحنات ... اكتشفت انه دلووووع بزيادة واناي لدرجة فظيعة لانه هو الولد الوحيد و محد يرفض طلبه و مايعرف يعتني بغيره يعني مافي عطاء بس اخذ... اللي كان مصبرني عليه انه يعتذر اذا زعلني و انه يخاف ربه يعني سيدا ماعنده حركات و انه يحبني و قتن فيني.. بعدين زوجي صار كله مهموم كله يفكر وسرحان و يضارب فالتلفون لما اساله يقولي مشاكل شغل تميت احن لين ماعرفت انه دخل مشروع كبير و خسر كل فلوسه و عنده ديون كثيرة والبنك يلاحقه و عليه قضية فالشرطة وممنوع من السفر... قلت له ازمة وتعدي وانا ما راح اخليك.. طلعنا من بيتنا لانه مامعه فلوس الايجار و رحنا سكنا عند اهلي لمدة سنة ... طول ها المدة هو كان يقعد بس فالغرفة و اكله اطلعه عنده فوق ما يقعد مع اهلي . اهلي متفهمين ماقالوا شي قالوا يمكن متحسس من الوضع وجيه محد ضغط عليه ..
ابوه ما شاء الله عنده فلوس وخير لما طلب منه يساعدهطلعت كل الفضايح و المستخبي ..
قالوله تستاهل اللي صار فيك ها كله لانك ماسمعت كلامنا و ماتزوجت اللي قلنالك عليهم ... وقاموا كل ما يشوفوني يلمحون لي انه من تزوجني شغله وقف و انهم اصلا ماكنوا راضيين من البداية مع انه ها المشروع هو دخل فيه قبل مايعرفني ... انا انصدمت يعني انا شو ذنبي.. قلت حق زوجي لو هم قالوا انهم مايبون من البداية احنا ما بنكمل الزواج محد يرضاها على بنته اهم شي رضا الولدين
تحملت كلامهم عشان زوجي و بعدين بعد ما دفع دين البنك قال انه يبي يروح بلده و يشتغل هناك ولازم نعيش مع اهله لين مايتحسن وضعه ... سافرت والنا الحين فالغربة ..عايشة فغرفة صغيرة فبيتهم ..شو اقولكم شو أخلي ...
من وصلت و امه تحاول تسوي مشاكل .. تباني اكون تابع لها انظف و اطبخ و اقوم فالبيت و بناتها مايسوون شي بس طلعات و تلفزيون ...
انا قلت حق زوجي انا الله امرني اخدمك انت مو ملزومة فاهلك .. كان يقول اوكي بس سوي اغراضي انا .. فكنت اطبخ لي و لزوجي و انظف غرفتي و اكوي ثيابنا يعني هم مايسوون لي ا شي
امه ماعجبها الكلام كل يوم تضارب مع ولدها ما كانت تقولي شي انا .. بعدين ماقدرت تخبي اكثر و نادتني و قعدتني قدامها و قالت لي اسمعي انتي ساكنة فبيتي و تاكلين من اكلنا" لانه زوجي ماعنده فلوس يقضي حق البيت" اذا تبين تعيشين هني في قوانين تتبعينها .. يوم انتي تطبخين و يوم انا و تنظفين و تنزلين تحت واذا في ضيوف تقومين فيهم " انا هني حامل فالسابع" ماقلت ولا كلمة رحت غرفتي مت صياح يا زوجي يقولي معليش تحملي مؤقتا و****لله اللع يرزقني و نطلع من هني انا مضايق و مابي اعيش معاهم .. قتله يعني انا متحملة اني عايشة مع ولدهم فها الحالة بدل ما يقدروني و يحترموني يذلوني و يخلوني انا ادفع الثمن؟؟ المهم قالي اسف حطيتك فها الموقف و بلييز اصبري عشاني .. قلت اكوي مدام احنا عايشين ببلش على قولة امه خليني اسوي اللي تبغي.. من يومها كل يوم دوري ..يعني اللي قالت عليه مو صح .. كل يوم تطلع لي دجاج ولا لحم و تقولي سوي هذا و سوي ذاك وهي تطلع مع بناتها المولات تتسوق .. والله يابنات اوقف فالطبخ بالساعات ظهري ينكسر احس ثقل البيبي بيذبحني ..و فوق هذا ما احصل شي فالمقابل .. ولادتي فبكري قربت و انا لين لين الحين ماخذت غرض واحد حق البيبي لما اسالها تطنشني و ثيابي صغرت عليه لما اقول ابي اروح اخذ لي اغراض تقول البسي لبس بنتي القديم ...
البارحة ماقدرت اتحمل الضغط لان زوجي من كثر حنة امه قام يتغير عليه و يصارخ والله ماعرف شو صار فيني لبست عباتي و جاكيتي و هجيت من البيت بس امشي فالشوارع فالمطر من 10 الصبح لين 7 المغرب والله انا فالشوارع بس امش عقلي و قلبي فاضيين حتى ماقدرت افكر ... اتصلو فيني ماكنت ارد زوجي يطرش لي مسجت بليز انا اسف ردي وانتي حامل فكري فالبيبي .. ماعند احد اروح له ماعرف حد فالغربة .. والله انا امشي و اصيييح محد حتى طالع فيني ها الاجانب كل حد عايش فقوقعته .. المهم مشيت لين والله بوتي امتلا ماي و البنطلون تحت العبايية صار كله ماي و صرت ثقيلة ماقدرت امشي قعدت ف المكان اللي ينتظرون فيه الباص و بعدين رديت على زوجي و ارسلته موقعي فالواتس اب و يا خذاني .. من ييت و انا فغرفتي ماكلمت حد .. زوجي يقول اني بيبيلج رقيا مو طبيعي اللي سويتيه عرضتي حياتج للخطر و ماعرف شو .. قتله انت ماتعرف الضغط اللي انا فيه والله ماعرف كيف تصرفت جيه ماكنت افكر
المهم هاي قصتي الله يخليكم شورا علي شة اسوي؟؟؟ اتمرد عليهم اقول انا ماني خدامة عندكم .ليش بناتكم مايخدموون؟؟ ارد ديرتي عند اهلي و اخلي زوجي؟؟ اقعد غفرفتي ماانزل لهم ؟؟ شو اقول لما يكلموني ؟؟
انا احب ريلي مابغي اطلق منه .. بس ماقدر اتحمل الذل اكثر من جذي.. هو يقولي اصبري اول ما يتعدل وضعه كل شي بيتغير .. بس لين مايتعدل الوضع انا شو اسوي ؟؟؟ كيف اسوي شي فوق طاقتي ؟؟ كيف ارضى بالظلم؟؟
ليش الناس صارت الرحمة معدومة من قلوبهم ؟؟ بلييز اذا انا غلطانة فشي قولولي
الله خليكم شوروا عليه و لا تطنشوني
اللي ماتقدر ترد علي تدعيلي ان الله يفرج همي و يغنيني بفضله عمن سواه
هذا الموضوع مغلق.
زوجك لازم يكون له كلمه
اما يتفاهم مع امه
او ترجعين لاهلك الين تزين اموره
قولي انا صبرت
لكن ما اشوفك تحركت
ولا اشوفك دافعت عني وانا الغريبه اللي خذتني وصبرت معاك على الغربه وبعيد عن اهلي
وخليتني بين يدين امك اللي خلتني خدامه لبناتها ولها
قولي اقوم اذا قامو بناتها
وكل وحده لها يوم
يوم مهو يومي حتى لو قالت لي ماراح اطبخ بلبس حجابي واطلع اقضي للبيبي
واذا زعلت انت تفاهم معها
وخلاص
صيري يوم مو لك حتى لو قالت لك اطبخي اسكتي لا تراددين
والبسي حجابك واطلعي قضي للبيبي وهي تشوفك وطبعا تكونين متفقه مع زوجك
وخلي اهلك يرسلون لك مبالغ صغيره تساعدك
ولا تعطين منها زوجك شي ولا اهله
خليها مصروف جيب لك
اكل وشرب وانت برا البيت
الصفحة الأخيرة
بما انك حامل ماراح اقول لك تطلقي حرام وش ذنب هالنونو يتشتت ويتعذب ..
هالفترة ياحبيبتي بما انك حامل وثقيله ارجعي عند اهلك وقولي لهم اني اتوحم واتعب وابي ارتاح عندكم لين اولد .. اذا ولدتي وارتحتي قولي لأمك كل الي بخاااااطرك وخلي امك تكلم امه وتعلمها بهدوء إن الي قاعد يصير غلط وبنتي تضايقت و... الخ وابي بنتي تصير مستقله عنكم يعني مطبخها لحالها وغرفتها و.. الخ بس وقت المغرب او العصر تنزل تسلم عليكم ثم تطلع لبيتها .. اذا اقتنعت الأم اوكي .. ما اقتنعت كلمي زوجك وقولي هالفترة بنعيش انا وياك والبيبي في شقه قريب من بيتنا وعلميه عن نفسيتك وانك تتضايقين وكذا .. اذا قال اوكي خلاص .. اذا قال عشان عملي هناك قولي اوك بسكن انا والبيبي عند اهلي وكل فترة اروح لكم عشان اهلك يشوفون النونو ثم ارجع لبيت اهلي طبعا فترة مؤقته لحد ما الله يفرجها عليك ونسكن كويس مع بعض زي الناس ..
يختي اهم شيء نفسيتك معليش ما احب اشوش على احد .. صحيح هذي ام زوجك ولازم تحترمينها بس كل شيء بحدوووود ما اوصل اني اطبخ لهم والبنات جالسااات .. اذا كان كل يوم على وحدة اوك بس كله علي لااا والف لااا ..
ولاتنسين هالأيام فضيله استغليها بالدعااااااء وان الله يبعد عنكم المشاكل والخلافات ..
الله يبعد عنكم المشاكل والخلافات والنزاعات ويسخر لك ام زوجك ويحنن قلبها عليك ويهون عليك ولادتك ويسهلها ويفرجها من رب العالمين ..
0000000 تحياتي 0000000